रुळाला तडे, मध्य रेल्वेची लोकल वाहतूक विस्कळीत

मुंबई : मुंबईतील मध्य रेल्वे मार्गावरील लोकल वाहतूक विस्कळीत झाली आहे. कल्याण ते विठ्ठलवाडी स्टेशनदरम्यान रुळाला तडे गेल्याने वाहतुकीचा खोळंबा झाला आहे. आज सकाळी 8.30 च्या सुमारास कल्याण-विठ्ठलवाडी स्टेशनदरम्यान अप मार्गावर रेल्वे रुळाला तडा गेला. परिणामी गाड्या 15-20 मिनिटं उशिराने धावत आहेत. रुळामधील बिघाड दुरुस्त होण्यासाठी आणखी काही काळ लागण्याची शक्यता आहे. त्यामुळे ऐन पिक अवरला मुंबईकडे येणाऱ्या प्रवाशांचा खोळंबा झाला आहे.