Uddhav Thackeray on J P Nadda : अनेक आव्हानं पायदळी तुडवत शिवसेनेने भगवा रोवलाय : उद्धव ठाकरे
Uddhav Thackeray on J P Nadda : शिवसेनेला संपवण्याचे प्रयत्न सुरु आहेत. पण त्यांना कल्पना नाही की शिवसेनेने अशी अनेक आव्हानं पायदळी तुडवत भगवा रोवलेला आहे," असं वक्तव्य शिवसेना पक्षप्रमुख उद्धव ठाकरे यांनी केलं आहे. त्यांच्या या वक्तव्याला जे पी नड्डा यांनी काही दिवसांपूर्वी केलेल्या वक्तव्याचा आधार आहे.
Uddhav Thackeray on J P Nadda : "शिवसेनेला संपवण्याचे प्रयत्न सुरु आहेत. पण त्यांना कल्पना नाही की शिवसेनेने अशी अनेक आव्हानं पायदळी तुडवत भगवा रोवलेला आहे," असं वक्तव्य शिवसेना (Shiv Sena) पक्षप्रमुख उद्धव ठाकरे (Uddhav Thackeray) यांनी केलं आहे. मुंबईतील 'मातोश्री' (Matoshree) या निवासस्थानी उद्धव ठाकरे यांनी जळगावातील शिवसैनिकांशी संवाद साधला. त्यावेळी ते बोलत होते. "राजकारणात हार जीत होत असते पण आता संपवण्याची भाषा केली जात आहे," असंही उद्धव ठाकरे म्हणाले. त्यांच्या या वक्तव्याला भाजपचे राष्ट्रीय अध्यक्ष जे पी नड्डा (J P Nadda) यांनी काही दिवसांपूर्वी केलेल्या वक्तव्याचा आधार आहे. "शिवसेना संपतेय आता केवळ भाजपच राहणार," असं जेपी नड्डा म्हणाले होते.
जे पी नड्डा काय म्हणाले होते?
भाजपचे राष्ट्रीय अध्यक्ष जे. पी. नड्डा यांनी मोठं वक्तव्य केलं होतं. महाराष्ट्रात शिवसेना संपतेय, आता केवळ भाजपच राहणार, असं नड्डा पाटणा इथे एका कार्यक्रमात म्हटलं होतं. भाजपशी लढण्याची क्षमता कोणत्याही पक्षात नाही, भाजप सोडून अन्य सगळे राजकीय पक्ष संपतील, असं नड्डा म्हणाले होते.
कोणत्याही राजकारण्याकडून कोणाला संपवण्याची भाषा झाली नव्हती : उद्धव ठाकरे
जे पी नड्डा यांच्या वक्तव्यावर उद्धव ठाकरे म्हणाले की,"आजपर्यंत अनेक वेळा शिवसेना फोडण्याचे प्रयत्न झाले. आता शिवसेना संपवण्याचे प्रयत्न सुरु आहेत. हे मी पहिल्यांदाच बोललो होतो की हा प्रयत्न शिवसेना संपवण्याचा आहे आणि ते परवा भाजप अध्यक्षांनी बोलून दाखवलं. पण त्यांना कल्पना नाही की शिवसेनेने अशी आव्हानं पायदळी तुडवत भगवा रोवलेला आहे. त्यामुळे राजकारणात हार जीत होत असते. पण कोणी कोणाला संपवण्याची भाषा याआधी आपल्या देशात राजकारण्यांकडून झाली नव्हती."
आपली लढाई दोन-तीन पातळीवर : उद्धव ठाकरे
आपली लढाई दोन तीन पातळीवर सुरु आहे. रस्त्यावरच्या लढाईत आपण कमी पडणार नाही. कायद्याची लढाई सुप्रीम कोर्टात सुनावणी सुरु आहे. आपले वकील किल्ला लढवत आहेत. माझा न्यायदेवतेवर विश्वास आहे. तिसरी लढाई तेवढीच महत्त्वाची आहे. म्हणून मी तुम्हाला सांगितलेलं इथे येण्यापेक्षा जागेवरच पाय रोवून उभे राहा. ही लढाई मात्र कागदाची आहे. आता आणलेली शपथपत्रे देऊन पुन्हा जाऊन आणखी आणायचे आहेत."
Uddhav Thackeray on JP Nadda : त्यांना माहिती नाही, अनेक आव्हानं पायदळी तुडवत आम्ही भगवा रोवलाय
Before You Go
Sanjay Raut News : मी सर्वोच्च न्यायालयाची माफी मागतो… संजय राऊत यांची दिलगिरी; नेमकं काय म्हणाले?
महत्त्वाच्या बातम्या
