Crime : लहान भावाच्या भांडणातील मध्यस्थी मोठ्या भावाच्या जीवावर बेतली; छातीत कोपरखळी मारली अन्...
Badlapur Crime News : लहान भावाच्या भांडणात मध्यस्थी करणाऱ्या मोठ्या भावाच्या छातीत जोराने कोपरखळी मारून खून केल्याची धक्कादायक घटना समोर आली आहे.
Badlapur Crime News : लहान भावाच्या भांडणात मध्यस्थी करणाऱ्या मोठ्या भावाच्या छातीत जोराने कोपरखळी मारून खून केल्याची धक्कादायक घटना समोर आली आहे. ही घटना बदलापूर पूर्वेकडील सेंट्रल हाँस्पिटलनजीक असलेल्या ज्यूस सेंटरमध्ये घडली आहे. याप्रकरणी बदलापूर पूर्व पोलीस ठाण्यात हत्येचा गुन्हा दाखल करून पोलिसांनी आरोपीला अटक केली आहे. पुष्कर नितीन धुळे (29) असे अटक आरोपीचे नाव आहे. तर शुभम विश्वास मोरे (26) असे खून झालेल्या मोठ्या भावाचे नाव आहे.
मृतक शुभमचा लहान भाऊ शिवम( वय २२) याचा 15 सप्टेंबर रोजी वाढदिवस होता. शिवम हा त्याच्या मित्रांसोबत वाढदिवसाची पार्टी साजरी करून कात्रप रोडने घराच्या दिशेने दुचाकीवरून येत होता. त्यावेळी वाटेतच बदलापूर पूर्वेकडील सेंट्रल हाँस्पिटलनजीक असलेल्या ज्यूस सेंटरमध्ये पुष्कर त्याचा मित्र विशालशी बोलत होता. त्यावेळी विशालला शिवमने आवाज दिला. यामुळे आरोपी पुष्करला राग येऊन शिवमला शिवीगाळ करून त्याला मारण्यासाठी धावला. त्यावेळी दोघामध्ये जोरदार भांडण झाले.
त्याचवेळी लहान भावाचे भांडण पाहून मोठा भाऊ भांडण सोडविण्यासाठी आला. यावेळी आरोपी पुष्करने त्याला जबर मारहाण करून त्याच्या डाव्या बाजूच्या छातीत जोरदार कोपरखळी मारून त्याला गंभीर जखमी केले. त्यानंतर गंभीर अवस्थेत शुभमला रुग्णालयात दाखल करण्यात आले. मात्र उपचारादरम्यान त्याचा मृत्यू झाला. खळबळजनक बाब म्हणजे लहान भाऊ शिवमच्या वाढदिवशीच मोठा भाऊ शुभमचा खून झाल्याने बदलापूर शहरात हळहळ व्यक्त होत आहे. तर याप्रकरणी 16 सप्टेंबर रोजी सकाळी शिवम याच्या फिर्यादीवरून आरोपी पुष्करवर हत्येचा गुन्हा दाखल करून त्याला अटक केली आहे. या गुन्ह्याचा अधिक तपास पोलीस निरीक्षक (गुन्हे) विक्रमसिंह कदम करीत आहेत.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
