एक्स्प्लोर
Advertisement
![ABP Premium](https://cdn.abplive.com/imagebank/Premium-ad-Icon.png)
''मुंबई महापालिकेच्या 61 हजार कोटींच्या ठेवींची माहिती सादर करा''
![''मुंबई महापालिकेच्या 61 हजार कोटींच्या ठेवींची माहिती सादर करा'' Present Report Of Bank Deposit Of 61 Thousand Crore Of Bmc ''मुंबई महापालिकेच्या 61 हजार कोटींच्या ठेवींची माहिती सादर करा''](https://static.abplive.com/wp-content/uploads/sites/4/2017/02/09121244/BMC-3.jpg?impolicy=abp_cdn&imwidth=1200&height=675)
मुंबई : मुंबई महापालिकेच्या 61 हजार कोटींच्या ठेवींची संपूर्ण माहिती सादर करा, असे आदेश महापालिका सभागृहाने प्रशासनाला दिले आहेत. प्रशासनाकडून उद्या (शनिवारी) सभागृहात माहिती सादर केली जाणार आहे.
मुंबई महापालिकेच्या पहिल्या सभागृह बैठकीत महापालिकेच्या बँकेतील 61 हजार कोटींच्या ठेवींवरुन प्रशासनाला सर्वपक्षीयांनी धारेवर धरलं. एकीकडे 84 कोटींसाठी बेस्ट कर्मचाऱ्यांचे पगार अडले असतांना, ठेवींचे पालिका नेमके काय करते, असा सवाल सर्वपक्षीय नगरसेवकांनी केला.
मुंबईतील रस्ते, पाणी, शाळा आणि इतर पायाभूत सोयीसुविधांसाठी हा पैसा वापरला जावा. बँकेत ठेवून त्यावर केवळ व्याज कमावण्याचे कारण काय, असा सवालही उपस्थित केला.
काय आहे 61 हजार कोटींचं प्रकरण?
देशातली सर्वात श्रीमंत महापालिका असलेल्या मुंबई महापालिकेचे तब्बल 61 हजार 510 कोटी रुपये शहरातील 31 बँकांमध्ये जमा असल्याचं समोर आलं आहे. यामध्ये चार खासगी बँकांचाही समावेश आहे. मुंबई महापालिकेच्या अर्थ विभागाने दिलेल्या माहितीतून ही बाब समोर आली.
दुसरी धक्कादायक गोष्ट म्हणजे या रक्कमेच्या केवळ व्याजापोटी मुंबई महापालिकेला तब्बल 4500 कोटी रुपये मिळतात. महापालिकेने ही रक्कम 1 कोटी 20 लाख मुंबईकरांना वाटली तर प्रत्येक करदाताच्या वाट्याला 51, 250 रुपये येतील.
महापालिकेच्या 61, 510 कोटी जमा रक्कमेमध्ये भविष्य निर्वाह निधी आणि निवृत्ती निधी 10,455 कोटी, अतिरिक्त निधी 10,927 कोटी आणि नागरी विशेष निधी 34,258 कोटी रुपयांचा समावेश आहे.
जकात करातून मुंबई महापालिकेला सर्वाधिक उत्पन्न मिळतं. जकात करातून दिवसाला 12 कोटींची कमाई होते. त्यामुळे एकीकडे मुंबईत रस्ते, पाणी, कचरा अशा मूलभूत सोयींचा अभाव असताना मुंबई महापालिकेचा अर्थात सर्वसामान्य मुंबईकरांचा पैसा बँकेत कशासाठी? असा प्रश्न विचारला जात आहे.
संबंधित बातमी : मुंबई महापालिकेचे 61 हजार 510 कोटी रुपये बँकेत जमा!
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
क्राईम
राजकारण
महाराष्ट्र
राजकारण
Advertisement
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)
उमेश अलोणे, एबीपी माझाअकोला जिल्हा प्रतिनिधी
Opinion