![ABP Premium](https://cdn.abplive.com/imagebank/Premium-ad-Icon.png)
मुंबईतल्या 36 पैकी 25 जागांवर ठाकरेंची नजर; निवडलेल्या जागांवर सध्या कुणाचे आमदार?
Maharashtra Assembly Election 2024 : मुंबईतील एकूण 36 विधानसभा मतदारसंघांपैकी 25 जागांवर लढण्याची ठाकरे गटाची तायरी असल्याची माहिती मिळत आहे.
![मुंबईतल्या 36 पैकी 25 जागांवर ठाकरेंची नजर; निवडलेल्या जागांवर सध्या कुणाचे आमदार? Shiv Sena UBT preparations for 25 out of 36 Assembly Constituency in Mumbai MLA Know which political party has these seats claim by Uddhav Thackeray Maharashtra Vidhan Sabha Election 2024 Maha Vikas Aghadi vs Mahayuti Congress BJP NCP मुंबईतल्या 36 पैकी 25 जागांवर ठाकरेंची नजर; निवडलेल्या जागांवर सध्या कुणाचे आमदार?](https://feeds.abplive.com/onecms/images/uploaded-images/2024/07/18/fc4bc8853040827f423d7185dbc87b18172128684133088_original.jpg?impolicy=abp_cdn&imwidth=1200&height=675)
Maharashtra Assembly Election 2024 : मुंबई : लोकसभा, विधान परिषदेची रणधुमाळी संपली, आता आगामी विधानसभा निवडणुकांची (Vidhansabha Election 2024) चाहुल लागली आहे. अशातच अद्याप विधानसभेचं बिगुल वाजलं नसलं तरीदेखील, सर्व पक्षांनी विधानसभेची तयारी सुरू केली आहे. लोकसभेप्रमाणेच (Lok Sabha Election 2024) यंदाच्या विधानसभेतही महायुती (Mahayuti) विरुद्ध महाविकास आघाडी (Maha Vikas Aaghadi), अशीच चुरस पाहायला मिळणार आहे. सर्व पक्षांकडून दावे-प्रतिदावे सुरू आहेत. अशातच सध्या ठाकरेंनी (Uddhav Thackrey) देखील विधानसभेचं मैदान मारण्यासाठी जागांची चाचपणी सुरू केली आहे.
ठाकरेंचा बालेकिल्ला असलेली मुंबई (Mumbai Election 2024) जिंकण्यासाठी ठाकरेंनी कंबर कसली आहे. मुंबईतील एकूण 36 विधानसभा मतदारसंघांपैकी 25 जागांवर लढण्याची ठाकरे गटाची तायरी असल्याची माहिती मिळत आहे. एकंदरीतच, मुंबईतील बहुतांश विधानसभा मतदारसंघ आपल्याकडे ठेवण्यासाठी ठाकरे गट आग्रही राहणार असल्याचं समजतयं.
ठाकरेंची नजर असलेल्या 25 जागांवर सध्या आमदार कोण?
विधानसभा मतदारसंघ | आमदाराचं नाव | पक्ष |
माहिम | सदा सरवणकर | शिवसेना |
वरळी | आदित्य ठाकरे | शिवसेना(उबाठा) |
शिवडी | अजय चौधरी | शिवसेना(उबाठा) |
भायखळा | यामिनी जाधव | शिवसेना |
मलबार हिल | मंगलप्रभात लोढा | भाजप |
चेंबूर | प्रकाश फातर्पेकर | शिवसेना (उबाठा) |
विकोळी | सुनील राऊत | शिवसेना (उबाठा) |
भांडूप (पूर्व) | रमेश कोरगावकर | शिवसेना (उबाठा) |
मागाठणे | प्रकाश सुर्वे | शिवसेना |
जोगेश्वरी | सध्या रिक्त ( रवींद्र वायकर) | शिवसेना |
कुर्ला | मंगेश कुडाळकर | शिवसेना |
कलिना | संजय पोतनीस | शिवसेना (उबाठा) |
अंधेरी (पूर्व) | ऋतुजा लटके | शिवसेना (उबाठा) |
दिंडोशी | सुनील प्रभू | शिवसेना (उबाठा) |
दहिसर | मनिषा चौधरी | भाजप |
गोरेगाव | विद्या ठाकूर | भाजप |
वर्सोवा | भारती लवेकर | भाजप |
विलेपार्ले | पराग आळवणी | भाजप |
वांद्रे (पूर्व) | झिशान सिद्दीकी | काँग्रेस |
वडाळा | कालिदास कोळंबकर | भाजप |
कुलाबा | राहुल नार्वेकर | भाजप |
चांदिवली | दिलीप लांडे | शिवसेना |
मानखूर्द-शिवाजीनगर | अबु आझमी | समाजवादी पार्टी |
अणुशक्ती नगर | नवाब मलिक | राष्ट्रवादी काँग्रेस |
बोरिवली | सुनील राणे | भाजप |
मलबार हिल | मंगलप्रभात लोढा | भाजप |
ठाकरे गटाला हव्या असलेल्या 25 जागा कुणाकडे ?
पक्ष | विधानसभा जागांची आकडेवारी |
शिवसेना (ठाकरे गट) | 8 |
शिवसेना (शिंदे गट) | 6 |
भाजप | 8 |
काँग्रेस | 1 |
राष्ट्रवादी काँग्रेस | 1 |
सपा | 1 |
दरम्यान, 2019 च्या विधानसभा निवडणुकीत 14 जागा शिवसेनेनं जिंकल्या होत्या, त्यातील आठ आमदार ठाकरेंच्या शिवसेनेसोबत आहेत. तर सहा आमदार शिंदेंच्या शिवसेनेसोबत आहेत. त्यामुळे मुंबईतील जिंकलेल्या जागा आणि ज्या ठिकाणी एकापेक्षा अधिक उमेदवार इच्छुक आहेत आणि जिथे नुकत्याच झालेल्या लोकसभा निवडणुकीत विधानसभा क्षेत्रात ठाकरेंचा उमेदवार असताना अधिक लीड प्राप्त आहे, अशा जागांचा ठाकरेंकडून निवडणूक लढवताना आग्रह केला जाऊ शकतो. तर मुंबईतील काही जागा जिथे ठाकरेंची ताकद आहे, तिथे शिवसेना ठाकरे गट महापालिका निवडणुकांचा विचार करून जागा लढवण्याचं नियोजन करत असल्याची माहिती मिळत आहे.
पाहा व्हिडीओ : Uddhav Thackeray Shivsena : ठाकरे गट मुंबईतील 36 पैकी 25 जागा लढण्याच्या तयारीत
महत्त्वाच्या इतर बातम्या :
मोठी बातमी: शिवडी, भायखळा ते विक्रोळी, कलिना ते कुलाबा, मुंबईतील 25 जागांवर ठाकरेंची तयारी
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)