Dombivli : चैन स्नॅचिंग, घरफोडी अन् मोटरसायकल चोरीचे 19 गुन्हे, त्रिकुटाला अटक; पोलिसांनी ठोकल्या बेड्या
पोलिसांनी तिघांकडून सोन्याचे दागिने,चोरी केलेली दुचाकी,चोरीसाठी वापरण्यात येणारे हत्यार हा मुद्देमाल हस्तगत केला आहे.
Dombivli : चैन स्नेचिंग,घरफोडी, मोटरसायकल चोरी अशा प्रकारचे तब्बल 19 गुन्हे दाखल असलेल्या तीन चोरट्यांना डोंबिवली (Dombivli) पोलिसांनी बेड्या ठोकल्यात. राहुल उर्फ बोधी सरदार, गुरुदेवसिंग उर्फ काळी नरेश भगानिया, शिवा तूसांबड अशी या तिघांची नावं असून हे तिघे डोंबिवली पूर्वेकडील शेलार नाका परिसरात राहतात. या तिघांकडून पोलिसांनी सोन्याचे दागिने,चोरी केलेली दुचाकी,चोरीसाठी वापरण्यात येणारे हत्यार हा मुद्देमाल हस्तगत केला आहे.
डोंबिवली पूर्वेला त्रिकुटाने स्कुटीवरून एका महिलेची चैन हिसकावून ओळ काढला होता. या प्रकरणी डोंबिवली मानपाडा पोलीस या तीन चोरट्यांचा शोध घेत होते .डोंबिवली पूर्व चोळेगाव ते ठाकुर्ली दरम्यान पोलिसांची गस्त सुरू असताना एक्टिवा वर तीन तरुण संशयास्पद फिरताना पोलिसांना आढळले पोलिसांना संशय आल्याने त्यांनी या तिघांनाही ताब्यात घेतले त्यांची चौकशी केली यावेळी स्कुटी बाबत विचारणा केली असता त्यांनी उडवाउडवीची उत्तरे दिली. पोलिसांचा संशय बळावल्याने या तिघांनाही पोलिसांनी ताब्यात घेत त्यांना पोलिसी खाक्या दाखवताच त्यांनी ही स्कुटी चोरीची असल्याचे सांगितले. तसेच स्कुटी वरून वेगळा ठिकाणाहून महिलांच्या गळ्यातील सोन्याची चेन चोरी केल्याचं देखील त्यांनी कबूल केलं.
अटक आरोपी मधील राहूल व गुरुदेवसिंग यांनी शेलार नाका झोपडपट्टी मध्ये काही ठिकाणी घरफोड्या केल्याची देखील कबुली दिली आहे. या तिघांनाही पोलिसांनी अटक केली असून त्यांच्याकडून आजपर्यंत चार गुन्ह्यांची उकल झाली. धक्कादायक म्हणजे या तिघांवर घरफोडी मोटरसायकल चोरी असे तब्बल 19 गुन्हे दाखल असल्याची माहिती डोंबिवली पोलिसांनी दिली पोलीस पुढील तपास करत आहेत.
महत्त्वाच्या इतर बातम्या :
महत्त्वाच्या बातम्या
