पावसामुळे मंदिराच्या शेडवर झाड कोसळले, 6 जणांचा मृत्यू, 12 जणांना वाचवले, आणखी भाविक अडकल्याची भीती
rain update : आज अकोल्यातही अवकाळी पावासाने हजेरी लावली. या वादळी पावासामुळे अकोल्यातील पारस गावातील एका मंदिराच्या शेडवर झाड कोसळले.
Akola rain update : राज्यात सध्या अवकाळी पावासाचा कहर सुरु आहे. अवकाळी पावसामुळे शेतकऱ्यांचे मोठे नुकसान झाले आहे. आज अकोल्यातही अवकाळी पावासाने हजेरी लावली. या वादळी पावासामुळे अकोल्यातील पारस गावातील एका मंदिराच्या शेडवर झाड कोसळले. या शेडमधील सहा जणांचा मृत्यू झाला आहे. त्यांचे मृतदेह बाहेर काढण्यात आले आहेत. 12 जणांना वाचवण्यात यश आले आहे. या शेडखाली आणखी काही भाविक अडकल्याची भीती व्यक्त करण्यात येत आहे. पावसामुळे मदतीला अडचण निर्माण होत आहे. सततच्या पावसामुळे झाड बाजूला करताना अडचणी येत आहेत.
वादळी वाऱ्यासह जोरदार पाऊस तर काही ठिकाणी गारांचा पाऊस पडत आहे. अकोला जिल्ह्यातील पारस गावात वादळानं लिंबाचं मोठं झाड बाबूजी महाराज मंदिराच्या शेडवर कोसळले. आतापर्यंत 6 जणांचा मृत्यू झाला आहे. तर 12 जणांना वाचवण्यात यश आले आहे. या शेडखाली काही भाविक दबल्याची भीती व्यक्त करण्यात येत आहे. शेडवर पडलेलं झाड हटविण्यात पावसामुळे अडचणी येत आहेत. घटनास्थळावर हवा आणि पावसाने मदत कार्यात अडचण होत आहे. स्थानिकांच्या मदतीने हे झाड हटवण्याचे काम सुरु आहे. या दुर्देवी घटनेत अद्याप कोणताही जिवतहानी झाल्याचे वृत्त नाही.
हिंगोलीत अवकाळीचा कहर -
हिंगोलीतही वादळी पाऊश हिंगोली जिल्ह्यांमध्ये सलग दुसऱ्या दिवशी सुद्धा अवकाळी पावसाने हजेरी लावली आहे. हिंगोली जिल्ह्यातील कान्हेरागावनाका वाढोना कलबुर्गा चींचपुरी मोप फळेगाव भागात मोठ्या प्रमाणात गारपीट झाली आहे. तर जोरदार पावसामुळे आणि गारांच्या पावसामुळे शेतीचे मोठ्या प्रमाणात नुकसान झाले आहे. हळद भाजीपाला पिके त्याचबरोबर फळबागांचे या अवकाळी पावसामुळे मोठ्या प्रमाणात नुकसान झाले आहे. काहीच दिवसापूर्वी झालेल्या अवकाळी पावसाने शेतकऱ्यांच्या शेतातील गहू ज्वारी हरभरा पिकांचे नुकसान झाले होते. तर उर्वरित पिकांचे या पावसाने नुकसान झाल्यामुळे शेतकरी हवालदिल झाला आहे.
नाशिकलाही पावसाने झोडपले -
- नाशिक जिल्ह्यात अवकाळी पावसाने थैमान घातले. देवळा, नांदगाव, कळवण मध्ये गारपीट झाली आहे. नाशिक जिल्ह्यात सलग अवकाळी पाऊस व गारपिटीने थैमान घातले. नांदगावच्या शास्त्रीनगर , धनेर, पोखरी, बोलठाणसह परिसरात सायंकाळच्या सुमारास जोरदार गारपीट झाल्याने सर्वत्र गारांचा खच पडून उन्हाळ, कांदा बियाण्यांचे मोठे नुकसान झाले आहे. तर कळवणच्या मानूर , देवळा तालुक्यातील चिंचवे, वाजगाव परिसरातही गारा पडल्याने शेतकऱ्यांना मोठ्या प्रमाणावर नुकसानीचा सामना करावा लागत आहे.
परभणीत अवकाळीचा फटका -
परभणी शहरासह जिल्ह्यातील अनेक भागात आज सलग दुसऱ्या दिवशीही अवकाळी पाऊस बरसलाय.दुपारच्या सुमारास वादळी वारे,ढगांचा प्रचंड गडगडाट आणि जोरदार पाऊस सर्वत्र बरसला यामुळे ऐन उन्हाळ्यात पावसाळ्याची अनुभूती परभणीकरांना आलीय. सलग दुसऱ्या दिवशी पाऊस झाला या दोन दिवसाच्या पावसाने अनेक ठिकाणी काढणी राहिलेल्या गव्हासह फळ पिकांचे नुकसान झाले आहे.
महत्त्वाच्या बातम्या
ट्रेंडिंग न्यूज
