![ABP Premium](https://cdn.abplive.com/imagebank/Premium-ad-Icon.png)
Drugs Case : आर्यन खानसह तीन जणांच्या जामीन अर्जावर आज सुनावणीची शक्यता; आज तरी जामीन मिळणार?
Mumbai Cruise Drugs Case : क्रूझ ड्रग्स प्रकरणी अटकेत असणाऱ्या आर्यन खान (Aryan Khan) च्या जामीन अर्जावर आज सुनावणीची शक्यता आहे. आजतरी आर्यन खानला जामीन मिळणार का? याकडे सर्वांचं लक्ष लागलं आहे.
![Drugs Case : आर्यन खानसह तीन जणांच्या जामीन अर्जावर आज सुनावणीची शक्यता; आज तरी जामीन मिळणार? Mumbai Cruise Drugs Case aryan khan bail petition can be heard today petition was rejected in lower court Drugs Case : आर्यन खानसह तीन जणांच्या जामीन अर्जावर आज सुनावणीची शक्यता; आज तरी जामीन मिळणार?](https://feeds.abplive.com/onecms/images/uploaded-images/2021/10/08/c6ac68bbd3a049dcf8ec70ed2312526f_original.jpg?impolicy=abp_cdn&imwidth=1200&height=675)
Mumbai Cruise Drugs Case : क्रूज ड्रग्स प्रकरणी शाहरुख खानचा मुलगा आर्यन खान (Aryan Khan) सह तीन लोकांच्या जामीन अर्जावर आज सुनावणी होऊ शकते. शनिवारी मुंबई लोअर कोर्टाने आर्यन खान, अरबाज मर्चंट आणि मुनमुन धामेचा यांचा जामीन अर्ज फेटाळला होता. लोअर कोर्टाचं म्हणणं होतं की, एनडीपीएसच्या ज्या कलमांतर्गत गुन्हा दाखल आहे, त्या कलामांतर्गत जामीन याचिकेवर सुनावणी घेण्याचा त्यांना अधिकार नाही.
लोअर कोर्टाचे हे निर्देश येईपर्यंत संध्याकाळचे 5 वाजले होते. त्यामुळे आर्यनसह तीन आरोपींचे वकील सेशन्स कोर्टात याचिका दाखल करु शकले नाही. तर शनिवारी आणि रविवारी कोर्ट बंद असल्यामुळे आज सोमवारी तिनही आरोपींचे वकील कोर्टात याचिका दाखल करु शकतात. तसेच या याचिकांवर आज सुनावणी होऊ शकते.
नार्कोटिक्स कंट्रोल ब्युरोनं 3 ऑक्टोबर रोजी आर्यन खान आणि त्याच्यासोबत इतर आरोपींना एक लग्जरी क्रूझवरील पार्टीमध्ये ड्रग रेड दरम्यान, ताब्यात घेतलं होतं. एनसीबीनं दावा केला होता की, या कारवाई दरम्यान, क्रूझवरुन अनेक वेगवेगळ्या ड्रग्स जप्त करण्यात आल्या. त्यानंतर आरोपींवर एनडीपीएस अॅक्ट अंतर्गत गुन्हा दाखल करण्यात आला होता.
आर्यनसह अरबाज मर्चंट आणि मुनमुन धेमेचा यांचा जामीन फेटाळला
शुक्रवारी क्रूझ ड्रग्स प्रकरणात मुंबईतील फोर्ट कोर्टात शाहरुख खानचा मुलगा आर्यन खानचा जामीन अर्ज फेटाळण्यात आला आहे. याचा अर्थ आर्यन खानला सध्या तुरुंगात राहावे लागेल. गुरुवारी या प्रकरणाची सुनावणी झाल्यानंतर न्यायालयाने त्याची न्यायालयीन कोठडीत रवानगी केली होती. आर्यनसोबत अरबाज मर्चंट आणि मुनमुन धेमेचा यांचाही जामीन अर्ज फेटाळण्यात आला आहे.
आर्यन गुरुवारी रात्री एनसीबीच्या कार्यालयात थांबला
न्यायालयाने म्हटले की कोविड अहवालाशिवाय आरोपींना तुरुंगात नेले जात नाही, त्यामुळे सर्वांना गुरुवारी रात्री NCB कार्यालयात राहावे लागेल. जे आरोपीच्या वकिलांनी मान्य केले. कोर्टात सुनावणीदरम्यान, एनसीबीने आरोपीच्या एनसीबी कोठडीत वाढ करण्याची विनंती केली. मात्र, न्यायालयाने त्याला परवानगी दिली नाही.
कधी झाली अटक?
आर्यन खान, मुनमुन धमेचा आणि अरबाज मर्चंट यांना एनसीबीने 3 ऑक्टोबर रोजी गोवाला जाणाऱ्या क्रूझवर छापेमारीदरम्यान अटक केली होती, तर उर्वरित पाच इतर आरोपींना दुसऱ्या दिवशी अटक करण्यात आली होती. रिमांड कालावधी संपल्यानंतर आरोपींना अतिरिक्त मुख्य महानगर दंडाधिकारी आर एम नेर्लीकर यांच्यासमोर हजर करण्यात आले. येथून त्याला 14 दिवसांची न्यायालयीन कोठडी सुनावण्यात आली.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)