LIVE UPDATES | पलंगावरून पडून चिमुकलीचा मृत्यू; दुःख सहन न झाल्याने आईची आत्महत्या

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा  www.abpmajha.in

राज्यातील आणि देशभरातील बातम्यांचा संक्षिप्त आढावा
1. येस बँक गैरव्यवहार प्रकरणी अखेर राणा कपूर यांना अटक, ईडीकडून 31 तास चौकशी, येस बँकेमुळे राज्यातल्या तब्बल 109 बँकांचे ऑनलाईन व्यवहार ठप्प

2. भारतातल्या कोरोनाग्रस्तांची संख्या 34 वर, उच्चस्तरीय बैठकीत पंतप्रधान नरेंद्र मोदींच्या महत्त्वाच्या सूचना

3. परदेशातले वापरलेले मास्क धुवून विक्री, भिवंडीतला व्हायरल व्हीडिओ समोर, चौकशी करण्याचं पोलिसांचं आरोग्य विभागाला पत्र

4. भाजप म्हणजे हिंदुत्त्व नाही, अयोध्यावारीत उद्धव ठाकरेंचे टीकेचे बाण, मंदिरनिर्मितीसाठी एक कोटीच्या मदतीची घोषणा

5. नवी मुंबईत रोहित पवारांची महारॅली, वाशी ते कोपरखैरणेमध्ये बाईक रॅली, महापालिका निवडणुकीच्या तोंडावर राष्ट्रवादीचं शक्तिप्रदर्शन

6. हरमनप्रीत कौरच्या भारतीय संघाला महिलादिनी नवा इतिहास घडवण्याची संधी, टी-20 विश्वचषकाच्या फायनलमध्ये आज भारताचा मुकाबला ऑस्ट्रेलियाशी

23:02 PM (IST)  •  08 Mar 2020

भिवंडी : विदेशातून आणलेले मास्क धुवून विक्री प्रकरणात नारपोली पोलीस ठाण्यात गुन्हा दाखल, कलम 269 संसर्गजन्य रोग पसरविणे या कलमाअंतर्गत इमरान शेख नावाच्या व्यक्तीवर गुन्हा दाखल, उघड्यावर फेकून देण्यात आलेले सर्व मास्क एकत्र करून ते सर्व मास्क जैव वैद्यकीय पद्धतीने विल्हेवाट लावण्यासाठी पॉल्युशन बोर्डच्या ताब्यात, एबीपी माझाच्या बातमीचा इम्पॅक्ट

23:17 PM (IST)  •  08 Mar 2020

घरात पलंगावरून पडुन पाच महिन्याच्या चिमुकलीचा डोळ्यादेखत मृत्यू झाल्याचे दुःख सहन न झालेल्या तीस वर्षीय आईने गळफास घेऊन आत्महत्या केली. ही घटना परभणीच्या पालम तालुक्यातील डिग्रस येथे घडली. या घटनेमुळे अख्ख्या गावावर शोककळा पसरली आहे. परभणीच्या पालम तालुक्यातील फरकंडा येथील दिलेल्या संगीता प्रल्हाद पोळ या आपल्या 5 महिन्याच्या मुलीसह मागच्या काही दिवसांपासून त्यांच्या माहेरी डिग्रस येथे राहत होत्या. त्यांची चिमुकली अदविका ही खेळत असताना थेट पलंगावरून खाली पडली आणि त्यातच तिचा दुर्दैवी मृत्यू झाला. या घटनेमुळे धक्का बसलेल्या संगीता पोळ यांनी घरी रात्री सगळे झोपल्यावर गळफास लावून स्वतःला ही संपवले. सकाळी संगीता यांचे वडील उठल्यानंतर त्यांना ही घटना कळली. दरम्यान या घटनेमुळे डिग्रस गावावर शोककळा पसरली असून पालम पोलिसात या घटनेबाबत आकस्मिक मृत्यूची नोंद करण्यात आलेली आहे.

22:35 PM (IST)  •  08 Mar 2020

भिवंडी : विदेशातून आणलेले मास्क धुऊन विक्री करण्यात येणार असल्याचा व्हिडिओ समोर आल्यानंतर आता या प्रकरणांमध्ये नारपोली पोलीस ठाण्यात गुन्हा दाखलकरण्यात आला आहे. कलम 269 संसर्गजन्य रोग पसरविणे या कलमा अंतर्गत इमरान शेख नावाच्या व्यक्तीवर गुन्हा दाखल करण्यात आला आहे. तसेच उघड्यावर फेकून देण्यात आलेले सर्व मास्क एकत्र करून ते सर्व मास्क जैववैद्यकीय पद्धतीने विल्हेवाट लावण्यासाठी पॉल्युशन बोर्डच्या ताब्यात देण्यात आले आहे.

21:56 PM (IST)  •  08 Mar 2020

नाशिक : आंघोळीसाठी गरम पाणी दिल्याने नवरा बायकोचे भांडण. भांडणाचा राग आल्याने मुलाची वडिलांना लाकडाने मारहाण. वडिलांची नाशिक येथे शासकीय रुग्णालयात उपचार सुरू असताना मृत्यू. शिवाजी जठार, असे मृत वडिलांचे नाव. येवला तालुक्यातील नागरसुल शिवारातील वाईबोथी येथील घटना.

20:28 PM (IST)  •  08 Mar 2020

कोल्हापूर ब्रेकींग : उसाला लागलेली आग विझवण्यासाठी गेलेल्या शेतकऱ्याचा होरपळून मृत्यू. राधानगरी तालुक्यातील तुरंबे-कासारवाडा येथील घटना. बाळासो बलुगडे असं मृत शेतकऱ्याचे नाव आहे. आग विझवण्याचा प्रयत्न करताना आगीतच सापडले.