Deven Bharti Mumbai Police Commissioner: देवेंद्र फडणवीसांच्या मर्जीतील अधिकारी म्हणून ओळख; आता मुंबई पोलीस आयुक्तपदी निवड, कोण आहेत देवेन भारती?

Deven Bharti Mumbai Police Commissioner: देवेन भारती यांच्याकडे मुंबईत पोलीस आयुक्तपदाचा कार्यभार सोपवण्यात आला आहे. 

Deven Bharti

Source : ABP

Deven Bharti Mumbai Police Commissioner: देवेन भारती यांच्याकडे मुंबई पोलीस आयुक्तपदाचा (Deven Bharti Mumbai Police Commissione) कार्यभार सोपवण्यात आला आहे. 35 वर्षे उल्लेखनीय सेवा बजावणारे विवेक फणसळकर (Vivek Phansalkar) आज मुंबई पोलीस आयुक्तपदावरून निवृत्त झाले. त्यानंतर विशेष पोलीस आयुक्त देवेन भारती यांच्याकडे मुंबईत पोलीस आयुक्तपदाचा कार्यभार सोपवण्यात आला आहे. 

कोण आहेत देवेन भारती? (Who is Deven Bharti?)

भारती मूळचे  बिहारमधील दरभंगा येथील आहेत. त्यांनी झारखंडमधून मॅट्रिक केले आणि दिल्ली स्कूल ऑफ इकॉनॉमिक्समधून पदवी प्राप्त केली. त्यांनी मुंबईत डीसीपी, झोन 9 आणि डीसीपी गुन्हे शाखा म्हणून काम केले. मुख्यमंत्री देवेंद्र फडणवीसांच्या मर्जीतील अधिकारी म्हणून देवेन भारती यांची ओळख आहे. देवेन भारती हे 1994 च्या बॅचचे आयपीएस अधिकारी आहेत. 2014 ते 2019 दरम्यान देवेंद्र फडणवीस यांच्या मुख्यमंत्रिपदाच्या कार्यकाळात मुंबईतील प्रभावी पोलीस अधिकारी होते. तेव्हा ते सहआयुक्त (कायदा व सुव्यवस्था) होते. त्यानंतर त्यांना अतिरिक्त पोलीस महासंचालक म्हणून बढती देऊन दहशतवाद विरोधी पथकात नेमण्यात आले. मग 2019 मध्ये महाविकास आघाडी सरकारच्या काळात IPS अधिकार्‍यांसाठी सर्वांत कमी दर्जाची असाईन्मेंट समजल्या जाणाऱ्या महाराष्ट्र स्टेट सिक्युरिटी कॉर्पोरेशनचे संयुक्त व्यवस्थापकीय संचालकदावरुन देवेन भारती यांना हटवण्यात आलं होतं. देवेन भारती यांनी मुंबईतील 26/11 च्या दहशतवादी हल्ल्याच्या तपासासह अनेक मोठ्या गुन्ह्यांचा तपास केला आहे. महाविकास आघाडी सरकारने पदभार स्वीकारल्यानंतर त्यांची राज्य सुरक्षा महामंडळात अतिरिक्त महासंचालक म्हणून बदली करण्यात आली होती.

देवेंद्र फडणवीस यांचे निकटवर्तीय-

देवेन भारती हे 1994 च्या बॅचचे आयपीएस अधिकारी आहेत. ते उपमुख्यमंत्री देवेंद्र फडणवीसांच्या जवळचे मानले जातात. फडणवीस मुख्यमंत्री असताना त्यांंच्यावर पोलीस सहआयुक्त म्हणून कायदा आणि सुव्यवस्थेची जबाबदारी सोपवण्यात आली होती. त्यानंतर भारतींना अतिरिक्त पोलीस महासंचालकपदी बढती देऊन दहशतवादविरोधी पथकात पाठवण्यात आलं. मविआच्या काळात भारतींना साईड पोस्टिंग देण्यात आली. त्यांना महाराष्ट्र राज्य सुरक्षा महामंडळाचे संयुक्त व्यवस्थापकीय संचालक बनवण्यात आलं होतं. डिसेंबर महिन्यात त्यांच्यावर सहपोलीस आयुक्त वाहतूक विभागाची जबाबदारी सोपवण्यात आली होती. 1994 च्या बॅचचे आयपीएस अधिकारी असलेले देवेन भारती हे महाराष्ट्राचे उपमुख्यमंत्री देवेंद्र फडणवीस यांचे निकटवर्तीय समजले जातात. वर्ष 2014 ते 2019 पर्यंत देवेंद्र फडणवीस हे राज्याचे मुख्यमंत्री असताना देवेन भारती हे पोलीस सहआयुक्त (कायदा आणि सुव्यवस्था) होते.

संबंधित बातमी: