Mumbai Corona Update : मुंबईकरांना दिलासा, रुग्णसंख्येतील घट कायम, 1 हजार 815 नवे कोरोनाबाधित

Mumbai Corona Update : जानेवारी महिन्याच्या सुरुवातीला झपाट्याने वाढणारी रुग्णसंख्या आता कमी होत असल्याने मुंबईकरांना दिलासा मिळाला आहे.

mumbai_corona

Mumbai Coronavirus Cases : मागील काही दिवसांपासून मुंबईमध्ये होणारी कोरोना रुग्णसंख्येमधील घट आजही कायम राहिली आहे. मागील 24 तासांत मुंबई 1 हजार 815 नवे कोरोना (Corona) रुग्ण आढळले आहेत. कालच्या तुलनेत काही प्रमाणात रुग्णसंख्या आणखी कमी झाल्याने मुंबईकरांची चिंता काहीशी कमी झाली आहे. दरम्यान राज्यात मात्र कोरोना रुग्ण अजूनही आढळत असल्याने मुंबईकरांना अजूनही काळजी घेऊन नियमांचे काटेकोर पालन करणे अनिवार्य असल्याचे पालिका प्रशासनाकडून वारंवार सांगण्यात येत आहे. मुंबईत सद्यस्थितीला 22 हजार 184 सक्रिय कोरोनारुग्ण आहेत.

आरोग्य मंत्रालयाने दिलेल्या माहितीनुसार, मुंबईत मंगळवारी 1 हजार 815 नवे रुग्ण आढळले असून 10 जणांचा उपचारादरम्यान मृत्यू झाला आहे. ज्यामुळे कोरोनामुळे मृत्यू पावलेल्यांची संख्या 16 हजार 556 झाली आहे. तर मागील 24 तासांत 753 जणांनी कोरोनावर मात केली आहे. त्यामुळे सध्या मुंबईचा रिकव्हरी रेट 96 टक्के इतका आहे.  

मुंबईतील कोरोनारुग्ण संख्येच्या आकडेवारीवर एक नजर.. 

दिनांक	मुंबईतील रुग्णसंख्या
10 जानेवारी	13,648
11 जानेवारी	11,647
12 जानेवारी	16,420
13 जानेवारी	13, 702
14 जानेवारी	11, 317
15 जानेवारी	10, 661
16 जानेवारी	7, 895
17 जानेवारी	5, 956
18 जानेवारी	6, 149
19 जानेवारी	6, 032
20 जानेवारी	5,708
21 जानेवारी	5,008
22 जानेवारी	3,568
23 जानेवारी	2250
24 जानेवारी	1857
25 जानेवारी	1815

सध्या मुंबईतील 34 इमारती सील करण्यात आल्या आहेत. तसंच आज नव्याने सापडलेल्या 1 हजार 815 रुग्णांपैकी 293 रुग्णांनाच रुग्णालयात दाखल करण्यात आल्याने पालिकेकडील 37 हजार 874 बेड्सपैकी केवळ 3 हजार 474 बेड वापरात आहेत.  

इतर बातम्या : 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha