स्टँडअप कॉमेडियन प्रणित मोरे मारहाण प्रकरण! भाजप आमदार कल्याणशेट्टी आक्रमक, पोलीस आयुक्तांची घेतली भेट
स्टँडअप कॉमेडियन प्रणित मोरे (Standup Comedian Pranit More) मारहाण प्रकरणी भाजप आमदार सचिन कल्याणशेट्टी (MLA Sachin Kalyanshetty) यांनी सोलापूर पोलीस आयुक्तांची भेट घेतली आहे.
सोलापूर : स्टँडअप कॉमेडियन प्रणित मोरे (Standup Comedian Pranit More) मारहाण प्रकरणी भाजप आमदार सचिन कल्याणशेट्टी (MLA Sachin Kalyanshetty) यांनी सोलापूर पोलीस आयुक्तांची भेट घेतली आहे. काँग्रेस कार्यकर्त्यांनीचं प्रणित मोरेला मारहाण केल्याचा आरोप भाजप आमदार सचिन कल्याणशेट्टी यांनी केला आहे. प्रणित मोरे याला मारहाण करणाऱ्या लोकांवर कठोर कारवाई करण्यात यावी, अशी मागणी भाजप आमदार सचिन कल्याणशेट्टी यांनी केली आहे. कलाकार असलेल्या प्रणित मोरेला अशा पद्धतीने मारहाण होणे दुर्दैवी असल्याचे त्यांनी म्हटलं आहे.
या प्रकरणात काँग्रेस नेते सहभागी आहेत की नाही माहिती नाही मात्र त्यांचे कार्यकर्ते नक्की आहेत असेही आमदार सचिन कल्याणशेट्टी म्हणाले. काँग्रेसच्या नेत्यांनी अशा लोकांच्या पाठीशी उभं राहू नये, त्यांचे चेलेचपाटे असे धंदे करतं असतील तर काँग्रेस नेत्यांनी विचार करावं असे म्हणत आमदार सचिन कल्याणशेट्टी यांनी आक्रमक भूमिका घेतली आहे.
नेमकं प्रकरण काय?
स्टँडअप कॉमेडियन प्रणित मोरेला सोलापुरात मारहाण करण्यात आली आहे. सोलापुरातील एका कार्यक्रमात स्काय फोर्स फेम अभिनेता वीर पाहाडियावर (Veer Paharia) जोक केल्यामुळे दहा ते बारा जणांच्या गटानं हल्ला केल्याची माहिती स्टँडअप कॉमेडियन प्रणित मोरेनं आपल्या सोशल मीडिया (Social Media) हँडलवर पोस्ट करुन दिली. तसेच, याप्रकरणी पोलिसांत तक्रार दाखल करण्यासाठी गेल्यावर पोलिसांनी तक्रार दाखल करून घेतली नसल्याची माहितीही प्रणित मोरेनं आपल्या पोस्टमधून दिली होती. अशातच आता याप्रकरणाची पोलिसांनी दखल घेतली असून 10 ते 12 जणांविरोधात पोलिसांनी गुन्हा दाखल केल्याची माहिती मिळत आहे.
पोलिसांनी दिलेल्या माहितीनुसार, माजी मुख्यमंत्री सुशील कुमार शिंदे यांचा नातू, अभिनेता वीर पहाडिया याला लक्ष्य करून स्टँडअप कॉमेडियन प्रणित मोरे यांनं सोलापुरातील एका कार्यक्रमात जोक केला. त्यामुळे कार्यक्रमाला उपस्थित असलेला एक गट नाराज झाला. त्यातून मारहाणीचा प्रकार घडला. या बाबतीत कॉमेडीयन प्रणित मोरे यानं इंस्टाग्रामवरून पोस्ट करतं माहिती दिली होती, तर वीर पहाडियानं देखील दिलगिरी व्यक्त केली होती. या संपूर्ण प्रकरणानंतर आरोपी तन्वीर शेख आणि त्याच्या अन्य 10-12 साथीदार विरोधात गुन्हा दाखल करण्यात आला. हॉटेल मॅनेजरच्या तक्रारीवरून सोलापूरच्या सदर बाजार पोलिसांत गुन्हा नोंद करण्यात आला आहे. भारतीय न्याय संहिता कलम 115(2), 189(2), 190, 191(2) नुसार गुन्हा दाखल करण्यात आला आहे.
महत्वाच्या बातम्या:
Comedian Pranit More Assaulted: स्टँडअप कॉमेडियन प्रणित मोरे मारहाण प्रकरणी मोठी अपडेट; 10-12 जणांविरोधात गुन्हा दाखल
महत्त्वाच्या बातम्या
