LIVE UPDATES | तर, एक स्वयंसेवक संपूर्ण संघसृष्टी पुन्हा निर्माण करेल : मोहन भागवत

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा  www.abpmajha.in

राज्यातील आणि देशभरातील बातम्यांचा संक्षिप्त आढावा
1. मुख्यमंत्री उद्धव ठाकरे आज अयोध्या दौऱ्याला हिंदू महासभेचा विरोध, तर मंदिर निर्मितीत हातभार लावण्यासाठी शिवसेनेचं काँग्रेस, राष्ट्रवादीला आवाहन

2. YES बँकेचे सीईओ राणा कपूर यांच्यावर गुन्हा दाखल, तर कपूर यांच्या वरळीतल्या घरी ईडीचे अधिकारी दाखल, नागपूर विद्यापीठ आणि पिंपरी महापालिकेचे पैसेही बँकेत अडकले

3. राज्यसभेसाठी राज्य भाजप कार्यकारिणीकडून एकनाथ खडसे यांच्या नावाचा आग्रह, उदयनराजे भोसले, रामदास आठवलेंसह खडसेही राज्यसभेवर जाण्याची शक्यता

4. जिल्हा परिषद शाळेतल्या शिक्षकांच्या बदल्या ऑनलाईनच होणार, अधिकाऱ्यांच्या शिफारशीनंतर ग्रामविकास मंत्री हसन मुश्रीफांचा निर्णय, शिक्षकांना दिलासा

5. सोन्याच्या दराने गाठला ऐतिहासिक उच्चांक, प्रतितोळा सोन्याचा दर 45 हजारांच्या पार, कोरोना व्हायरस आणि लग्नसराईमुळे सोन्याचे दर वाढले

23:02 PM (IST)  •  07 Mar 2020

चंद्रपूर : चंद्रपूर शहरातील रामनगर उच्चभ्रू वस्तीत हॉटेलवर पोलिसांनी धाड टाकली. दारूबंदीनंतर पहिल्यांदाच हुक्का पार्लरवर धडक कारवाई करण्यात आलीय. यात बड्या घरची 14 मुलं पोलिसांनी ताब्यात घेतलीय. डझनभर हुक्का पॉट, प्रतिबंधित तंबाखू, फ्लेवर्स आदी मोठी सामुग्री जप्त करण्यात आलीय. दाताळा मार्गावरील गोल्डन रेस्टॉरंटचा मालक देखील ताब्यात घेण्यात आलाय. दारूबंदी आधी हे हॉटेल बार होते. रामनगर पोलिसांनी ही कारवाई केलीय.

22:19 PM (IST)  •  07 Mar 2020

उद्या जर काही कारणाने संघाचा फक्त एकच स्वयंसेवक उरला आणि इतर सर्व स्वयंसेवक अदृश्य झाले, नाहीसे झाले. तरी तोच एक स्वयंसेवक संपूर्ण संघसृष्टी पुन्हा निर्माण करेल. कारण तुम्ही संघ आणि त्याच्या स्वयंसेवकाला एकमेकांपासून वेगळे करू शकत नसल्याचे मत सरसंघचालक डॉ. मोहन भागवत यांनी व्यक्त केले आहे. ते आज नागपुरात संघाचे ज्येष्ठ स्वयंसेवक आणि माजी प्रवक्ते मा. गो. वैद्य यांच्या शतक शुभेच्छा समारंभात बोलत होते.

22:09 PM (IST)  •  07 Mar 2020

धुळे : अर्ध्या तासापासून वाजणारा बँकेचा सायरन पोलिसाने शटरला लाथ मारताच बंद झाला. नेहमीच वेळीअवेळी हा सायरन वाजत असल्याची नागरिकांची तक्रार आहे. धुळे शहरातील जे बी रोडवरील विजया बँक शाखेतील घटना.

21:35 PM (IST)  •  07 Mar 2020

शिर्डी : दोन शाळकरी मुलींचा पाझरतलावात बुडून मृत्यू. अकोले तालुक्यातील पाडाळणे येथील दुर्देवी घटना. शेळ्या चारण्यासाठी गेल्या असता ही घटना घडली. सुवर्णा शेंगाळ( वय 13 )आणि कोमल अस्वले(वय 15 )असे मृत्यू झालेल्या मुलींची नावे आहेत. तर तिसरी शाळकरी मुलगी शुभांगी शेंगाळ वाचली. शुभांगीवर रुग्णालयात उपचार सुरू आहेत. शनिवारी दुपारी 4 वाजता ही घटना घडली.

21:06 PM (IST)  •  07 Mar 2020

अस्पृश्यता निवारणात सावरकरांचं मोठं योगदान आहे. डॉ. बाबासाहेब आंबेडकर आणि महात्मा फुलेंपेक्षा सावरकरांचे योगदान श्रेष्ठ आहे असे विधान मी कधीच केलं नाही. पण ज्यांना ब्रेकिंग न्यूज द्यायच्या आहेत ते जाणीवपूर्वक आपल्या आणि ब्राह्मण समाजाविरुद्ध द्वेष वाढेल अशा पद्धतीने बातम्या देतात. अशा बातम्या प्रसिद्ध झाल्यानंतर लोक मला दुसरी बाजू न विचारताच त्यावर रिअॅक्शनही देतात हे अधिक क्लेशकारक आहे, असे वक्तव्य ज्येष्ठ अभिनेते हे शरद पोंक्षे यांनी केलंय.