Megablock : मुंबईकरांनो, आज लोकल रेल्वेने प्रवास करताय? मध्य रेल्वेसह पश्चिम आणि ट्रान्स हार्बर लाईनवर मेगाब्लॉक, पाहा वेळापत्रक

Local Megablock Sunday : आज रविवारी, 4 जून रोजी मध्य रेल्वे, पश्चिम रेल्वे आणि ट्रान्स हार्बर अशा तिन्ही मार्गावर मेगाब्लॉक घेण्यात येणार आहे. लोकलचं वेळापत्रक जाणून घ्या.

Local Megablock News Sunday 4 June 2023

Railway Megablock News, 4 June : मुंबईकरांनो आज रविवारी लोकल रेल्वेने (Central Railway Megablock Today) प्रवास करणार असाल तर तुमच्यासाठी महत्वाची बातमी आहे. देखभालीचे काम करण्यासाठी आज उपनगरीय विभागांत मेगाब्लॉक (Megablock) घेण्यात येणार आहे. मध्य रेल्वे, पश्चिम रेल्वे आणि ट्रान्स हार्बर अशा तिन्ही मार्गावर घेण्यात येत आहे. 

रेल्वे मेगाब्लॉक वेळापत्रक : 4 जून 2023 रविवार

• मध्य रेल्वे (Central Railway)

सकाळी 10.40 ते दुपारी 3.40 पर्यंत ठाणे-कल्याण अप आणि डाऊन जलद मार्गावर

• हार्बर लाइन (Harbour Line)

आज हार्बर लाइनवर कोणताही ब्लॉक नाही.

• ट्रान्सहार्बर लाइन (Trans-Harbour Line)

ठाणे-वाशी/नेरुळ अप आणि डीएन ट्रान्सहार्बर मार्गावर सकाळी 11.10 ते दुपारी 4.10 वाजेपर्यंत

• पश्चिम रेल्वे (Western Railway)

गोरेगाव जोगेश्वरी अप आणि डीएन स्लो लाईन्स - सकाळी 12:00 ते दुपारी 2:00 पर्यंत (14 तासांचा ब्लॉक)

मध्य रेल्वेवर मेगाब्लॉक 

मध्य रेल्वेवर सकाळी 10.40 ते दुपारी 3.40 पर्यंत ठाणे-कल्याण अप आणि डाऊन जलद मार्गावर मेगाब्लॉक घेण्यात येईल. छत्रपती शिवाजी महाराज टर्मिनस मुंबई येथून सकाळी 9.30 ते दुपारी 2.45 वाजेपर्यंत सुटणाऱ्या डाऊन जलद सेवा ठाणे आणि कल्याण स्थानकांदरम्यान त्यांच्या शेड्यूल थांब्यांव्यतिरिक्त कळवा, मुंब्रा आणि दिवा स्थानकांदरम्यान थांबणाऱ्या डाऊन धीम्या मार्गावर वळवण्यात येतील आणि निर्धारित वेळेपेक्षा 10 मिनिटे उशिरा पोहोचतील.

सकाळी 10.28 ते दुपारी 3.25 पर्यंत कल्याणहून सुटणाऱ्या अप जलद/डाऊन जलद सेवा दिवा, मुंब्रा आणि कळवा स्थानकांदरम्यान थांबणाऱ्या कल्याण आणि ठाणे स्थानकांदरम्यान अप धीम्या मार्गावर वळवल्या जातील. लोकल सेवा 10 मिनिटे उशिरा असेल.

ट्रान्स हार्बर लाइनवरील मेगाब्लॉक  

ठाणे-वाशी/नेरुळ अप आणि डीएन ट्रान्सहार्बर मार्गावर सकाळी 11.10 ते दुपारी 4.10 वाजेपर्यंत

वाशी/नेरुळ/पनवेलसाठी सकाळी 10.35 ते दुपारी 4.07 या वेळेत ठाणे येथून सुटणाऱ्या वाशी/नेरुळ/पनवेलसाठी सकाळी 10.25 ते दुपारी 4.09 वाजेपर्यंतच्या अप मार्गावरील सेवा रद्द राहतील.

पश्चिम रेल्वेच्या अप आणि डाऊन स्लो मार्गावर ब्लॉक

गोरेगाव - जोगेश्वरी अप आणि डाऊन स्लो मार्गावर सकाळी 12:00 ते दुपारी 2:00 पर्यंत 14 तासांचा मेगाब्लॉक घेण्यात येणार आहे. जोगेश्वरी आणि गोरेगाव दरम्यान पुल क्रमांक 46 चे दुरुस्तीचे काम करण्यासाठी, अप आणि डाऊन दोन्ही लोकल मार्गांवर तसेच अप आणि डाऊन हार्बर मार्गांवर 14 तासांचा ब्लॉक घेण्यात येईल. हा ब्लॉक 4 जून 2023 रोजी मध्यरात्रीपासून सुरु होऊन दुपारी 2 वाजेपर्यंत असेल. या ब्लॉकमुळे पश्चिम रेल्वेवर धावणाऱ्या काही उपनगरीय रेल्वे सेवा आणि काही मेल/एक्स्प्रेस गाड्यांवर परिणाम होईल.