LIVE UPDATE | लातूर : पुलाच्या कठड्यावर कार आदळून दोन ठार, तीन जखमी

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

 

महत्त्वाच्या हेडलाईन्सवर एक नजर...

 

1. दिल्ली दौऱ्यादरम्यान उद्धव ठाकरेंची मोदी, शाह, सोनिया गांधी आणि अडवाणींसोबत खलबतं, सीएएला समर्थनाची भूमिका कायम, काँग्रेस-राष्ट्रवादीच्या भूमिकेकडे लक्ष

 

2. वारिस पठाणांना प्रसारमाध्यमांशी बोलण्यास बंदी, मुस्लिमांना चिथावणाऱ्या वक्तव्यानंतर ओवेसींची कारवाई, औरंगाबाद, बीड आणि पुण्यात पठाणांविरोधात आंदोलन

 

3. उदयनराजेंचं पक्षातलं योगदान काय? राज्यसभेसाठी भाजपची अधिकृत उमेदवारी मागताना संजय काकडेंचा सवाल, प्रदेशाध्यक्षांचं सूचक मौन

 

4. लासलगाव जळीतकांड प्रकरणातील पीडितेचा मुंबईत उपचारादरम्यान मृत्यू, आठवड्याभरापासून सुरू होते मुंबईत उपचार

 

5. क्रिकेट टुर्नामेंटमध्ये भाजपनेत्याची हवेत खुलेआम फायरिंग, नवी मुंबईतला प्रकार, भाजपनेता पंढरीनाथ फडकेला अटक

 

6. आज संघाच्या अंगणात भीम आर्मीचा मेळावा, अटी-शर्थींसह चंद्रशेखर आझाद उर्फ रावणाच्या सभेला न्यायालयाची परवानगी

एबीपी माझा वेब टीम

21:24 PM (IST)  •  22 Feb 2020

लातूर : जिल्ह्यातील काजळा हिप्परगा गावा जवळील पुलाच्या कठड्यावर भरधाव वेगातील कार धडकल्याने जोरदार अपघात झाला. या अपघातात दोनजण जागेवरच ठार झाले, तर तीन जण गंभीर जखमी झाले आहेत. या अपघातात राजाराम मारोती डिगोळे, सिकंदर गौस शेख यांचा जागीच मृत्यू झाला तर उत्तम बालाजी देवदे, माधव भागवत देवदे व अन्य एक हे गंभीर जखमी झाले असून या तिघांना पुढील उपचारासाठी लातूर येथे नेण्यात आले आहे.  

20:53 PM (IST)  •  22 Feb 2020

औरंगाबाद : बजाजनगर भागात छत्रपती शिवाजी महाराज यांचा पुतळा बसवण्यात आला आहे. त्याठिकाणी शिवआरती ठेवण्यात आली होती. आरती झाल्यानंतर याठिकाणी कोणतंही राजकीय भाषण होणार नाही आणि करू नये अस जाहीर करण्यात आलं होतं. आरतीनंतर आमदार संजय शिरसाट आणि शिवसेना नेते चंद्रकांत खैरे कार्यक्रमस्थळी पोहचले. त्यानंतर एक खैरे भाषणं करतील, असं जाहीर केलं. त्यानंतर गोंधळ आणि धक्काबुकी झाली.

20:49 PM (IST)  •  22 Feb 2020

अमरावती : जिल्ह्याच्या धामणगाव रेल्वे तालुक्यातील मंगरुळ दस्तगीर येथील एका 40 वर्षीय व्यक्तीचा मृतदेह वर्धा नदीच्या पात्रात पोत्यात गुंडाळलेल्या अवस्थेत 20 फेब्रुवारीला आढळला होता. गळा आवळून हा खून केल्याचे समोर येताच स्थानिक गुन्हे शाखा आणि मंगरुळ दस्तगीर पोलिसांनी मृतकाच्या पत्नीसह तिच्या प्रियकराला ताब्यात घेतले. मृताची पत्नी आणि तिच्या प्रियकराने हा कट रचला असून, मृताच्या पत्नीच्या प्रियकराने 50 हजार रुपयांत सुपारी देऊन हा खून करून घेतल्याची धक्कादायक बाब आज पोलीस तपासात समोर आली आहे. हनुमंत साखरकर यांच्या पत्नीचे मागील एक वर्षापासून संबंध असल्याचे पतीला कळल्यावर पती-पत्नीमध्ये वाद झाले आणि पत्नीने अखेर आपल्या प्रियकराला सांगितले की, मला माझ्या पतीपासून सुटका करून दे आणि प्रियकर आणि पत्नीने 50 हजारांत पतीला मारण्याची सुपारी दिली. 20 तारखेला हनुमंत यांचा गळा आवळून त्याचा खून केला आणि मृतदेह वर्धा नदीपात्रात एका पोत्यात मृतदेह टाकून दिला होता. या घटनेने संपूर्ण जिल्ह्यात खळबळ उडाली आहे.

20:35 PM (IST)  •  22 Feb 2020

बीड : चित्रपटगृहासमोर अभिनेता, दिग्दर्शकास बेदम मारहाण, बायको देता का बायको, या चित्रपटातील कलाकारांवर जीवघेणा हल्ला. आशा टॉकीज परिसरात हल्लेखोरांकडून तोडफोड. हल्ला करून हल्लेखोर पसार.

20:44 PM (IST)  •  22 Feb 2020

अकोला : प्रकाश आंबेडकरांना मोठा धक्का, पक्षाच्या दोन माजी आमदारांचा वंचित बहूजन आघाडीला रामराम. अकोल्यातील माजी आमदार हरिदास भदे आणि बळीराम सिरस्कारांचा पक्षाचा राजीनामा. राज्यभरातील 48 प्रमुख आजी-माजी पदाधिकाऱ्यांचाही राजीनामा देणाऱ्यांत समावेश. पक्षाचा विश्वास संपला असल्याची आंबेडकरांना लिहिलेल्या राजीनामापत्रात टीका.