Manikrao Kokate : पाचवेळा आमदार, पहिल्यांदाच मंत्रीपद मिळालं, पण जुना घोटाळा अंगलट आला, मंत्रीपदासह आमदारकी धोक्यात; कोण आहेत माणिकराव कोकाटे?
Manikrao Kokate : नाशिक जिल्हा न्यायालयाने माणिकराव कोकाटे आणि त्यांचे भाऊ सुनील कोकाटे यांना 2 वर्षांची शिक्षा ठोठावली आहे.
Who is Manikrao Kokate : राज्याचे क्रीडामंत्री माणिकराव कोकाटे (Manikrao Kokate) यांना 1995 सालचं प्रकरण चांगलंच अंगलट आलं आहे. 1995 साली कागदपत्रांच्या फेरफार आणि फसवणूक केल्याचा आरोप माणिकराव कोकाटे यांच्यावर करण्यात आला होता. माणिकराव कोकाटे यांना सदनिक घोटाळा प्रकरणात सुनावण्यात आलेली दोन वर्षांच्या कारावासाची शिक्षा नाशिक जिल्हा न्यायालयाने कायम ठेवली आहे. नाशिक (Nashik news) जिल्हा न्यायालयाने काल (मंगळवारी, ता १६) याबाबतचा निकाल दिला होता. आता कोकाटेंवरती अटकेची टांगती तलवार आहे, अशातच त्यांच्या मंत्रीपदावरती देखील गदा येणार असल्याची चर्चा आहेत, दोन वर्षांची कारावासाची शिक्षा असल्याने त्यांनी राजीनामा द्यावा अशी मागणी करण्यात येत आहे, तर विश्वसनीय सूत्रांकडून मिळालेल्या माहितीनुसार, माणिकराव कोकाटेंची खाती कुणाला द्यायची, ते सांगा? असा थेट सवाल मुख्यमंत्री देवेंद्र फडणवीस यांनी अजित पवारांनी केल्याची माहिती आहे. हायकोर्टाने स्थगिती दिली, तरच कोकाटेंचे मंत्रिपद वाचू शकते. पण, तसे न झाल्यास कोकाटेंचे खाते कुणाला द्यायचे, ते सांगा, असे मुख्यमंत्री देवेंद्र फडणवीस यांनी वर्षावरील भेटीत अजितदादांना विचारल्याची माहिती सूत्रांनी दिली आहे.
manikrao kokate: नेमकं काय आहे प्रकरण?
1995 ते 1997 च्या दरम्यान माणिकराव कोकाटे आणि त्यांचे बंधू सुनील कोकाटे यांनी शासनाकडून ज्या सदनिका मिळतात, त्या सदनिका घेतल्या होत्या. त्यावेळेस त्यांनी सांगितलेलं होतं की आमचं उत्पन्न कमी आहे आणि आम्हाला दुसरं घर नाहीये, अशा स्वरूपाची माहिती त्यांनी दिलेली होती. त्या सदनिका त्यांना शासनाच्या माध्यमातून मिळालेल्या होत्या. मात्र त्यावेळी तत्कालीन अधिकाऱ्यांनी या संदर्भातील तक्रार केलेली होती. 1995 साली कागदपत्रांची फेरफार आणि फसवणूक केल्याचा आरोप माणिकराव कोकाटे यांच्यावर करण्यात आला होता. माजी मंत्री तुकाराम दिघोळे यांनी याबाबत याचिका दाखल केली होती. याबाबतचा गुन्हा नाशिकच्या सरकार वाडा पोलीस ठाण्यामध्ये दाखल करण्यात आलेला होता. हे प्रकरण 1997 पासून सुरु होतं. माणिकराव कोकाटे आणि त्यांचे बंधू या दोघांना दोन वर्षाची शिक्षा आणि 50 हजारांचा दंड ठोठावण्यात आला आहे. या पार्श्वभूमीवर जाणून घेऊयात नेमके कोण आहेत माणिकराव कोकाटे...
who is manikrao kokate: कोण आहेत माणिकराव कोकाटे?
नाशिक जिल्ह्यातील सिन्नर तालुक्यात छोट्या खेड्यात सोमाठाणे येथे 26 सप्टेंबर 1957 रोजी जन्मलेल्या कोणताही राजकीय वारसा नसलेले ॲड. माणिकराव शिवाजीराव कोकाटे यांनी राजकारणात येण्यापूर्वी कायद्याची पदवी घेतली. त्यांनी राजकारणाची सुरुवात विद्यार्थी संघटना NSUI संघटनेत प्रवेश घेऊन केली. त्यानंतर भारतीय राष्ट्रीय काँग्रेस (INC) मधून राजकीय प्रवास सुरू केला. माणिकराव कोकाटे यांनी 1999 मध्ये राष्ट्रवादी काँग्रेस पक्षात प्रवेश केला होता. मात्र राष्ट्रवादी काँग्रेसने निवडणुकीसाठी तिकीट नाकारल्यानंतर शिवसेनेचे उमेदवार म्हणून त्यांनी सिन्नर विधानसभेची जागा पहिल्यांदा लढवली आणि जिंकली. 2004 मध्ये त्यांनी ही जागा कायम ठेवली होती. नंतर नारायण राणे यांच्या सोबत 2009 मध्ये ते काँग्रेसमध्ये पुन्हा परतले. 2009 साली सिन्नर विधानसभेतून ते तिसऱ्यांदा निवडून आले. 2014 मध्ये त्यांनी भाजकडून निवडणूक लढवली होती त्यात त्यांचा पराभव झाला होता. 2019 मध्ये त्यांनी पुन्हा राष्ट्रवादीत प्रवेश केला आणि सिन्नरमध्ये त्यांनी चौथ्यांदा विजय मिळवला. राष्ट्रवादी काँग्रेस पक्षाच्या फुटीनंतर ते अजित दादा यांच्या गटात गेले. आता 2024 च्या विधानसभा निवडणुकीत 41 हजारांच्या मताधिक्याने ते पाचव्यांदा आमदार झाले.
manikrao kokate: अजितदादांनी सोपवली मंत्रीपदाची धुरा
दरम्यान, उपमुख्यमंत्री अजित पवार यांनी सिन्नर विधानसभा मतदारसंघाच्या प्रचार सभेत मंत्रिमंडळात कोकाटेंना महत्वाची जबाबदारी देण्यात येईल, असे आश्वासन सिन्नरकरांना दिले होते. त्यातच आता कोर्टाने त्यांना दोन वर्षांची शिक्षा सुनावली आहे. प्रतिनिधीला दोन किंवा त्यापेक्षा जास्त वर्षांची शिक्षा झाल्यास त्याचे सभागृहाचे सदस्यत्त्व रद्द होते. त्यामुळे आता माणिकराव कोकाटे यांना मंत्रिपद आणि आमदारकी गमवावी लागू शकते. त्यामुळे माणिकराव कोकाटे यांच्या राजकीय कारकिर्दीला ब्रेक लागण्याची देखील शक्यता वर्तवली जात आहे.
महत्त्वाच्या बातम्या
