Ghatkopar Hoarding Collapse: मुंबईतील घाटकोपर होर्डिंग दुर्घटनेप्रकरणी पेट्रोल पंप मालक भावेश भिडे आणि जाहिरात कंपनीविरोधात गुन्हा दाखल
Ghatkopar Petrol Pump Hoarding Collapsed: घाटकोपर इथे वादळी वाऱ्यामुळे एका पेट्रोल पंपावर महाकाय होर्डिंग कोसळलं. दरम्यान दुपारपर्यंत रेस्क्यू ऑपरेशन पूर्ण होण्याची शक्यता आहे.
Background
Ghatkopar Petrol Pump Hoarding Collapsed: अवकाळी पावसामुळे मुंबईला मोठा तडाखा बसला. घाटकोपर इथे वादळी वाऱ्यामुळे एका पेट्रोल पंपावर महाकाय होर्डिंग कोसळलं. या अपघातात मृतांचा आकडा 14 वर गेला आहे. घाटकोपरच्या राजावाडी रुग्णालयात 13 तर सायन रुग्णालयात उपचारादरम्यान एकाचा मृत्यू झाला आहे, अशी माहिती घाटकोपर पोलिसांनी दिली आहे. 43 जणांवर अजूनही उपचार सुरू आहेत. यातील एकाची प्रकृती गंभीर आहे. दरम्यान, 31 जणांना डिस्चार्ज देण्यात आला आहे. आतापर्यंत 74 जणांना वाचवण्यात आल्याचं मुंबई महानगरपालिकेकडून सांगण्यात आलं आहे. दरम्यान दुपारपर्यंत रेस्क्यू ऑपरेशन पूर्ण होण्याची शक्यता आहे.. सध्या घटनास्थळी काही क्रेन आणल्या असून त्यांच्या साहय्यानं होर्डींग उचलण्याचं काम सुरू आहे.
Ghatkopar Hoarding Collapsed: घाटकोपरला 500 टन वजनाच्या क्रेनच्या सहाय्याने मधले दोन गर्डर उचलले जाणार
Ghatkopar Hoarding Collapsed: 500 टन वजनाच्या क्रेनच्या सहाय्याने आता मधले दोन गर्डर उचलले जाणार आहेत, त्याखाली काही माणसं अडकली असण्याची शक्यता आहे ती पडताळून बघितली जाणार आह, अशी माहिती ndrfनं दिली आहे. NDRF च्या दोन टीम या ठिकाणी काम करत आहेत असंही सांगण्यात आलं आहे.
Ghatkopar Hoarding Collapsed: घाटकोपरच्या अपघातस्थळला आज विरोधी पक्षनेते विजय वडेट्टीवार भेट देणार
Ghatkopar Hoarding Collapsed: घाटकोपरमध्ये होर्डींगमुळे झालेल्या अपघातस्थळी आज विरोधी पक्षनेते विजय वडेट्टीवार भेट देणार आहे. त्यानंतर जखमी नागरिकांची राजावाडी रुग्णालयात जाऊन भेट घेणार आहेत.
महत्त्वाच्या बातम्या
