![ABP Premium](https://cdn.abplive.com/imagebank/Premium-ad-Icon.png)
Shrikant Shinde on Aaditya Thackeray : कल्याण लढू म्हणणारे आदित्य ठाकरे कुठे गेले? उमेदवारी जाहीर होताच श्रीकांत शिंदे यांचा पहिला वार
Shrikant Shinde on Aaditya Thackeray : कार्यकर्त्याला पुढे करून "तुम लढो हम कपडा सांभालते है" अशा प्रकारची भूमिका घेतल्याची टीका श्रीकांत शिंदे यांनी ठाकरेंवर केली.
![Shrikant Shinde on Aaditya Thackeray : कल्याण लढू म्हणणारे आदित्य ठाकरे कुठे गेले? उमेदवारी जाहीर होताच श्रीकांत शिंदे यांचा पहिला वार Where did Aditya Thackeray who said to fight for kalyan As soon as the candidature was announced Srikanth Shinde first blow to thackeray faction Shrikant Shinde on Aaditya Thackeray : कल्याण लढू म्हणणारे आदित्य ठाकरे कुठे गेले? उमेदवारी जाहीर होताच श्रीकांत शिंदे यांचा पहिला वार](https://feeds.abplive.com/onecms/images/uploaded-images/2024/04/06/db3242d31e4cbbd74d0cee43edc540421712391411509736_original.jpg?impolicy=abp_cdn&imwidth=1200&height=675)
Shrikant Shinde on Aaditya Thackeray : कल्याण लोकसभेला मोठमोठ्या वल्गना करून आदित्य ठाकरे वरुण सरदेसाई आणि उद्धव ठाकरे लढणार असे सांगितलं जात होतं. ते कुठे आहेत? या मतदारसंघात झालेला विकास पाहून त्यांची लढण्याची हिंमत झाली नाही, असा टोला खासदार श्रीकांत शिंदे यांनी (Shrikant Shinde on Aaditya Thackeray) लगावला. श्रीकांत शिंदे यांच्या उमेदवारीची (Shrikant Shinde will contest from the Kalyan constituency) आज उपमुख्यमंत्री देवेंद्र फडणवीस यांनी केली.
तुम लढो हम कपडा सांभालते है
कार्यकर्त्याला पुढे करून "तुम लढो हम कपडा सांभालते है" अशा प्रकारची भूमिका घेतल्याची टीका श्रीकांत शिंदे यांनी ठाकरेंवर केली. अंबरनाथमध्ये हेरंबा मंदिर परिसरात प्रचाराचा नारळ श्रीकांत शिंदे यांच्याकडून फोडण्यात आला.
श्रीकांत शिंदेंच्या उमेदवारीची अखेर घोषणा
दरम्यान, मुख्यमंत्री एकनाथ शिंदे यांचे पुत्र श्रीकांत शिंदे 2024 च्या लोकसभा निवडणुकीत (Lok Sabha elections) महाराष्ट्रातील कल्याण मतदारसंघातून निवडणूक लढवतील, अशी घोषणा उपमुख्यमंत्री देवेंद्र फडणवीस यांनी आज नागपुरातून केली. त्यामुळे कल्याणची जागा शिंदे गटाला गेल्याचे फडणवीस यांनी केलेल्या घोषणेवरून स्पष्ट झालं आहे. कल्याणमधून श्रीकांत शिंदे यांच्या नावाला भाजपच्या स्थानिक नेत्यांनी विरोध केल्यानंतर दुसऱ्या दिवशी ही घोषणा करण्यात आली आहे.
श्रीकांत शिंदे यांच्या नावाला कोणताही विरोध नाही
श्रीकांत शिंदे यांच्या नावाला कोणताही विरोध नसून भाजप शिंदे यांच्या पाठीशी खंबीरपण उभा राहील आणि गेल्या निवडणुकीपेक्षा जास्त मताधिक्याने निवडून येईल, असे प्रतिपादन देवेंद्र फडणवीस यांनी केले. महायुती ही महाराष्ट्रातील सत्ताधारी युती आहे, ज्यात अजित पवार यांच्या नेतृत्वाखाली भाजप, एकनाथ शिंदे यांच्या नेतृत्वाखालील शिवसेना आणि राष्ट्रवादी काँग्रेस यांचा समावेश आहे.
कल्याणमधून श्रीकांत शिंदे विरुद्ध वैशाली दरेकर
विद्यमान खासदार श्रीकांत शिंदे यांची कल्याण मतदारसंघातून शिवसेना ठाकरे गटाच्या दोनवेळा नगरसेविका वैशाली दरेकर यांच्याशी लढत होणार आहे. 49 वर्षीय दरेकर हे दोन दशकांहून अधिक काळ शिवसेनेशी संबंधित आहेत. त्यांनी इतिहासात पदव्युत्तर पदवी घेतली आहे आणि आता एलएलबीच्या प्रवेश परीक्षेची तयारी करत आहेत. त्यांचे पती हे अभियंता असून ते एका बहुराष्ट्रीय कंपनीत काम करतात.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)