दिल्ली सामूहिक बलात्कार प्रकरणातील दोषींना उद्या फाशी नाही, दिल्लीच्या पटियाला कोर्टाकडून पुढील आदेशापर्यंत फाशीला स्थगिती

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

 

महत्त्वाच्या हेडलाईन्सवर एक नजर...

1. जागतिक आरोग्य संघटनेकडून आंतरराष्ट्रीय आणीबाणी घोषित, चीनमध्ये कोरोना व्हायरसमुळे 213 जणांचा मृत्यू
2. मित्राच्या हत्येचा सूड उगवण्यासाठी दिल्लीतल्या सीएए मोर्चात गोळीबार, राजधानी हादरली, हल्लेखोराची गय करणार नाही, अमित शाहांचं ट्वीट
3. पुण्यात उर्मिला सहभागी झालेल्या सीएए विरोधी जनआंदोलनात हिंदुत्त्ववादी संघटनेचा गोंधळ, घोषणाबाजी करणारे पोलिसांच्या ताब्यात, गोंधळ घालणाऱ्यांना उर्मिलाचा टोला
4. कोरेगाव भीमा हिंसाचारामागे भाजपचा हात, गृहमंत्री अनिल देशमुखांच्या आरोपानंतर भाजपचा संताप, आरोप सिद्ध करण्याचं मुनगंटीवारांचं आव्हान
5. फडणवीसांनी सुरू केलेल्या मराठवाडा वॉटर ग्रीडला ब्रेक लागण्याचे संकेत, तर भाजप सरकारकडून नियुक्त 19 साखर कारखान्यांचे संचालक हटवले
6. कोकणचा हापूस वाशी एपीएमसीत दाखल, व्यापाऱ्यांकडून पेटीची पूजा, तर बदलापुरात शेतकऱ्याकडून स्ट्रॉबेरी पिकवण्याचा यशस्वी प्रयोग

 

 

एबीपी माझा वेब टीम

18:16 PM (IST)  •  31 Jan 2020

चीनमध्ये अडकलेल्या 27 भारतीय विद्यार्थ्यी लवकरच भारतात परतणार, दिल्लीतून एक विशेष विमान चीनला रवाना होणार, चीन सरकार त्यांच्या विमानतळावर विमान उतरवण्याची परवानगी देणार, याबाबतची माहिती पिंपरी चिंचवड मधील देवकाटे कुटुंबीयांनी दिली आहे.

17:41 PM (IST)  •  31 Jan 2020

दिल्ली सामूहिक बलात्कार प्रकरणातील दोषींना उद्या फाशी नाही, दिल्लीच्या पटियाला कोर्टाकडून पुढील आदेशापर्यंत फाशीला स्थगिती

निर्भया के गुनाहगारों को कल फांसी नहीं। दिल्ली की पटियाला हाउस कोर्ट ने अगले आदेश तक फांसी पर रोक लगाई

— Nipun Sehgal (@Sehgal_Nipun) January 31, 2020

16:43 PM (IST)  •  31 Jan 2020

सांगलीमध्ये व्यापारी आणि हमाल तोलाईदारांचा वाद उफाळला आहे. तोलाई देण्यास व्यापाऱ्यांनी नकार दिल्याने संतप्त हमालांनी मार्केट कमिटीच्या कार्यालयासमोर ठिय्या मारला आहे. काल झालेल्या बैठकीत तोडगा निघाला नसल्याने व्यापाऱ्यांनीही बेमुदत बंद पुकारला आहे. यामुळे मार्केट यार्डात सर्व व्यवहार झाले ठप्प झाले आहेत. यामुळे सांगली मार्केट यार्डातील कोट्यवधी रुपयांची उलाढाल थांबली आहे. हमालांचे तोलाईसाठी गेल्या काही दिवसांपासून हे आंदोलन सुरू आहे. हमालांनी व्यापाऱ्यांचा द्वेष केला आहे. व्यापाऱ्यांची बदनामी केली आहे. तसेच वाट्टेल ते आरोप करण्यात आले असून संकोचित वृत्तीने आरोप करणे चुकीचे आहे असा आरोप व्यापाऱ्यांनी केला आहे. त्यामुळे जोपर्यंत हमाल, तोलाईदार आणि हमाल प्रतिनिधी व्यापाऱ्यांची माफी मागत नाहीत तोपर्यंत व्यापाऱ्यांनी आजपासून बेमुदत बंद पाळण्याचा निर्णय घेतला आहे. व्यापाऱ्यांचे सर्व असोसिएशन बंद मध्ये सहभागी असून व्यापाऱ्यांनी घेतलेल्या या भूमिकेमुळे वातावरण तापले आहे.

16:17 PM (IST)  •  31 Jan 2020

पुन्हा सुपरओव्हर, भारत-न्यूझीलंड सामना पुन्हा टाय

14:02 PM (IST)  •  31 Jan 2020

मुंबईकरांसाठी लावल्या जाणाऱ्या बेस्टच्या वीज दरवाढीवर मनसेचा आक्षेप, राज ठाकरे यांचे महाराष्ट्र विद्युत नियामक आयोगास पत्र