![metaverse](https://cdn.abplive.com/imagebank/metaverse-top.png)
Mumbai Corona Cases : मुंबईकरांना दिलासा; मुंबईत सोमवारी 128 रुग्णांची नोंद, 172 कोरोनामुक्त
Mumbai corona cases : राज्यात सर्वाधिक सक्रिय रुग्ण मुंबईमध्ये आहेत. मुंबईमध्ये 1,666 सक्रिय रुग्ण आहेत.
![Mumbai Corona Cases : मुंबईकरांना दिलासा; मुंबईत सोमवारी 128 रुग्णांची नोंद, 172 कोरोनामुक्त Mumbai Corona Cases Relief for Mumbaikars 128 patients were recorded in Mumbai on Monday 172 Discharge Mumbai Corona Cases : मुंबईकरांना दिलासा; मुंबईत सोमवारी 128 रुग्णांची नोंद, 172 कोरोनामुक्त](https://feeds.abplive.com/onecms/images/uploaded-images/2022/09/12/d2268d9d609632d5a2138e4604c8509a1662949423717248_original.jpg?impolicy=abp_cdn&imwidth=1200&height=675)
Mumbai Corona Cases : मुंबईत गेल्या काही दिवसांपासून कोरोना (Corona) रुग्णसंख्येत चढ-उतार होताना दिसत आहे. कोरोना रुग्णांची संख्या महाराष्ट्रासह मुंबईत कमी होताना दिसत आहे. मुंबईत आज 128 रुग्णांची नोंद झाली आहे. त्यामुळे नागरिकांना आता दिलासा मिळाला आहे. मागील काही दिवसांपासून रुग्णसंख्या कमी होतानाचे चित्र पाहायला मिळत आहे.
मुंबई महानगरपालिकेने दिलेल्या आकडेवारीनुसार, मुंबईत सोमवारी 172 रुग्णांनी कोरोनावर मात केली आहे. ज्यामुळे मुंबईत कोरोनावर मात केलेल्या रुग्णांची संख्या 11,26,721 वर पोहोचली आहे. त्यामुळे मुंबईचा रिकव्हरी रेट 98.1 टक्के इतका झाला आहे. तर मागील 24 तासांत एका रुग्णाचा कोरोनामुळे मृत्यू झाला आहे. कोरोनामुळे मृत्यू पावलेल्यांची संख्या 19,719 झाली आहे. सध्या मुंबईत 1,666 रुग्ण आहेत. दरम्यान मुंबईत आढळलेल्या नव्या 128 रुग्णांमध्ये 117 रुग्णांना अधिक लक्षणं नसल्याने काहीसा दिलासा मुंबईकरांना मिळाला आहे. रुग्ण दुपटीचा दर आणि सक्रिय रुग्णसंख्यादेखील वेगाने वाढत आहे. रुग्ण दुपटीचा दर 3203 दिवसांवर गेला आहे.
#CoronavirusUpdates
— माझी Mumbai, आपली BMC (@mybmc) September 12, 2022
12th September, 6:00pm pic.twitter.com/CBG6RLZcKI
सर्वाधिक सक्रिय रुग्ण मुंबईत
राज्यात सर्वाधिक सक्रिय रुग्ण मुंबईममध्ये आहेत. मुंबईमध्ये 1666 सक्रिय रुग्ण आहेत. तर पुण्यात 1237 सक्रिय रुग्ण आहेत. त्यानंतर ठाण्यात 1290 सक्रिय रुग्ण आहेत. पालघर 147, रायगड 372, रत्नागिरी 56, सिंधुदुर्ग 48, सातारा 58, सांगली 53, कोल्हापूर 73, सोलापूर 32, नाशिक 168, अहमदनगर 95, औरंगाबाद 22, जालना 25, लातूर 51, नांदेड 13, उस्मानाबाद 47, अकोला 36, वाशिम 37, बुलढाणा 21, नागपूर 121, भंडारा 16, गडचिरोली 26 आणि चंद्रपूरमध्ये 81 सक्रीय रुग्ण आहेत. इतर ठिकाणी सक्रिय रुग्णांची संख्या 10 पेक्षा कमी आहे. राज्यात एकूण 5,862 सक्रिय रुग्ण आहेत.
राज्यात आज 414 कोरोना रुग्णांची नोंद
राज्यात आज 414 कोरोनाच्या नव्या रुग्णांची भर पडली आहे. तर आज दिवसभरात एकूण 771 रुग्ण कोरोनामुक्त होऊन घरी परतले आहेत. आज नोंद झालेल्या रुग्णांपैकी सर्वाधिक रुग्ण हे मुंबई जिल्ह्यातील आहे.
संबंधित बातम्या
Maharashtra Corona Update : दिलासादायक! कोरोना रूग्णसंख्येत घट, सोमवारी राज्यात 414 नव्या रूग्णांची नोंद
कोरोनाचा वेग मंदावला; गेल्या 24 तासांत 5221 नव्या रुग्णांची नोंद, एकूण मृतांचा आकडा 5.28 लाखांवर
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)