समीर वानखेडेंना जीवे मारण्याची धमकी; गोरेगाव पोलीस ठाण्यात तक्रार दाखल

Sameer Wankhede : समीर वानखेडे यांनी मुंबईतील गोरेगाव पोलीस ठाण्यात (Mumbai Goregaon Police) तक्रार दाखल केली आहे. समीर वानखेडे यांना सोशल मीडियावरून धमक्या देण्यात आल्या आहेत. 

Death threat to NCB Sameer Wankhede

Sameer Wankhede News : एनसीबी मुंबईचे (NCB Mumbai)  माजी विभागीय संचालक समीर वानखेडे (Sameer Wankhede) यांना जीवे मारण्याच्या धमकी देण्यात आली आहे. यासंदर्भात समीर वानखेडे यांनी मुंबईतील गोरेगाव पोलीस ठाण्यात (Mumbai Goregaon Police) तक्रार दाखल केली आहे. समीर वानखेडे यांना सोशल मीडियावरून धमक्या देण्यात आल्या आहेत. समीर वानखेडे यांनी नवाब मलिक यांच्याविरोधात एफआयआर दाखल केल्यापासून धमक्या येत आहेत. ट्विटरवर ही धमकी आल्याचं तक्रारीत सांगितलं आहे. 

या प्रकरणी समीर वानखेडे यांनी गोरेगाव पोलीस ठाण्यात तक्रार दिली आहे. या धमकीच्या ट्विटबाबतही पोलिसांना माहिती दिली आहे. वानखडे यांना आरोपीने टॅग करून हा मेसेज केला होता. यावर वानखडे यांनी त्याला उत्तर देखील दिले आहे. त्यानंतर काही तासात आरोपीने ते ट्वीट डिलिट केले. तपासात हे अकाऊंट त्याच दिवशी सुरू करण्यात आले होते, अशी माहिती मिळाली आहे. या प्रकरणी पोलीस अधिक तपास करत आहेत.

Former NCB Mumbai zonal director Sameer Wankhede files a case against NCP leader & former Maharashtra minister Nawab Malik. Goregaon police have registered the case under IPC sec 500, 501 & SC/ST Act: Mumbai Police

(File Pics) pic.twitter.com/CSFPtE3jVI

— ANI (@ANI) August 14, 2022

वानखेडेंना नुकताच मिळाला दिलासा

नुकतीच समीर वानखेडे (Sameer Wankhede) यांना आणखी एका प्रकरणात क्लीन चीट मिळाली आहे. मुंबई जात प्रमाणपत्र पडताळणी समितीने समीर वानखेडे हे अनुसूचित जाती प्रवर्गातील असल्याचा निर्वाळा दिला आहे. राष्ट्रवादी काँग्रेसचे नेते नवाब मलिक (Nawab Malik) यांच्यासह इतरांनी समीर वानखेडे यांच्यावर इतर बनावट जात प्रमाणपत्राच्या आधारे सरकारी नोकरी मिळवली असल्याचा आरोप केला होता. 

समीर वानखेडे हे एनसीबीचे अधिकारी असताना त्यांनी अभिनेता शाहरुख खान यांचा मुलगा आर्यन खान याला अंमली पदार्थ प्रकरणी अटक केली होती. त्यानंतर समीर वानखेडे यांनी केलेली कारवाई बोगस असल्याचा आरोप राष्ट्रवादी काँग्रेसचे नेते नवाब मलिक यांनी केला होता. मलिक यांनी वानखेडे यांच्याविरोधात आरोपांची जंत्रीच सादर करत त्यांच्या कारवाईवर प्रश्न उपस्थित केले होते. त्यातच मलिक यांनी वानखेडे यांनी बोगस जात प्रमाणपत्राच्या आधारे सरकारी नोकरी मिळवली असल्याचा आरोप केला.

जात प्रमाणपत्र पडताळणी समितीने काय म्हटले?

समीर वानखेडे यांच्या जात प्रमाणपत्रावरील आक्षेपाची जात प्रमाणपत्र पडताळणी समितीसमोर सुनावणी झाली. या प्रकरणाची सुनावणी करताना समितीने काही महत्त्वाची निरीक्षणे नोंदवत वानखेडे यांनी क्लिन चीट दिली. समीर वानखेडे हे जन्माने मुस्लिम नसल्याचे या समितीने म्हटले. समीर वानखेडे यांचे वडील ज्ञानदेव वानखेडे यांनी हिंदू धर्माचा त्याग करून मुस्लिम धर्मामध्ये विधीवत धर्मांतर केले नसल्याचे समितीने म्हटले. समीर वानखेडे यांचे वाडवडील हे हिंदू धर्मीय अनुसूचित जातीतील असल्याचे सिद्ध होत असल्याचेही जातपडताळणी समितीने म्हटले. समीर वानखेडे यांच्याविरोधात करण्यात आलेल्या तक्रारीत तथ्य नसल्याने ही तक्रार फेटाळून लावण्यात येत असल्याचे जात पडताळणी समितीने म्हटलं आहे.