![ABP Premium](https://cdn.abplive.com/imagebank/Premium-ad-Icon.png)
Sakinaka Rape-Murder Case : सरकारकडून दोषीसाठी फाशीच्या शिक्षेची मागणी, दिंडोशी सत्र न्यायालय उद्या निकाल देणार
साकीनाका बलात्कार आणि हत्या प्रकरण दुर्मिळातील दुर्मिळ असल्याचा राज्य सरकारचा दावादोषी मोहन चौहानसाठी फाशीच्या शिक्षेची मागणी, मुंबईतील दिंडोशी सत्र न्यायालय गुरुवारी सुनावणार फैसला
![Sakinaka Rape-Murder Case : सरकारकडून दोषीसाठी फाशीच्या शिक्षेची मागणी, दिंडोशी सत्र न्यायालय उद्या निकाल देणार Maharashtra government asks capital sentence for Sakinaka rape and murder case accused Mohan Chouhan Sakinaka Rape-Murder Case : सरकारकडून दोषीसाठी फाशीच्या शिक्षेची मागणी, दिंडोशी सत्र न्यायालय उद्या निकाल देणार](https://feeds.abplive.com/onecms/images/uploaded-images/2022/05/31/2c5cc1ae4a965848d17a93a3aa1e2f94_original.jpg?impolicy=abp_cdn&imwidth=1200&height=675)
मुंबई : मुंबईतील अंधेरी परिसरातील साकीनाका बलात्कार आणि हत्या प्रकरण दुर्मिळातील दुर्मिळ असल्याचा दावा करत राज्य सरकारने दोषी मोहन चौहानसाठी फाशीच्या शिक्षेची मागणी केली आहे. बलात्कारानंतर निर्घृणपणे केलेल्या हल्ल्यात जखमी झालेल्या पीडितेचा उपचारादरम्यान मृत्यू झाला होता. या प्रकरणातील आरोपी मोहन चौहान (वय 45 वर्षे) दोषी असल्याचं दिंडोशी सत्र न्यायालयाने सोमवारी सांगितलं. उद्या गुरुवारी (2 जून) कोर्ट यावर निकाल देणार आहे.
गेल्या वर्षी ऐन गणेशोत्सवात मुंबईतील साकीनाका परिसरात घडलेल्या या घटनेने संपूर्ण मुंबई हादरली होती. 10 सप्टेंबर 2021 च्या मध्यरात्री एक 32 वर्षीय महिला रस्त्यावर रक्तबंबाळ अवस्थेत जखमी आढळून आली. तिला राजावाडी रुग्णालयात दाखल करण्यात आलं असता तिच्यावर बलात्कार करण्यात आल्याचं स्पष्ट झालं. डॉक्टरांच्या अथक प्रयत्नांनंतरही 11 सप्टेंबर रोजी तिने आपले प्राण सोडले. या घटनेनंतर काही तासांच्या आतच मुंबई पोलिसांकडून आरोपी मोहन चौहानला अटक केली होती. मोहनवर भारतीय दंड संहितेच्या विविध कलमांतर्गत बलात्कार, हत्या, अॅट्रॉसिटी, जाणीवपूर्वक गंभीर मारहाण यासह हत्यार कायद्यानुसार गुन्हा नोंदवण्यात आला. अवघ्या 18 दिवसांत मुंबई पोलिसांकडून याप्रकरणी आरोपपत्र दाखल करण्यात आलं होतं.
346 पानांच्या या आरोपपत्रात काही गोष्टी स्पष्ट झाल्या होत्या. पीडित महिला ही आरोपीला आधीपासूनच ओळख होती. गुन्हा घडला त्याच्या 25 दिवस आधीही आरोपीने महिलेला भेटण्याचा आणि संपर्क साधण्याचा प्रयत्न केला पण तो होऊ शकला नाही. त्यामुळे बऱ्याच कालावधीनंतर ती त्याला भेटली तेव्हा रागाच्या भरात नराधमाने तिच्यासोबत अमानुष कृत्य केले. ज्यात लोखंडी सळीच्या सहाय्याने त्याने त्या महिलेची आतडी बाहेर काढली होती. हे कृत्य पूर्वनियोजित नव्हते असा निष्कर्ष काढत पोलिसांनी हा तपास तातडीने पूर्ण केला. या आरोपपत्रात एकूण 37 जणांचे जबाब नोंदवले असून अॅट्रॉसिटी, बलात्कार आणि हत्या प्रकरणात वैद्यकीय, भौतिक आणि रासायनिक असे सर्व पुरावे जमा करुन तपास पूर्ण करण्यात आल्याचं पोलिसांच्या या आरोपपत्रात नमूद करण्यात आलं आहे. त्याच आधारावर आरोपी मोहन चौहानला दोषी ठरवत असल्याचं सोमवारी मुंबईतील दिंडोशी सत्र न्यायालयाने स्पष्ट केले असून आज (1 जून) मोहनच्या शिक्षेवर युक्तिवाद झाला.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)