पेट्रोलमध्ये महाराष्ट्र सर्वात वेगाने शतक करण्याची चिन्हं, दरवाढ सुरुच

मुंबईत पेट्रोलचे आजचे दर 91.08 प्रति लिटर, तर डिझेलचे दर 79.73 इतके झाले आहेत. राज्यातल्या इतर जिल्ह्यांमध्ये पेट्रोलचे दर 91 रुपयांच्या पुढे गेले आहेत.

मुंबई : पेट्रोलच्या दरात आज 24 पैशांची तर डिझेलच्या दरात 33 पैशांनी वाढ झाली आहे. त्यामुळे मुंबईत पेट्रोलचे आजचे दर 91.08 प्रति लिटर, तर डिझेलचे दर 79.73 इतके झाले आहेत. राज्यातल्या इतर जिल्ह्यांमध्ये पेट्रोलचे दर 91 रुपयांच्या पुढे गेले आहेत. राज्यातलं सर्वात महाग पेट्रोल नांदेड जिल्ह्यातील धर्माबादमध्ये आहे. इथे पेट्रोल 93.82 रुपये प्रति लिटर आहे. मराठवाड्यातील जवळपास सर्वच जिल्ह्यांमध्ये पेट्रोल 92 रुपयांच्या पुढे गेलं आहे. तर डिझेलच्या 80 रुपयांच्या वर गेल्याने वाहनचालकांचा खर्च मोठ्या प्रमाणात वाढला आहे. देशातलं सर्वात महाग पेट्रोल महाराष्ट्रात पेट्रोल आणि डिझेलचे दर कमी करणं आमच्या हातात नाही असं सरकार सांगत असलं तरी सरकारने इंधनावर जो कर आकारला आहे, तो कमी करणं सरकारच्या हातात आहे. या कराच्या दृष्टीने पाहिलं तर राज्यात सर्वाधिक कर आहे. देशातलं सर्वात महाग पेट्रोल महाराष्ट्रात मिळतं. राज्यात पेट्रोल आणि डिझेलवर 39 टक्के (+कर) वॅट वसूल केला जातो. यामध्ये विविध प्रकारच्या करांचा समावेश आहे. दुष्काळी कर तीन रुपये, महामार्गावरील दारूबंदीनंतर घटलेले उत्पादन तीन रुपये, शिक्षण कर एक रुपया, स्वच्छ भारत अभियानचा एक रुपया, कृषी कल्याण अभियान एक रुपया असा एकूण नऊ रुपये कर आकारला जातोय. सुप्रीम कोर्टाने महामार्गांलगतच्या दारु विक्रीवर बंदी आणली होती. त्यानंतर राज्य सरकारने महसुलात घट झाल्याचं कारण देत पेट्रोल आणि डिझेलवर तब्बल तीन रुपये कर आकारणी सुरु केली. काही काळाने दारु विक्रीही सुरु झाली, पण कर कायम आहे. तर 2014-15 सालच्या दुष्काळात आकारलेला तीन रुपये करही अजून कमी केलेला नाही. कोणत्या जिल्ह्यात काय दर? मुंबई महानगर क्षेत्र जिल्हा                  पेट्रोल दर         डिझेल दर (प्रति लिटर) पालघर                        91.22                      78.61 मुंबई उपनगर               91.15                      79.79 मुंबई शहर                   91.08                      79.72 ठाणे                             91.16                     79.80 पश्चिम महाराष्ट्र अहमदनगर                  90.94                         78.38 कोल्हापूर                      91.23                         78.67 पुणे                               90.85                        78.28 सांगली                         90.96                        78.41 सातारा                         91.55                         78.95 सोलापूर                       92.13                          80.34 मराठवाडा औरंगाबाद                 92.13                             80.78 बीड                          91.81                               79.22 हिंगोली                     91.84                                79.26 जालना                     91.98                                 79.37 लातूर                        91.77                               79.18 नांदेड                        92.69                               80.07 उस्मानाबाद               91.51                               78.93 परभणी                     92.81                              80.17 विदर्भ अकोला                   91.07                                78.52 अमरावती               92.33                                81.00 भंडारा                    91.43                                  78.86 बुलडाणा                91.49                                  78.93 चंद्रपूर                     91.04                                78.50 गडचिरोली              91.79                                79.22 गोंदिया                   92.12                                 79.53 नागपूर                    91.56                                  80.24 वर्धा                        91.26                                  78.70 वाशिम                    91.55                                   78.98 यवतमाळ                92.07                                  79.50 कोकण सिंधुदुर्ग                   91.96                                  79.37 रायगड                    91.09                                 78.48 रत्नागिरी                  92.08                                   79.48 उत्तर महाराष्ट्र धुळे                         90.98                                 78.42 जळगाव                  92.02                                  79.41 नंदुरबार                  91.85                                  79.26 नाशिक                   91.43                                  78.74