CAG च्या विनोद राय यांचा माफीनामा; 2G आणि कोळसा घोटाळा बदनामी प्रकरणी संजय निरुपम यांची मागितली विनाशर्त माफी
विनोद राय (Vinod Rai)) यांनी त्यांच्या 2G (2G Scam) आणि कोळसा घोटाळ्यासंबंधित (Coal Scam) बनावट अहवालाबद्दल आता देशाची माफी मागावी अशी मागणी काँग्रेस नेते संजय निरुपम यांनी केली आहे.
मुंबई : देशात गाजलेल्या 2G आणि कोळसा घोटाळ्याप्रकरणी देशाचं राजकीय वातावरण ढवळून निघालं होतं. त्या प्रकरणी आता एक महत्वाची बातमी समोर आली आहे. कॅगचे तत्कालीन प्रमुख विनोद राय (CAG Vinod Rai) यांनी त्या संबंधी बदनामी प्रकरणी काँग्रेस नेते संजय निरुपम (Sanjay Nirupan) यांची विनाशर्त माफी मागितली आहे. विनोद राय यांनी त्यावेळी एका वृत्त वाहिनीला दिलेल्या मुलाखतीत संजय निरुपम यांचं नाव घेतलं होतं. त्यावर संजय निरुपम यांनी दिल्लीतील एका न्यायालयात बदनामीचा खटला दाखल केला होता.
संजय निरुपम यांनी त्यांच्या सोशल मीडियावरुन ही माहिती दिली असून विनोद राय यांनी त्यांच्या बनावट अहवालाप्रकरणी आता देशाची माफी मागितली पाहिजे अशी मागणी केली आहे. संजय निरुपम यांनी म्हटलं आहे की, शेवटी कॅगचे माजी अध्यक्ष विनोद राय यांनी माझी विनाशर्त माफी मागितली आहे. त्यांच्या विरोधात मी नवी दिल्लीच्या पटियाळा येथील महानगर दंडाधिकारी न्यायालयात बदनामीचा दावा दाखल केला होता. विनोद राय यांनी त्यांच्या 2G आणि कोळसा घोटाळ्यासंबंधित बनावट अहवालाबद्दल आता देशाची माफी मागावी.
Finally former CAG Vinod Rai tendered an unconditional apology to me in a defamation case filed by me in MM Court, Patiyala house, New Delhi today.
— Sanjay Nirupam (@sanjaynirupam) October 28, 2021
He must apologize to the nation now for all his forged reports about 2G and Coal block allocations done by the UPA Govt.#VinodRai pic.twitter.com/OdxwZXonCq
काय आहे प्रकरण?
कॅगचे तत्कालीन अध्यक्ष विनोद राय यांनी सप्टेंबर 2014 मध्ये अर्णब गोस्वामींना टाईम्स नाऊ या वाहिनीसाठी एक मुलाखत दिली होती. त्यामध्ये त्यांनी संजय निरुपम यांचा त्यांच्या 2G आणि कोळसा घोटाळ्यामध्ये समावेश असल्याचं सांगितलं होतं. त्यानंतर टाईम्स ऑफ इंडिया या वृत्तपत्राला मुलाखत देतानाही त्यांनी हेच वक्तव्य केलं होतं. ही मुलाखत इतरही वृत्तपत्रात छापून आली होती. त्यानंतर त्याच महिन्यात त्यांच्या 'नॉट जस्ट अॅन अकाऊंटंट: द डायरी ऑफ द नेशन्स कन्सायन्स कीपर' या पुस्तकाच्या प्रकाशनाच्या दरम्यान देखील यावर भाष्य केलं होतं.
विनोद राय यांनी संजय निरुपम यांच्या विरोधात केलेलं वक्तव्य हे चुकीचं असल्याचं कबुल केलं आहे. त्यामुळे निरुपम आणि त्यांच्या कुटुंबियांना झालेल्या मानसिक त्रासासाठी विनाशर्त माफी मागितली आहे.
संजय निरुपम हे आपला विनाशर्त माफीनामा स्वीकारतील आणि हा विषय या ठिकाणी संपवतील अशी आशा विनोद राय यांनी व्यक्त केली आहे.
महत्वाच्या बातम्या :
महत्त्वाच्या बातम्या
