माझ्या मते आज जाहीर झालेले खातेवाटप हे तात्पुरत्या स्वरूपाचे : जयंत पाटील

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

राज्यातील आणि देशातील महत्त्वाच्या बातम्यांचा संक्षिप्त आढावा

1. वादळी चर्चेनंतर नागरिकत्त्व दुरुस्ती विधेयक राज्यसभेत मंजूर, मतदानावेळी शिवसेनेचा सभात्याग, चर्चेदरम्यान अमित शाहांचा काँग्रेस, शिवसेनेला टोला

2. पद मिळू नये म्हणून भाजप सोडणार असल्याच्या वावड्या, पंकजा मुंडेंची माझाला एक्स्क्लुझिव्ह मुलाखत, आज गोपीनाथ गडावरच्या मेळाव्याकडे राज्याचं लक्ष

3. खातेवाटपावरुन महाविकास आघाडीत गोंधळ, सूत्रांची माहिती, काँग्रेसचा सरकारला बाहेरुन पाठिंबा देण्याचा इशारा, बांधकाम, नगरविकास आणि जलसंधारणावरुन घोडं अडलं

4. अटल बिहारी वाजपेयींऐवजी समृद्धी महामार्गाला शिवसेनाप्रमुख बाळासाहेबांचं नाव देणार, मंत्रिमंडळ बैठकीत सहमती, 3 हजार 500 कोटींची निधी मंजूर

5. राष्ट्रवादीचे सर्वेसर्वा शरद पवार यांचा आज 80 वा वाढदिवस, मुंबईत वाय. बी सेंटरवर पवार शुभेच्छांचा स्वीकार करणार

6. टीम इंडियाने वानखेडेवरच्या शेवटच्या टी ट्वेन्टीसह मालिकाही घातली खिशात, भारताकडून विंडीजचा 67 धावांनी धुव्वा, कर्णधार विराट कोहली मालिकावीर

21:19 PM (IST)  •  12 Dec 2019

पत्नी जीन्स आणि टी शर्ट घालून कामावर जाते, म्हणून पतीने तिला जीवे मारण्याचा प्रयत्न केल्याची घटना डोंबिवलीत घडली आहे. याप्रकरणी पोलिसांनी तिच्या पतीला अटक केली आहे. सुजाता जाधव असं या महिलेचं नाव असून ती तिचा पती सुधीर जाधव याच्यासोबत डोंबिवलीच्या कोपर परिसरात वास्तव्याला आहे. सुजाता कामावर जाताना जीन्स आणि टी शर्ट घालते या कारणावरून तिचे आणि पती सुधीरचे नेहमी वाद व्हायचे. सुजाताने तिच्या मित्रांशी चॅटिंग करण्यालाही सुधीरचा विरोध होता. याच कारणावरून मंगळवारी रात्री त्यांच्यात वाद झाल्यानंतर सुधीर याने सुजाताला बेदम मारहाण करत तिचा गळा दाबला. यावेळी सुजाता बेशुद्ध पडल्यानं तिचा मृत्यू झाल्याचं समजून सुधीर हा स्वतःच रामनगर पोलीस ठाण्यात हजर झाला. यानंतर पोलिसांनी घटनास्थळी धाव घेतली असता सुजाता जिवंत असल्याचं आढळल्यानं तिला आधी डोंबिवलीत आणि तिथून मुंबईच्या सायन हॉस्पिटलमध्ये उपचारांसाठी दाखल करण्यात आलं. याप्रकरणी सुधीर याला हत्येच्या प्रयत्नात पोलिसांनी अटक केली आहे.

23:47 PM (IST)  •  12 Dec 2019

माझ्या मते आज जाहीर झालेले खातेवाटप हे तात्पुरत्या स्वरूपाचे असून, मंत्रिमंडळ विस्ताराच्या नंतर सर्व खात्यांचे यथोचित खातेवाटप होईल.' 'माझ्या मते आज जाहीर झालेले खातेवाटप हे तात्पुरत्या स्वरूपाचे असून, मंत्रिमंडळ विस्ताराच्या नंतर सर्व खात्यांचे यथोचित खातेवाटप होईल.', जयंत पाटील यांचं ट्वीट

माझ्या मते आज जाहीर झालेले खातेवाटप हे तात्पुरत्या स्वरूपाचे असून, मंत्रिमंडळ विस्ताराच्या नंतर सर्व खात्यांचे यथोचित खातेवाटप होईल.

— Jayant Patil (@Jayant_R_Patil) December 12, 2019

21:13 PM (IST)  •  12 Dec 2019

21:13 PM (IST)  •  12 Dec 2019

मुख्यमंत्री उद्धव ठाकरे यांनी आज राष्ट्रवादी काँग्रेस पक्षाचे राष्ट्रीय अध्यक्ष खासदार शरद पवार यांची भेट घेऊन वाढदिवसानिमित्त दिल्या शुभेच्छा. यावेळी रश्मी ठाकरे, खासदार सुप्रिया सुळे, आमदार अजित पवार आमदार आदित्य ठाकरे यांच्यासह सदानंद सुळे, रेवती सुळे देखील उपस्थित होते.

19:30 PM (IST)  •  12 Dec 2019

पंचायत समिती सभापती पद आरक्षण जाहीर, बुलडाणा जिल्ह्यातील पंचायत समिती सभापती पदाचे आरक्षण जिल्हाधिकारी कार्यालयातील नियोजन समिती सभागृहात जिल्हाधिकारी सुमन चंद्रा यांच्या अध्यक्षतेखाली आज काढण्यात आले. खामगांव व लोणार पंचायत समिती अनुसूचित जाती (महिला), चिखली अनुसूचित जाती, देऊळगांव राजा अनुसूचित जमाती, मलकापूर व संग्रामपूर नागरिकांचा मागास प्रवर्ग (महिला), जळगांव जामोद व नांदुरा नागरिकांचा मागास प्रवर्ग, बुलडाणा, शेगांव आणि सिंदखेड राजा सर्वसाधारण महिलांसाठी तर मेहकर व मोताळा सर्वसाधारणसाठी आरक्षित झाले आहे.