भिवंडीतील काँग्रेस नेते मनोज म्हात्रे हत्येप्रकरणी चुलतभावावर गुन्हा

मुंबई : भिवंडीतील काँग्रेस नेते मनोज म्हात्रे यांच्या हत्येप्रकरणी त्यांचा चुलतभाऊ प्रशांत म्हात्रे यांच्याविरोधात गुन्हा दाखल झाला आहे. राजकीय वैमनस्यापोटी प्रशांत म्हात्रेंनी ही हत्या घडवून आणल्याचा दावा काँग्रेसच्या स्थानिक नेत्यांनी केला आहे. मनोज म्हात्रे हे भिवंडीतील अंजूरफाटा परिसरात राहत होते. काही कामानिमित्त ते त्यांच्या इमारतीखाली आले असताना दोघांनी त्यांच्यावर जीवघेणा हल्ला केला. एकाने म्हात्रेंवर गोळ्या झाडल्या, तर दुसऱ्याने कोयत्याने वार केले. जखमी अवस्थेतच त्यांना ठाण्यातील ज्युपिटर रुग्णालयात नेण्यात आलं. पण तिथं त्यांना डॉक्टरांनी मृत घोषित केलं. दोन्ही हल्लेखोर फरार झाले आहेत. पोलिस त्यांचा शोध घेत आहेत. काही दिवसांपूर्वीही मनोज म्हात्रेंवर भिवंडीमधील नारपोली भागात हल्ला करण्यात आला होता. दरम्यान, या घटनेचं सीसीटीव्ही फुटेजही हाती लागलं आहे. पोलिसांनी या घटनेचा तपास सुरु केला आहे. संबंधित बातम्या :

भिवंडी पालिकेच्या सभागृह नेत्याची गोळ्या झाडून हत्या

भिवंडीतील काँग्रेस नेते मनोज म्हात्रेंच्या हत्येचं सीसीटीव्ही फुटेज