मुंबईत लोकमान्य टिळक टर्मिनल्सजवळ महिलेवर गँगरेप; चौघांना अटक

लोकमान्य टिळक टर्मिनल्सवरून आपल्या सासरी मध्यप्रदेशला जाण्यासाठी निघालेल्या महिलेवर बलात्कार केल्याची घटना घडली आहे. सदर प्रकरणी पोलीसांनी चार जणांना अटक केली असून पुढिल तपास सुरू आहे. सिध्दार्थ वाघ, श्रीकांत भोगले, सोनू तिवारी आणि निलेश बारसकर अशी आरोपींची नावं आहेत.

प्रातिनिधीक फोटो

मुंबई : लोकमान्य टिळक टर्मिनल्सवरून आपल्या सासरी मध्यप्रदेशला जाण्यासाठी निघालेल्या महिलेवर बलात्कार केल्याची घटना घडली आहे. सदर प्रकरणी पोलीसांनी चार जणांना अटक केली असून पुढिल तपास सुरू आहे. सिध्दार्थ वाघ, श्रीकांत भोगले, सोनू तिवारी आणि निलेश बारसकर अशी आरोपींची नावं आहेत. घटना काल रात्री अकरा वाजताच्या सुमारास घडली.

सदर प्रकरणातील पीडित महिला रात्री अकरा वाजण्याच्या सुमारास कुर्ला रेल्वे स्थानकात उतरून कटने, मध्य प्रदेश येथे जाण्यासाठी लोकमान्य टिळक टर्मिनस येथे ट्रेन पकडण्यासाठी आली होती. त्यावेळी पायी जात असताना साबळे नगर येथे असणाऱ्या झाडीत ती लघुशंकेसाठी गेली. त्यावेळी आधीपासूनच आरोपी सोनू तिवारी आणि निलेश बारसकर आधीपासूनच तिथे हजर होते. पीडित महिलेस त्यांनी झाडीत ओढून घेतलं आणि तिच्यावर बलात्कार केला. सदर प्रकार घडत असताना तेथून दुचाकीवरून जाणाऱ्या आरोपी सिद्धार्थ वाघ आणि श्रीकांत भोगले यांनी पाहिले आणि त्यांनीही पीडित महिलेला मदत करण्याऐवजी तिच्यावर बलात्कार करत अनैसर्गिक लैंगिक शोषण केलं.

चारही आरोपींनी महिलेवर बलात्कार केला पण त्याचबरोबर महिलेजवळ असलेले तीन हजार रूपये आणि मंगळसूत्र खेचून घेऊन तेथून पळ काढत असतानाच पीडितेच्या मदतीसाठी एका महिलेने 100 नंबरवर मदतीसाठी फोन केला. पोलिसांनी तत्काळ घटनास्थळी पोहचून लोकांच्या मदतीने दोन आरोपींना आपल्या ताब्यात घेतलं. त्यानंतर पोलिसांनी इतर दोन आरोपींचा शोध घेतला आणि पहाटेआधीच त्यांना ताब्यात घेतलं. या घटनेमुळे मात्र या परिसरात खळबळ उडाली आहे. मात्र बारा तासाच्या आतच पोलिसांनी या चार ही आरोपीना बेड्या ठोकल्या आहेत. सदर प्रकरणी पोलीस अधिक तपास करत आहेत.

संबंधित बातम्या : 

Mumbai | लोकमान्य टिळक टर्मिनल्सला जाणाऱ्या महिलेवर बलात्कार, चार आरोपी ताब्यात | ABP Majha