Mumbai Local: मुंब्रा स्थानकात लोकलचा पहिला डबा प्लॅटफॉर्मला घासला, कल्याणच्या दिशेने जाणारी वाहतूक रखडली
Mumbai Local Derailed: टिटवाळ्याला जाणाऱ्या लोकलचा पहिला डबा प्लॅटफॉर्मला घासल्याने या ठिकाणची वाहतूक बंद पडली होती.
Mumbai Local: मुंब्रा स्थानकात लोकलचा पहिला डबा प्लॅटफॉर्मला घासला असल्याची माहिती आहे. सीएसएमटीवरून टिटवाळ्याला (CSMT To Titwala Local) जाणाऱ्या गाडीचा पहिला डबा प्लॅटफॉर्मला घासल्याने ऐन गर्दीच्या वेळी मध्य रेल्वेची वाहतूक विस्कळीत झाल्याची माहिती आहे. त्यामुळे ठाण्याहून कल्याणच्या दिशेने जाणाऱ्या गाड्या या 40 मिनिटे उशीरा धावत आहेत.
हा डबा प्लॅटफॉर्मला घासल्याने रेल्वे प्रशासनाने काही वेळ या ठिकाणची वाहतूक थांबवली आणि त्याची पाहणी केली. त्यामुळे या स्टेशनवर प्रवाशांची मोठी गर्दी झाल्याचं दिसून आलं. सुमारे 40 मिनीटानंतर या ठिकाणची वाहतूक पुन्हा सुरळीत करण्यात आली. परिणामी या रुटवरच्या सर्व गाड्या 30 ते 40 मिनीटे उशिरा धावत आहेत.
सुरुवातीला रेल्वे प्रशासनाने गाड्या का थांबवल्या याची माहिती दिली नव्हती. तशी कोणतीही अनाऊंसमेंटही केली नव्हती. त्यामुळे प्रवाशांमध्ये संदिग्धता निर्माण झाली होती. नंतर प्रशासनाने ही घटना घडल्याचं सांगितलं.
At Mumbra station Platform no. 1-
— Central Railway (@Central_Railway) July 5, 2023
CSMT to TITWALA Slow local-
Edge of platform touched to coach of train. Due to rubbing, train checked by staff. It's found normal.
Train detained from 21.20 hrs to 21.45 hrs at Mumbra Platform no.1. Train departed now at PF no. at 21.45 hrs
मुंब्रा स्थानकात फलाट क्र. 1 वर सीएसएमटी ते टिटवाळा स्लो लोकलच्या डबा प्लॅटफॉर्मच्या काठाला घासल्यामुळे ही वाहतूक थांबववण्यात आल्याची माहिती रेल्वे प्रशासनाने दिली आहे. त्यानंतर कर्मचाऱ्यांनी त्याची देखरेख करुन योग्य ती पावलं उचलली. या लोकलचा डबा फक्त प्लॅटफॉर्मला घासला आहे, ती लोकल रुळावरुन घसरली नसल्याचं रेल्वे प्रशासनाने स्पष्ट केलं आहे.
Following trains were detained behind from 21.20 hrs to 21.45 hrs were-
— Central Railway (@Central_Railway) July 5, 2023
K117 Kalyan slow local
A57 Ambarnath slow local
DK21 Kalyan slow local
DL49 dombivali slow local
All trains departed now..
It's not derailment.
It's platform rubbing/touching by TITWALA local to Platform.
त्यानंतर आता थांबलेल्या खालील गाड्या सोडण्यात आल्याची माहिती रेल्वे प्रशासनाने दिली,
K117 कल्याण स्लो लोकल
A57 अंबरनाथ स्लो लोकल
DK21 कल्याण स्लो लोकल
DL49 डोंबिवली स्लो लोकल
ही बातमी वाचा:
महत्त्वाच्या बातम्या
