अंंधेरी एमआयडीसीतील आग पुन्हा भडकली, आगीवर नियंत्रण मिळवण्याचे प्रयत्न सुरु

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

महत्त्वाच्या हेडलाईन्सवर एक नजर...

1. येत्या 29 फेब्रुवारीपासून राज्य सरकारी कर्मचाऱ्यांसाठी पाच दिवसांचा आठवडा, अत्यावश्यक सेवांना वगळलं, निर्णयावर बच्चू कडूंची सडकून टीका

2. सरकारी तिजोरीत खटखटाड असताना मंत्र्यांच्या बंगल्यांवर तब्बल 15 कोटींचा खर्च, निविदा मंजूर न करताच नुतनीकरण सुरु केल्याचा आरोप

3. मुंबई महापालिकेच्या फेरीवाला धोरणाला मनसेचा विरोध, आज राजगड ते जी वॉर्डवर मोर्चा, तर आजपासून राज ठाकरे औरंगाबाद दौऱ्यावर

4. अतिवृष्टी आणि महापुरामुळे नुकसान झालेल्या शेतकऱ्यांना कर्जमाफी, मंत्रिमंडळ उपसमितीच्या बैठकीनंतर राज्य सरकारचा निर्णय

5. कोस्टल रोडचं काम इकोफ्रेण्डली विटांनी होणार, पर्यावरणप्रेमी, कोळी बांधवांच्या विरोधावर महापालिकेचा उतारा, इस्रायलच्या कंपनीला कंत्राट

6. बिस्किटचा पुडा आणि भुईमुगाच्या शेंगांमधून 45 लाखांच्या परदेशी चलनाची तस्करी, दिल्ली विमानतळावर तस्कराचा पर्दाफाश, तपास यंत्रणा अवाक्

एबीपी माझा वेब टीम

15:33 PM (IST)  •  13 Feb 2020

चंद्रपूर : प्रवासी वाहतूक करणारी सुमो उलटली, चिमूर तालुक्यातील खैरी जवळ अपघात, 11 प्रवासी जखमी. नागपूर जिल्ह्यातील कांपा येथे जात होते. वाहन चालकाचे नियंत्रण सुटल्याने झाला अपघात, शंकरपूर येथील टाटा सुमो वाहन चालक राझिक शेख देखील गंभीर, जखमी शंकरपूर प्राथमिक आरोग्य केंद्रात उपचारासाठी दाखल, काही जखमींना चिमूर, चंद्रपूर व नागपूरला पुढील उपचारासाठी केले रवाना.

23:31 PM (IST)  •  13 Feb 2020

शिर्डी : निवृत्ती महाराज इंदुरीकर यांना बजावली नोटीस, संगमनेर येथील वैद्यकीय कार्यालय विभागाने बजावली नोटीस, दुपारी घरी जाऊन वैद्यकीय विभागाने नोटीस दिली असल्याची माहिती