मुंबई सत्र न्यायालयातील विशेष सत्र न्यायाधीश राहुल रोकडे यांची बदली, समोर होते मंत्र्यांविरोधातील महत्वाचे खटले

मुंबई सत्र न्यायालयातील विशेष सत्र न्यायाधीश राहुल रोकडे (Rahul Rokde) यांची अखेर बदली करण्यात आलीय. त्यांच्यासमोर राज्यातील सत्ताधारी आमदार मंत्र्यांविरोधातील महत्त्वाचे खटले अंतिम टप्यात आहेत.

Rahul Rokde

मुंबई : मुंबई सत्र न्यायालयातील विशेष सत्र न्यायाधीश राहुल रोकडे (Rahul Rokde) यांची अखेर बदली करण्यात आली आहे. त्यांच्यासमोर राज्यातील सत्ताधारी आमदार, मंत्र्यांविरोधातील सारे महत्त्वाचे खटले सध्या अंतिम टप्यात आहेत. अशातच राहुल रोकडे यांची मुंबई सत्र न्यायालयातून दिंडोशी सत्र न्यायालयात (Dindoshi Sessions Court) बदली झाली आहे.

अंतिम टप्प्यातील अनेक महत्वाचे खटले होते त्यांच्यासमोर

उपमुख्यमंत्री अजित पवार यांचा सहभाग असलेला 25 हजार कोटींचा शिखर बँक घोटाळा, अन्न व नागरी पुरवठा मंत्री छगन भुजबळ यांच्याशी संबंधित महाराष्ट्र सदन व कलिना मध्यवर्ती ग्रंथालय घोटाळा, एकनाथ खडसे हे आरोपी असलेला भोसरी भूखंड गैरव्यवहार, अनिल देशमुखांविरोधील खटला, राणा दांपत्याविरोधातील हनुमान चालिसा प्रकरण, इत्यादी प्रकरणं सध्या अंतिम टप्प्यात आहेत. हे सर्व महत्वाचे खटले न्यायाधीश राहुल रोकडे  यांच्यासमोर आहेत.  

राज्य मध्यवर्ती ग्रंथालय घोटाळ्यात छगन भुजबळांना दिला होता वॉरंटचा इशारा

काही दिवसांपूर्वी त्यांनी विधानसभा अध्यक्ष राहुल नार्वेकर यांना 3 हजार रुपयांचा दंड ठोठावला होता. तर राज्य मध्यवर्ती ग्रंथालय घोटाळ्यात छगन भुजबळ यांना वॉरंटचा इशाराही दिला होता. तसेच शिखर बँक घोटाळ्यात अजित पवार यांना मुंबई पोलिसांनी दिलेली 'क्लीन चीट' ईडीच्या विरोधामुळे प्रलिंबित आहे. येत्या सोमवारी दिंडोशी येथील सत्र न्यायालयात ते पदभार स्वीकारणार आहेत.

महत्वाच्या बातम्या: