Mumbai Rain Live Updates : मुंबईला पाणीपुरवठा करणाऱ्या धरणांच्या पाणीसाठ्यात वाढ
Mumbai Rain Live Updates : मुंबईत मुसळधार पाऊस (Heavy rain in Mumbai) सुरु आहे. जोरदार पावसामुळं वाहतुकीवर परिणाम झाला आहे.
Background
Mumbai Rain Live Updates : आज सकाळपासून मुंबईत मुसळधार पाऊस (Heavy rain in Mumbai) सुरु आहे. जोरदार पावसामुळं सखल भागात पाणी साचलं आहे. यामुळं वाहतुकीवर परीणाम झाला आहे. ठाणे, मुंबई, दिवा, कळवा, मुंब्रा या परिसरामध्ये जोरदार पाऊस सुरु आहे. अर्धवट राहिलेल्या रस्त्यांची कामामुळं ठाण्यातील वागळे स्टेट परिसरात ठाण्याहून मुंबईच्या दिशेनं आणि मुंबईहून ठाण्याच्या दिशेनं जाणाऱ्या रस्त्यावर वाहनांच्या लांबच लांब रांगा लागल्या आहेत. मोठी वाहतूक कोंडी झाल्याचं पाहायला मिळत आहे.
वाहतूक कोंडी झाल्यामुळं रिक्षावाले आणि सामान्य नागरिक हे वाहतूक सुरळीत करण्यासाठी स्वतः रस्त्यावर उतरत आहेत. मोठी वाहतूक कोंडी झाल्यामुळं चाकरमान्यांना त्रास सहन करावा लागत आहे. वाहतूक कोंडी दूर करण्यासाठी वाहतूक विभागाकडून कोणत्याच प्रकारचं नियोजन करण्यात आलं नाही.
मुंबईच्या पूर्व उपनगरामध्ये पावसाचा जोर वाढला
मुंबईच्या पूर्व उपनगरामध्ये सकाळपासून पावसाने अक्षरशः झोडपून काढले आहे. या पावसामुळं सखल भागांमध्ये पाणी साचण्यास सुरुवात झाली आहे. सध्या पावसाचा जोर ओसरल्यानं महामार्गावर वाहतूक कोंडी दिसून येत नाही. मात्र एलबीएस रोडवर काही ठिकाणी वाहतूक कोंडी झाली आहे. पूर्व उपनगराप्रमाणेच ठाण्यात देखील सकाळपासून मुसळधार पाऊस बरसत आहे. मुंबईतील पश्चिम द्रुतगती मार्गावर बांद्रापासून ते अगदी अंधेरीपर्यंत अनेक ठिकाणी वाहतूक कोंडी झालेली पाहायला मिळतेय. अंधेरी बोरिवली दिशेने वाहनांच्या लांबच लांब रांगा पश्चिम द्रुतगती मार्गावर पाहायला मिळत आहेत. अनेक ठिकाणी रस्त्यांची काम सुरू असल्याने आणि दुसरीकडे अधून मधून जोरदार पाऊस पडत असल्याने या वाहतूक कोंडीतून मुंबईकर मार्गस्थ होत आहेत.
वसई-विरारासह नालासोपाऱ्यात जोरदार पाऊस, विवा कॉलेजचा रस्ता पाण्याखाली
Mumbai Rain : वसई-विरारासह नालासोपाऱ्यात मागच्या तीन दिवसापासून पावसाची संततधार सुरु आहे. मध्यरात्रीपासून पावसाचा अधूनमधून जोर वाढल्याने विरार पश्चिम विवा कॉलेजचा रस्ता पाण्याखाली गेला आहे. रस्त्यावर गुडगाभर पाणी साचल्याने त्यातून मार्ग काढताना वाहनधाराक, शाळकरी मुलांना मोठी कसरत करावी लागत आहे. वसई विरार शहरात कुठेही पाणी साचणार नाही, असा दावा महापालिकेने केला होता पण पण वसईचे आमदार हितेंद्र ठाकूर यांच्या कार्यालयासमोरील विवा कॉलेज रस्त्यावर साचलेल्या पाण्याने पालिकेचा दावा फेल गेला आहे. 
मागाठाणे मेट्रोस्थानकाच्या शेजार बांधकाम सुरु असाताना जमीन खचली
Mumbai Rain : मुंबईच्या पश्चिम द्रुतगती महामार्गाजवळील मागाठाणे मेट्रोस्थानकाच्या शेजारील खासगी इमारतीचे बांधकाम सुरु असताना जमीन खाली खचली. मुसळधार पावसातच काम सुरु असल्यामुळे ही जमीन खाली खचली गेली. सुदैवाने यात कोणत्याही प्रकारची जीवितहानी झाली नाही. मात्र, ही जमीन खचल्यामुळं मागाठाणे मेट्रो स्थानकाजवळ महापालिकेच्या अतिरिक्त येणारा रस्ता देखील खचला आहे. त्यामुळं रस्ता आणि प्रवाशांच्या सुरक्षेसाठी मेट्रो उत्तरेकडचे प्रवेशद्वार तात्पुरते बंद ठेवण्यात आले आहे. या प्रकरणी निष्काळजीपणाचा ठपका ठेवत बिल्डरवर गुन्हा दाखल आणि दोन जणांना अटक करण्यात आलीय.
महत्त्वाच्या बातम्या
