Pune Crime news : पुण्यात सेक्स रॅकेटचा आलेख वाढताच; निगडीतील लॉजवरील सेक्स रॅकेटचा पर्दाफाश

पिंपरी चिंचवड पोलिसांच्या गुन्हे शाखेच्या अधिकाऱ्यांनी निगडीतील थरमॅक्स चौकातील एका लॉजमधून चालणाऱ्या सेक्स रॅकेटचा पर्दाफाश केला आहे. दोन महिला आणि एका एजंटसह तीन आरोपींना अटक करण्यात आली आहे.

pune crime news

पुणे : पुण्यात आणि पिंपरी-चिंचवडमध्ये सध्या सेक्स रॅकेट मोठ्या प्रमाणत सुरु असल्याचं मागील काही दिवसांपासून समोर आलं आहे, त्यातच प्रत्येक आठवड्याला एका सेक्स रॉकेटचा पर्दाफाश केला जात आहे. नुकताच पिंपरी चिंचवड पोलिसांच्या गुन्हे शाखेच्या अधिकाऱ्यांनी निगडीतील थरमॅक्स चौकातील एका लॉजमधून चालणाऱ्या सेक्स रॅकेटचा पर्दाफाश केला आहे. दोन महिला आणि एका एजंटसह तीन आरोपींना अटक करण्यात आली आहे. आरोपीकडून वेश्या व्यवसाय करण्यास भाग पाडणाऱ्या महिलेची पोलिसांनी सुटका केली आहे.

पोलिसात नोंदवलेल्या तक्रारीनुसार, निगडीतील अंगण लॉजमधून कथित सेक्स रॅकेट चालवल्याची माहिती गुन्हे शाखेच्या अधिकाऱ्यांना मिळाली होती. त्यानुसार पोलीस पथकाने सापळा रचून अवधूत चंद्रसेन लवटे (27 वर्ष ) आणि गुन्ह्यात सहभागी असलेल्या दोन महिलांना ताब्यात घेतले. अनैतिक वाहतूक (प्रतिबंध) कायद्याच्या कलम 4 आणि 5 सह भारतीय दंड संहिता (IPC) च्या कलम 340 (2) आणि 34 अंतर्गत गुन्हा. याप्रकरणी पुढील तपास सुरू आहे.

मसाज सेंटरच्या नावाखाली वेश्याव्यवसाय...

काही दिवसांपूर्वी मसाज सेंटरच्या नावाखाली सुरू असलेला वेश्या व्यवसाय उघडकीस आणून गुन्हे शाखेच्या सामाजिक सुरक्षा विभागाने चार पीडित तरुणींची सुटका केली होती. पुण्यातील वानवडी येथील साळुंखे विहारमध्ये उच्चभ्रू परिसरातील गिरमे हाईट्समध्ये 'गोल्डन टच स्पा' नावाचा मसाज सेंटर चालवण्यात येत होता. या स्पा सेंटरवर केलेल्या कारवाईत एका महिलेसह दोघांना अटक करण्यात आली होती. या कारवाईमुळे जिल्ह्यात मोठी खळबळ उडाली होती. व्यवस्थापक झारणा उर्फ पिंकी गौतम मंडल (27, रा. कोंढवा) आणि सुमित अनिल होनखंडे (21) अशी अटक करण्यात आलेल्यांची नावे होती. तर, स्पा मालक रचना संतोष साळुंखे, लोचन अनंता गिरमे आणि सार्थक लोचन गिरमे यांच्यावर वानवडी पोलीस ठाण्यात गुन्हा दाखल करण्यात आला होता.  

पुण्यातील अवैध ठिकाणांवर पोलिसांची करडी नजर...

सध्या पुणे शहरात गुन्हेगारीचं प्रमाण वाढलं आहे. त्यामुळे पुण्यात सध्या पोलिसांनी वेगवेगळ्या उपाययोजना राबवायला सुरुवात केली आहे. त्यात रात्रीच्या वेळी गस्त घालण्यापासून तर खबऱ्यांकडून माहिती मिळाल्यावर सापळा रचून छापा टाकण्यापर्यंत पोलीस उपाययोजना करण्यात येत आहे आणि अनेक अवैध व्यवसायावर कारवाई देखील करण्यात येत आहे. मात्र, अवैध व्यावसाय काही बंद होण्याचं नाव घेत नसल्याचं शहरात घडत असलेल्या घटनांवरुन दिसत आहे. 

इतर महत्वाची बातमी-