Rahul Gandhi-Sanjay Raut : शिवसेना खासदार संजय राऊत राहुल गांधींच्या भेटीला, दोन्ही नेत्यांमध्ये सव्वा तास चर्चा
संजय राऊत आणि राहुल गांधी यांच्यामध्ये जवळपास सव्वा तास बैठक झाली. महाराष्ट्रात महाविकास आघाडीचे सरकार आल्यानंतर संजय राऊत आणि राहुल गांधी यांची पहिलीच वन-टू-वन बैठक होती.
नवी दिल्ली : शिवसेना खासदार संजय राऊत यांनी आज काँग्रेस नेते राहुल गांधी यांची भेट घेतली. महाविकास आघाडीमधील कुरबुरीची चर्चा सुरू असताना ही भेट महत्त्वाची मानली जात आहे. 12 तुगलक लेन या राहुल गांधींच्या निवासस्थानी संजय राऊत आणि राहुल गांधी यांच्यामध्ये जवळपास सव्वा तास बैठक झाली. महाराष्ट्रात महाविकास आघाडीचे सरकार आल्यानंतर संजय राऊत आणि राहुल गांधी यांची पहिलीच वन-टू-वन बैठक होती.
संजय राऊत यांनी ट्वीट करत म्हटलं की, राहुल गांधी यांच्याशी आज भेट झाली. राहुल गांधी यांच्याशी महाराष्ट्र तसेच राष्ट्रीय राजकारणावर सविस्तर चर्चा झाली. राज्य सरकारच्या कामाविषयी त्यांनी समाधान व्यक्त केले. शिवसेनेची जडणघडण तसेच कार्यपद्धतीबाबत त्यांनी जाणून घेतले.
श्री. राहूल गांधी यांच्याशी आज भेट झाली. गांधी यांच्याशी महाराष्ट्र तसेच राष्ट्रीय राजकारणावर सविस्तर चर्चा झाली. राज्य सरकारच्या कामा विषयी त्यांनी समाधान व्यक्त केले. शिवसेनेची जडणघडण तसेच कार्यपद्धती बाबत त्यांनी
— Sanjay Raut (@rautsanjay61) August 2, 2021
जाणून घेतले.
गेल्या काही दिवसात राज्यातील महाविकास आघाडी सरकारमधील पक्षांमध्ये मतभेद झाल्याचे दिसून आलं होतं. खासकरुन काँग्रेसचे प्रदेशाध्यक्ष नाना पटोले यांच्या वक्तव्यामुळे महाविकास आघाडीत फूट पडते की काय अशी स्थिती निर्माण झाली होती. याबाबत शिवसेना आणि राष्ट्रवादी काँग्रेसमधील नेत्यांनी याबाबत तीव्र नाराजी व्यक्त केली होती. राज्यातील या घडामोडींनंतर आजची राहुल गांधी आणि संजय राऊत यांच्यातील भेट महत्त्वाची मानली जात आहे.
संजय राऊत यांच्या नेतृत्वात आज शिवसेना खासदारांनी केंद्रीय अर्थमंत्र्यांची भेट घेतली. महाराष्ट्रातल्या महापुराच्या संकटात विमा कंपन्यांनी व्यापाऱ्यांचा छळ थांबवावा. राज्याच्या मदतीसाठी केंद्राने तातडीने निधी मंजूर करावा, अशी मागणी यावेळी करण्यात आली. शिवसेनेचे संसदीय पक्षनेते संजय राऊत, लोकसभेतले गटनेते विनायक राऊत, माजी केंद्रीय मंत्री अरविंद सावंत, यांच्यासह इतर खासदार यावेळी उपस्थित होते. राष्ट्रवादीच्या सुप्रिया सुळे, सुनील तटकरे, फौजिया खान देखील यावेळी उपस्थित होते.
महत्त्वाच्या बातम्या
