'हिशोब चुकता करायला मी कधीही तयार', शिवेंद्रराजेंचं शशिकांत शिंदेंना आव्हान

Shivendra Raje Bhosale vs Shashikant Shinde : सातारा जिल्हा बँक निवडणुकीत आमदार शशिकांत शिंदे यांचा एका मताने पराभव झाला होता.

Shashikant_Shinde_ShivendraRaje_

Shivendra Raje Bhosale vs Shashikant Shinde : सातारा जिल्हा बँक निवडणुकीत आमदार शशिकांत शिंदे यांचा एका मताने पराभव झाला होता. या पराभवाला शिवेंद्रराजे भोसले आणि  रामराजे नाईक निंबाळकर यांचं पॅनल असल्याचा आरोप करण्यात येत होता. माझ्या पराभवामागे फार मोठं कारस्थान होतं, ते येत्या काळात समोर येईल, माझा गाफीलपणा मला नडला, त्यामुळे माझा पराभव झाला, असं वक्तव्य शशिकांत शिंदे यांनी केलं होतं. त्याशिवाय हिशोब वेळीच चुकता करु असेही म्हटलं होतं. हिशोब चुकता करायला मी कधीही तयार, आहे असं म्हणत शशिकांत शिंदे यांच्या वक्तव्याला शिवेंद्रराजे यांनी प्रत्युत्तर दिलं आहे.

 ज्ञानदेव रांजणे यांच्या विजयी कार्यक्रमावेळी आमदार शिवेंद्रराजे भोसले यांनी शशिकांत शिंदे यांच्यावर सडकून टीका केली. शशिकांत शिंदे यांच्या अपयशात माझा संबंध नसल्याचे सांगत शशिकांत शिंदे यांना माझा हिशोब चुकता करायचा असेल तर मी कधीही तयार असल्याचे शिवेंद्रराजे यांनी यावेळी सांगितले. शिवेंद्रराजे भोसले म्हणाले की, ‘तुमच्या बगलबच्च्यांच्या उद्योगांमुळेच तुमचा पराभव झालाय. त्यांना तुम्ही आवरलं असतं तर तुमचा पराभव झाला नसता. आम्हाला हिशोब चुकता करायच्या धमक्या देऊ नका. हिशोब चुकता करायची वेळ आली तर आम्ही पण साता-यातच जन्मलोय. तुमच्या मुंबईच्या गुंडांना आमचा हिशोब परवडायचा नाही.’  सातारा जिल्हा बँक निवडणुकीत मला पाडण्यात शिवेंद्रराजे भोसले यांचा हात आहे. यामध्ये त्यांना राष्ट्रवादीच्याच काही लोकांनी मदत केली, असा दावा शशिकांत शिंदे यांनी पराभवानंतर केला होता. शशिकांत शिंदे यांच्या आरोपांवर शिवेंद्रराजे भोसले यांनी प्रत्युत्तर दिलं आहे.

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha

संबधित बातम्या :