“लय सुसाट, ताणूताणू मागं लागलीय ईडी”, नेत्यांमागे चौकशीचा ससेमिरा, राष्ट्रवादीचं नवं गाणं

NCP New Songs : सध्या महाराष्ट्राचं राजकारण ईडीची चौकशी आणि आरोप्रत्यारोपांच्या फैरी या भोवती फिरतंय. अश्यातच राष्ट्रवादी काँग्रेसकडून गमतीशीर गाणं तयार करण्यात आलं आहे.

Ncp

NCP New Songs : सध्या महाराष्ट्राचं राजकारण ईडीची चौकशी आणि आरोप्रत्यारोपांच्या फैरी या भोवती फिरतंय. अश्यातच राष्ट्रवादी काँग्रेसकडून गमतीशीर गाणं तयार करण्यात आलं आहे. लय सुसाट, ताणूताणू मागं लागलीय ईडी, नेत्यांमागे चौकशीचा ससेमिरा, हे गाणं राष्ट्रवादीकडून आले आहे. 

 सध्या महाराष्ट्राचं राजकारण ईडीची (ED) चौकशी आणि आरोप्रत्यारोपांच्या फैरी या भोवती फिरतंय. नेत्यांची होणारी ईडी चौकशी, संबंधित पक्षांच्या कार्यकर्त्यांची निदर्शनं जनतेचं लक्ष वेधत आहेत. या ईडी चौकशीत राज्यमंत्रिमंडळातील मंत्र्यांचा देखील समावेश आहे. अश्यात केंद्र विरूद्ध राज्य असा संघर्ष पहायला मिळतोय. विरोधी पक्षाचे नेतेही चौकशीच्या फैरी अडकलेल्या नेत्यांच्या विरोधात आरोपपत्र सादर करत आहेत. पण अश्या या सगळ्या गंभीर वातावरणात राष्ट्रवादी काँग्रेसकडून गमतीशीर गाणं तयार करण्यात आलं आहे. हे गाणं सध्या अनेकांचं लक्ष वेधून घेतंय. या गाण्याचे बोल आहेत, “लय सुसाट, तुफान, ताणूताणू मागं लागलीय ईडी…” 

ऐका गाणं...

ईडी चौकशीवर आधारित गाणं
“पडलाय दणका, मोडलाय मणका, पडलीय चांगलीच पळी… कशी ही यायची पडी… लय सुसाट, तुफान, ताणूताणू मागं लागलीय ईडी…” हे गाणं सध्या सोशल मीडियावर चर्चेचा विषय ठरली आहे. या गाण्याची संकल्पना राष्ट्रवादी चित्रपट आणि सांस्कृतिक विभागाचे प्रदेशाध्यक्ष बाबासाहेब पाटील यांची आहे. तर प्रदिप कांबळे यांनी हे गाणं लिहिलं आहे. तसंच त्यांनीच या गाण्याला संगीतबद्ध केलंय आणि गायलं सुद्धा आहे.

 महाविकास आघाडीच्या नेत्यांच्या घरावर ईडीचे छापे
मागच्या काही दिवसांपासून महाराष्ट्रातील महाविकास आघाडीच्या नेत्यांच्या घरावर ईडीकडून छापे टाकण्यात येत आहेत. याबाबत बोलण्यासाठी शिवसेनेचे खासदार संजय राऊतांनी एक पत्रकार परिषद घेतली. या पत्रकार परिषदेची जोरदार चर्चा झाली. सध्या राष्ट्रवादीचे नेते आणि अल्पसंख्याक मंत्री नबाब मलिक यांच्यावरही ईडीकडून कारवाई केली,आज देखील शिवसेनेचे नेते खासदार संजय राऊत यांना ED कडून आटक करण्यात आली. मलिक सध्या कोठडीत आहेत. याशिवाय भावना गवळी, प्रताप सरनाईक, छगन भुजबळ, हसन मुश्रीफ, अजित पवार, प्राजक्त तनपुरे या नेत्यांचीही ईडीने चौकशी केली आहे. या पार्श्वभूमीवरच राष्ट्रवादीने हे एक भन्नाट गाणं राज्यातील जनतेच्या भेटीला आणलंय.