![ABP Premium](https://cdn.abplive.com/imagebank/Premium-ad-Icon.png)
मुंबई विद्यापीठाच्या पदव्युत्तर अभ्यासक्रमांच्या प्रवेशाचे वेळापत्रक जाहीर, 22 मे पासून प्रवेश सुरू, 26 जूनला पहिली गुणवत्ता यादी
Mumbai University : वेळापत्रकामध्ये नमूद केलेल्या विविध पदव्युत्तर अभ्यासक्रमांसाठी प्रविष्ठ झालेल्या विद्यार्थ्यांचे नियमित वर्ग 1 जुलै 2024 पासून सुरु करण्यात येणार आहेत.
![मुंबई विद्यापीठाच्या पदव्युत्तर अभ्यासक्रमांच्या प्रवेशाचे वेळापत्रक जाहीर, 22 मे पासून प्रवेश सुरू, 26 जूनला पहिली गुणवत्ता यादी Mumbai University Post Graduate Courses Admission Time Table Announced Admissions Starts From May 22 First Merit List On June 26 marathi मुंबई विद्यापीठाच्या पदव्युत्तर अभ्यासक्रमांच्या प्रवेशाचे वेळापत्रक जाहीर, 22 मे पासून प्रवेश सुरू, 26 जूनला पहिली गुणवत्ता यादी](https://feeds.abplive.com/onecms/images/uploaded-images/2022/04/01/b4758b5b4c36f91796079561aad6967b_original.jpg?impolicy=abp_cdn&imwidth=1200&height=675)
मुंबई: मुंबई विद्यापीठातील (Mumbai University) सर्व शैक्षणिक विभाग, सर्व संलग्नित महाविद्यालये, स्वायत्त महाविद्यालये आणि मान्यताप्राप्त संस्थेतील पदव्युत्तर अभ्यासक्रमांच्या प्रवेशाचे वेळापत्रक विद्यापीठामार्फत जाहीर करण्यात आले आहे. राष्ट्रीय शैक्षणिक धोरणाच्या अनुषंगाने एकेडॅमिक बँक ऑफ क्रेडिट आणि अभ्यासक्रमांची प्रवेश प्रक्रिया राबविण्याच्या दृष्टिकोनातून विद्यापीठामार्फत पदव्युत्तर अभ्यासक्रमांच्या प्रवेश प्रक्रियेत चारही विद्याशाखेतील विविध विषयांचा समावेश करण्यात आला आहे. ही सर्व ऑनलाईन प्रवेश प्रक्रिया अत्यंत सुलभ आणि पारदर्शक आहे. https://muadmission.samarth.edu.in/ या संकेतस्थवळावर जाऊन विद्यार्थ्यांना अर्ज करता येईल. प्रवेश नोंदणी ते अर्ज सादर करण्याची प्रक्रिया समजून घेण्यासाठी संकेतस्थळावर व्हिडीओ लिंक देण्यात आली आहे.
प्रवेश प्रक्रियेचे वेळापत्रक
ऑनलाईन नाव नोंदणी आणि प्रवेशअर्ज सादर करणे- 22 मे ते 15 जून 2024
विभागांमार्फत कागदपत्रांची ऑनलाईन पडताळणी – 20 जून 2024 ( संध्याकाळी ६ वाजेपर्यंत)
तात्पुरती गुणवत्ता यादी- 21 जून 2024 (संध्याकाळी 6 वाजता)
विद्यार्थी तक्रार – 25 जून 2024 (दुपारी 1 वाजेपर्यंत)
पहिली गुणवत्ता यादी – 26 जून 2024 (संध्याकाळी 6 वाजता)
ऑनलाईन शुल्क भरणे – 27 जून ते 01 जुलै 2024 (संध्याकाळी 5 वाजेपर्यंत)
द्वितीय गुणवत्ता यादी- 02 जुलै 2024 (संध्याकाळी ६ वाजता)
ऑनलाईन शुल्क भरणे – 03 जुलै ते 5 जुलै 2024 (संध्याकाळी 5 वाजेपर्यंत)
कमेंसमेंट ऑफ लेक्चर्स – 01 जुलै 2024
वेळापत्रकामध्ये नमूद केलेल्या विविध पदव्युत्तर अभ्यासक्रमांसाठी प्रविष्ठ झालेल्या विद्यार्थ्यांचे नियमित वर्ग 1 जुलै 2024 पासून सुरु करण्यात येणार असून सर्व पदव्युत्तर शैक्षणिक विभाग, संलग्नित महाविद्यालये, स्वायत्त महाविद्यालये आणि मान्यताप्राप्त संस्थांनी या वेळापत्रकानुसार प्रवेश प्रक्रिया राबवावी असे विद्यापीठाने परिपत्रकात नमूद केले आहे.
पदवीच्या प्रथम वर्षाची प्रवेश प्रक्रिया 25 मे 2024 पासून
राष्ट्रीय शैक्षणिक धोरणाच्या अंमलबजावणीच्या अनुषंगाने मुंबई विद्यापीठाशी संलग्नित महाविद्यालये, स्वायत्त महाविद्यालये आणि मान्यताप्राप्त शिक्षण संस्थांमध्ये शैक्षणिक वर्ष 2024-25 साठी पदवीच्या 3 आणि 4 वर्षीय अभ्यासक्रमांच्या प्रथम वर्षाला प्रवेश घेऊ इच्छिणाऱ्या विद्यार्थ्यांसाठी मुंबई विद्यापीठाची प्रवेशपूर्व ऑनलाईन नाव नोंदणीची प्रक्रिया 25 मे 2024 पासून सुरू करण्यात येणार आहे.
या प्रवेशपूर्व ऑनलाईन नाव नोंदणी प्रक्रियेचे वेळापत्रक विद्यापीठामार्फत लवकरच जाहीर केले जाणार आहे. राष्ट्रीय शैक्षणिक धोरणानुसार ३ वर्षीय पदवी अभ्यासक्रम, 4 वर्षीय ऑनर्स/ ऑनर्स विथ रिसर्च, इंटिग्रेटेड प्रोग्राम्स विथ मल्टीपल एन्ट्री अँड मल्टीपल एक्जिट या अनुषंगाने ही प्रवेश प्रक्रिया राबवली जाणार आहे.
ही बातमी वाचा:
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)