Mumbai Corona Update : मुंबईत कोरोना दुप्पटीचा दर घसरला; सोमवारी 1118 रुग्णांची नोंद

Mumbai Corona Update : बीएमसीने दिलेल्या आकडेवारीनुसार, सोमवारी मुंबईत 1118 नव्या रुग्णांची भर पडली आहे.

Mumbai Corona Update

Mumbai Coronavirus Cases : मुंबईमध्ये मागील काही दिवसांत कोरोना (Corona) रुग्णसंख्येत चढ-उतार पाहायला मिळत आहे. कोरोना रुग्णांचा स्फोट मुंबईसह महाराष्ट्रात होत आहे. आज मुंबईत 1118 रुग्णांची नोंद झाली आहे. वाढत्या आकडेवारीमुळे प्रशासनासह (Mumbai BMC) नागरिकांची चिंता वाढली आहे. मागील काही दिवसांपासून रुग्णसंख्या झपाट्याने वाढत आहे. तसेच मुंबईत कोरोना दुप्पटीचा दरदेखील घसरला आहे. कोरोना दुप्पटीचा दर आता 475 दिवसांचा झाला आहे. 

मुंबई महानगरपालिकेने दिलेल्या आकडेवारीनुसार, मुंबईत सोमवारी 676 रुग्णांनी कोरोनावर मात केली आहे. ज्यामुळे मुंबईत कोरोनावर मात केलेल्या रुग्णांची संख्या 10 लाख 50 हजार 961 वर पोहोचली आहे. त्यामुळे मुंबईचा रिकव्हरी रेट 97 टक्के इतका झाला आहे. तर मागील 24 तासांत एकाही रुग्णाचा कोरोनामुळे मृत्यू झाला नाही. कोरोनामुळे मृत्यू पावलेल्यांची संख्या 19 हजार 573 झाली आहे. दरम्यान मुंबईत आढळलेल्या नव्या 1118 रुग्णांमध्ये 1046 रुग्णांना अधिक लक्षणं नसल्याने काहीसा दिलासा मुंबईकरांना मिळाला आहे. मुंबईतील रुग्ण दुप्पटीचा कालावधी कालावधी 475 झाला आहे.

#CoronavirusUpdates
13th June, 6:00pm

Positive Pts. (24 hrs) - 1118
Discharged Pts. (24 hrs) - 676

Total Recovered Pts. - 10,50,961

Overall Recovery Rate - 97%

Total Active Pts. - 11331

Doubling Rate - 475 Days

Growth Rate (6th June- 12th June)- 0.144%#NaToCorona

— माझी Mumbai, आपली BMC (@mybmc) June 13, 2022

सर्वाधिक सक्रीय रुग्ण मुंबईत

राज्यात सर्वाधिक सक्रीय रुग्ण मुंबईममध्ये आहेत. मुंबईमध्ये 11331 सक्रीय रुग्ण आहेत. तर ठाण्यात 3233 सक्रीय रुग्ण आहेत. त्यानंतर पुण्यात 1208 सक्रीय रुग्ण आहेत. पालघर 479, रायगड 628, रत्नागिरी 20, सिंधुदुर्ग 27, सातारा 14, सांगली 15, सोलापूर 11, नाशिक 88, अहमदनगर 40, जळगाव 12, औरंगाबाद 18, लातूर 34, नांदेड 10, अकोला 19, वाशिम 16, बुलढाणा 11, नागपूर 202, गडचिरोली 11 आणि चंद्रपूरमध्ये 17 सक्रीय रुग्ण आहेत. इतर ठिकाणी सक्रीय रुग्णांची संख्या 10 पेक्षा कमी आहे. राज्यात एकूण 17480 सक्रिय रुग्ण आहेत.

राज्यात जून  महिन्याच्या पहिल्या आठवड्यापासून कोरोना रुग्णसंख्येत लक्षणीय वाढ होत आहे.  सोमवारी राज्यात 1885  रुग्ण आढळून आले आहेत. तर यातील 1118 रुग्ण हे मुंबईतील आहे आहे. मुंबईकरांसाठी ही चिंतेची बाब  आहे.

संबंधित बातम्या