Mumbai Corona Update : मुंबईकरांना दिलासा, रुग्णसंख्या जवळपास 6 हजारांनी घटली, 13,648 नवे कोरोना रुग्ण

Mumbai Corona Update : मागील काही दिवसांपासून मुंबईत मोठ्या प्रमाणात कोरोनारुग्ण आढळत असताना आज मात्र काही प्रमाणात कमी रुग्ण आढळल्याने मुंबईकरांना दिलासा मिळाला आहे.

mumbai_corona

Mumbai Coronavirus Cases : मुंबईमध्ये कोरोना महामारीने (Corona) पुन्हा एकदा हाहाकार माजवला असताना पहिल्या आणि दुसऱ्या कोरोना लाटेत सापडलेल्या एका दिवसातील रुग्णांपेक्षाही अधिक रुग्ण सापडत आहेत. तब्बल 20 हजारांच्या घऱात रुग्ण संख्या गेल्यानंतर आज मात्र काहीशा कमी प्रमाणात रुग्ण आढळले आहेत. मागील 24 तासांत 13 हजार 648 कोरोनाबाधित समोर आले असून 5 जणांचा कोरोनावर उपचार घेताना मृत्यू झाला आहे. दररोज 19 ते 20 हजारांमध्ये आढळणारे रुग्ण आज 13 हजार 648 सापडल्याने नागरिकांसह प्रशासनाला काहीसा दिलासा मिळाला आहे.

आरोग्य मंत्रालयाने दिलेल्या आकडेवारीनुसार, मुंबईत सोमवारी तब्बल 27 हजार 214 रुग्णांनी कोरोनावर मात देखील केल्याने नव्या आढळलेल्या रुग्णांच्या तुलनेत ही संख्या दुप्पट आहे. ही देखील एख दिलासादायक गोष्ट आहे. त्यामुळे मुंबईचा रिकव्हरी रेट 87 टक्के इतका झाला आहे. तर मागील 24 तासांत 5 जणांचा कोरोनामुळे मृत्यू झाला असून कोरोनामुळे मृत्यू पावलेल्यांची संख्या 16 हजार 411... झाली आहे. सध्या मुंबईत 1 लाख 3 हजार 862 सक्रीय रुग्ण आहेत.  

मुंबईतील रुग्णसंख्येची आकडेवारी 

तारीख	मुंबईतील रुग्णसंख्या
21 डिसेंबर	327
22 डिसेंबर	490
23 डिसेंबर	602
24 डिसेंबर	683
25 डिसेंबर	757
26 डिसेंबर	922
27 डिसेंबर	809
28 डिसेंबर	1377
29 डिसेंबर	2510
30 डिसेंबर	3671
1 जानेवारी	6347
2 जानेवारी	8063
3 जानेवारी	8082
4 जानेवारी	10860
5 जानेवारी	15166
6 जानेवारी	20181
7 जानेवारी	20971
8 जानेवारी	20,318
9 जानेवारी	19474
10 जानेवारी	13,648

महत्त्वाच्या बातम्या : 

 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha