BEST : मुंबईकरांचा प्रवास होणार प्रदुषणमुक्त! बेस्टच्या ताफ्यात 2100 इलेक्ट्रिक बसेस होणार दाखल, 3,675 कोटी रुपयांचा करार
BEST : येत्या वर्षभरात 2,100 इलेक्ट्रिक बसेसचा पुरवठा करण्यासाठी बेस्टने 3,675 कोटी रुपयांचे कंत्राट दिले आहे.
BEST : मुंबई शहराचे प्रदुषण वाढत असतानाच एक सुखद बातमी आहे, बेस्ट बसच्या उपक्रमात आता एसी इलेक्ट्रिक बस दाखल होणार आहेत. BEST ने हैदराबादच्या ऑलेक्ट्रा ग्रीनटेक या कंपनीला येत्या वर्षभरात 2,100 इलेक्ट्रिक बसेसचा पुरवठा करण्यासाठी 3,675 कोटी रुपयांचे कंत्राट दिले आहे. यामुळे बेस्टच्या ताफ्यात येत्या वर्षभरात या इलेक्ट्रीक बसेस दाखल होणार असून याबाबत बेस्टकडून इव्हे ट्रान्स प्रायव्हेट लिमिटेडला पत्र देण्यात आले आहे. 12 वर्षांच्या कालावधीसाठी ग्रॉस कॉस्ट कॉन्ट्रॅक्ट मॉडेलवर 2100 इलेक्ट्रीक बसेसचा पुरवठा करण्यात येणार आहे.
काय आहेत वैशिष्ट्ये?
अलेक्ट्रा ग्रीनटेक लिमिटेड कंपनी ही करारानुसार 12 मीटर एसी बसेस पुरवणार आहे. याचे वैशिष्ट्य म्हणजे. या बसेस एका चार्जवर जवळपास 200 किमी धावू शकतात, बेस्टच्या अधिकाऱ्यांनी सांगितले की, मुंबईत सध्या Olectra कंपनीच्या 40 बसेस बेस्टच्या ताफ्यात आहेत. इव्हे आणि ऑलेक्ट्रा या कंपन्या राज्यातील परिवहन उपक्रमात या इलेक्ट्रीक बसेस चालवत आहेत. यामध्ये पुणे, अहमदाबाद, सिल्व्हासा, नागपूर, देहरादून, गोवा या शहरात या बसेस चालत आहेत. 12 मीटर लांबीच्या या बसमध्ये 35 बसलेले प्रवासी आणि 24 स्टँडी प्रवासी बसू शकतात. त्यांच्याकडे व्हीलचेअर प्रवेश, जीपीएस तंत्रज्ञानावर आधारित ITMS, पॅनिक बटण आणि एअर सस्पेंशन आहे. सध्या, बेस्टच्या 3337 ताफ्यात 386 ई-बस आहेत. 2023-अखेर 50% इलेक्ट्रिक बस फ्लीटमध्ये 900 डबल-डेकरसह 2,000 अधिक ई-बस असण्याची योजना आहे. 2027 पर्यंत 100% इलेक्ट्रिक फ्लीट तयार करण्याचे उद्दिष्ट आहे.
एसी ई-बस प्रवासासाठी 6 रुपये भाडे
बेस्ट उपक्रमाने 12 महिन्यांच्या कालावधीत 2,100 इलेक्ट्रिक बस खरेदी करण्यासाठी करारावर स्वाक्षरी केली असताना, अधिकाऱ्यांनी सांगितले की, 5 किमीसाठी एसी इलेक्ट्रिक बसच्या प्रवासासाठी 6 रुपये भाडे सध्या सुरू राहील. यापूर्वी, मुंबई शहराचे पालकमंत्री आदित्य ठाकरे यांनी घोषणा केली होती की, ऑगस्टपासून जवळपास 900 एसी डबल डेकर बसेस सुरू होतील.
इलेक्ट्रिक वाहनांची संख्या वाढण्याचा अंदाज
हैदराबादस्थित ऑलेक्ट्रा ग्रीनटेकने हे कंत्राट मिळवले आहे, जी आधीच बेस्टसाठी 40 ई-बस चालवत आहे. "आम्ही वेळापत्रकानुसार ई-बस वितरीत करू आणि मुंबईतील नागरिकांना प्रवासाचा उत्तम अनुभव देऊ," असे ऑलेक्ट्रा ग्रीनटेक लिमिटेडचे अध्यक्ष आणि व्यवस्थापकीय संचालक के व्ही प्रदीप यांनी सांगितले. दरम्यान, देशातील इलेक्ट्रिक वाहनांच्या (EVs) सर्व श्रेणींमध्ये, नोंदणीच्या बाबतीत मुंबई दिल्ली, बेंगळुरू आणि चेन्नईनंतर चौथ्या क्रमांकावर आहे आणि ई-स्कूटर्सच्या बाबतीत चार्टवर चौथ्या स्थानावर आहे," एका वरिष्ठ सरकारी अधिकाऱ्याने सांगितले. मुंबईत 2,237 ई-कार आणि 4,618 ई-बाईकसह एकूण 7,680 ईव्ही आहेत, तर शहराला 1,500 प्रस्तावित चार्जिंग स्टेशन मिळाल्यानंतर ही संख्या लक्षणीय वाढण्याची शक्यता आहे.
महत्त्वाच्या बातम्या
