![ABP Premium](https://cdn.abplive.com/imagebank/Premium-ad-Icon.png)
Pooja Chavan Death Case | शांताबाई राठोड यांच्यावर गुन्हा दाखल करा; पूजाच्या आई-वडिलांची मागणी
Pooja Chavan Death Case : पूजा चव्हाण मृत्यू प्रकरणी पूजाच्या आई-वडिलांनी संजय राठोड यांच्याकडून पैसे घेतल्याचा दावा पूजाची चुलत आजी शांताबाई राठोड यांनी केला होता. अशातच आता शांताबाई राठोड यांच्यावर गुन्हा दाखल करा, अशी मागणी पूजाच्या आई-वडिलांनी केली आहे.
![Pooja Chavan Death Case | शांताबाई राठोड यांच्यावर गुन्हा दाखल करा; पूजाच्या आई-वडिलांची मागणी Pooja Chavan Death Case File a case against Shantabai Rathod Demand of Pooja Chavan parents Pooja Chavan Death Case | शांताबाई राठोड यांच्यावर गुन्हा दाखल करा; पूजाच्या आई-वडिलांची मागणी](https://static.abplive.com/wp-content/uploads/sites/4/2021/02/15005842/Pooja-Chavhan-Case-pooja-father.jpg?impolicy=abp_cdn&imwidth=1200&height=675)
बीड : पूजा चव्हाण मृत्यू प्रकरणी पूजाच्या आई-वडिलांनी पाच कोटी रुपये घेतल्याचा आरोप पूजाची चुलत आजी शांताबाई राठोड यांनी केला होता. हा आरोप बदनामीकारक आणि बेछुट आहे. हा आरोप करणारी महिला शांताबाई राठोड यांच्यावर गुन्हा दाखल करण्यासाठी पूजाच्या वडिलांनी आता परळी पोलिसांकडे धाव घेतली आहे. आज त्यांनी परळी शहर पोलीस ठाण्यात तक्रार दाखल केली आहे. आमच्यावर आरोप करणारी महिला शांताबाई राठोड यांच्यावर गुन्हा दाखल करण्याची मागणी मयत पूजाचे वडील लहु चव्हाण यांनी केली आहे.
पूजाच्या आईवडिलांना संजय राठोड यांनी पाच कोटी रुपये पोहोचवले, आजी शांताबाई राठोड यांचा गौप्यस्फोट
पूजा चव्हाण मृत्यू प्रकरणावरुन राज्यात वादंग उठलं आहे. या घटनेला आज 19 दिवस उलटून गेले आहेत. काल शिवसेनेचे मंत्री संजय राठोड यांनी या प्रकरणात राजीनामा मुख्यमंत्र्यांकडे दिला. या प्रकरणात आता आरोप-प्रत्यारोपांच्या फैरी झाडल्या जात आहेत. काल या प्रकरणात गुन्हा दाखल करण्यासाठी आलेल्या पूजा चव्हाणच्या चुलत आजी शांताबाई राठोड यांचा गुन्हा काल पुण्यातील वानवडी पोलिसांनी दाखल करुन घेतला नाही. तक्रार दाखल करुन घेतलं असल्याचं पोलिसांनी सांगितलं. दरम्यान आता शांताबाई राठोड यांनी एक नवा गौप्यस्फोट केला आहे. पूजाच्या आई-वडिलांना संजय राठोड यांनी पाच कोटी रुपये पोहोचवले ,त्यामुळेच त्यांना पूजाच्या हत्याऱ्याविषयी बोलायचे नाही आणि पैशामुळे माझे चुलत आजी नातेही त्यांना दिसत नाही. मुख्यमंत्र्यांनी पूजाच्या आई वडिलांनी दिलेल्या खोट्या माहितीला बळी पडू नये आणि पूजाला न्याय द्यावा, अशी मागणी शांताबाई यांनी केली आहे.
शांताबाई म्हणाल्या की, ज्या आई-वडिलांना पैशांसमोर स्वतःच्या मुलीची किंमत वाटत नाही, तर मी चुलत आजी कुठली कोण? पूजाच्या आईवडिलांनी समाजाची दिशाभूल तर केलीच आता मुख्यमंत्र्यांची ही दिशाभूल करत आहेत. संजय राठोड यांनी पूजाच्या आई-वडिलांना पाच कोटी रुपये देऊन त्यांचा आवाज बंद केला आहे. त्यामुळे पूजाचे आई-वडील कधीही समोर येऊन संजय राठोड यांच्या विरोधात आवाज उठवणार नाही. आमची मुलगी आजारी होती आणि त्यानेच ती मेली असेच ते म्हणतील, असा गौप्यस्फोट शांताबाई राठोड यांनी केला आहे.
पूजाची आजी आमच्या दूरच्या नातेवाईक, मात्र आमच्यात कसलेच नातेसंबंध नाहीत : पूजाचे वडिल
"आता कोण काय बोलतंय हे माहित नाही, आम्ही आमच्या दुःखात आहोत." मुख्यमंत्र्यांनी सांगूनही बदनामी थांबली नाही, अशी खंतही पूजाच्या वडिलांनी बोलताना व्यक्त केली. तसेच संजय राठोड यांच्याकडून कोट्यवधी रुपये घेतल्याचा आरोप करणाऱ्या आजींबाबत बोलताना, त्या आमच्या दूरच्या नातेवाईक आहेत, मात्र आमच्यात कसलेच नातेसंबंध नाहीत, असं पूजाच्या वडिलांनी सांगितलं आहे.
महत्त्वाच्या इतर बातम्या :
- पूजा चव्हाण मृत्यू प्रकरणी पहिला गुन्हा दाखल होणार, चुलत आजी पोलिसात, म्हणाल्या, पूजाचा खून झालाय!
- संजय राऊतांचं संजय राठोडांच्या राजीनाम्यासंदर्भात सूचक ट्वीट? शिवरायांचा फोटो शेअर करत राजधर्माची आठवण
- उद्धव ठाकरे मुख्यमंत्री नसते तर राठोडांना फाडून काढलं असतं, खुर्ची एवढी वाईट आहे का? चित्रा वाघ यांचा सवाल
- Pooja Chavan Death Case | पूजा चव्हाण मृत्यू प्रकरणात पुणे लष्कर कोर्टात खटला दाखल
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)