'मी सिन्सियर मिनिस्टर! मंत्री बोलत असताना डिसिप्लिन पाळावा'; मंचावरील IPS अधिकाऱ्याला दीपक केसरकरांनी सुनावलं
भाषणात व्यत्यय ! जब मिनिस्टर बोल रहा है, तो आप जैसे आयपीएस अधिकारी को डिसिप्लिन चाहिये, मंत्री केसरकरांनी व्यासपीठावरच अधिकाऱ्याला झापले
Deepak Kesarkar : राज्याचे शालेय शिक्षण व मराठी भाषा मंत्री दीपक केसरकर यांनी मंचावर बसलेल्या अधिकाऱ्यांना झापले. जब मिनिस्टर बोल रहा है, तो आप जैसे आयपीएस अधिकारी को डिसिप्लिन चाहिये, असं केसरकरांनी मंचावर असणाऱ्या अधिकाऱ्यांना झापलं आहे. दीपक केसरकर आज ठाणे दौऱ्यावर होते. दुपारच्या सुमारास भिवंडीतील काल्हेर गावातील जिल्हा परिषद शाळेत माझी-ई-शाळा डिजिटल साक्षर मिशन या कार्यक्रमास उपस्थिती होते. यावेळी मंचावरील अधिकारी मोठमोठ्यानं बोलत होते. हे लक्षात आल्यानंतर केसरकारांनील झापलं.
शालेय शिक्षण मंत्री केसरकरांचे भाषण सुरु असतानाच व्यासपीठावर आयपीएस अधिकारी हे इतर अधिकाऱ्यांसोबत एकमेकांशी जोरजोरात चर्चा करत होते. त्यामुळे मंत्री केसरकर यांना भाषण करताना व्यत्यय येत असल्याचे पाहून त्यांनी या अधिकाऱ्यांना भाषण थांबवून झापलं. जब मिनिस्टर बोल रहा है, तो आप जैसे आयपीएस अधिकारीने डिसीप्लेन समजना चाहिये, हमे पता है, कि तुम्हे लँगवेज का प्रॉब्लम है. मैं आखरी बार वार्निंग दे रहा हू, असे बोलून किमान मंत्र्यांचे भाषण सुरु असताना तरी बडबड करू नका ? असे सांगत सर्वासमोरच व्यासपीठावर हेड सीएचआर आणि ससस्टेन निबिलिटी एलटीआर असलेले आयपीएस अधिकारी प्रत्युष पांडा यांना झापले.
यावेळी बोलताना केसरकर म्हणाले की, शासकीय शाळेतील पटसंख्या कमी असल्यावर शाळा बंद होणार अशा बऱ्याच अफवा उडवली जातेय. कुठलीही शाळा बंद होणार नाही एखाद्या गोष्टीवर चर्चा सुरू झाली की तो निर्णय झाला असे गृहीत धरणे फार चुकीचे आहे. यावर उपाय योजना केली गेली पाहिजे. लोकांशी बोलून पटसंख्या कशी वाढवता येईल यावर चर्चा झाली पाहिजे. मुलांचे शिक्षण बळकट कसे करता येईल. यावर विचार झाला पाहिजे आणि एखादा निर्णय घेण्यापूर्वी सर्वांशी बोलूनच तो निर्णय घेतला जाईल, असे मंत्री दीपक केसरकर यांनी प्रसार माध्यमांशी बोलताना सांगितले.
भिवंडीत प्रथमच जिल्हा परिषद माझी ई शाळा डिजिटल साक्षर मिशनचे उद्घाटन काल्हेर येथील जिल्हा परिषद शाळेत संपन्न झाले. परंतु या ठिकाणी पोहोचण्याकरता मंत्री दीपक केसरकर यांना वाहतूक कोंडीचा प्रचंड सामना करावा लागला. त्यामुळे आपल्या भाषणात शेवटी त्यांनी म्हटल, की हा मुख्यमंत्री एकनाथ शिंदे यांचा ठाणे जिल्हा ज्या ठिकाणी हा उपक्रम प्रथम राबवला जात आहे. मात्र वाहतूक कोंडीचा बाबतीत आमदार शांताराम मोरे त्यांनी विशेष सुधारणा करण्याची गरज आहे. तसेच ही बाब मी मुख्यमंत्री यांच्या कानावर देखील टाकणार असल्याचे त्यांनी यावेळी सांगितले.
महत्त्वाच्या बातम्या
ट्रेंडिंग न्यूज
