![ABP Premium](https://cdn.abplive.com/imagebank/Premium-ad-Icon.png)
Maharashtra Omicron Cases : राज्यात आज ओमायक्रॉनच्या 110 रुग्णांची नोंद, सर्व रुग्ण पुणे जिल्ह्यातील
Maharashtra Omicron Cases : राज्यात आज आढळलेले सर्व रुग्ण हे पुणे महापालिका क्षेत्रात सापडले आहेत.
![Maharashtra Omicron Cases : राज्यात आज ओमायक्रॉनच्या 110 रुग्णांची नोंद, सर्व रुग्ण पुणे जिल्ह्यातील Maharashtra Omicron Cases 110 patient found in maharashtra Maharashtra Omicron Cases : राज्यात आज ओमायक्रॉनच्या 110 रुग्णांची नोंद, सर्व रुग्ण पुणे जिल्ह्यातील](https://feeds.abplive.com/onecms/images/uploaded-images/2022/01/24/e372f374c0aac641a778f34c473f83cc_original.jpg?impolicy=abp_cdn&imwidth=1200&height=675)
मुंबई : राज्यातील कोरोनाची रुग्णसंख्या कमी होत असली तरी ओमायक्रॉन व्हेरियंटच्या रुग्णसंख्येत मात्र काहीशी चढ-उतार होत असल्याचं पहायला मिळतंय. राज्यात आज ओमायक्रॉनच्या 110 रुग्णांची नोंद झाली आहे. सर्व रुग्ण हे पुणे महापालिका क्षेत्रात सापडले आहेत. राज्यात आतापर्यंत एकूण 3040 रुग्णांची नोंद झाली असून त्यापैकी 1603 रुग्ण हे बरे झाले आहेत.
राज्यात आतापर्यंत 6605 लोकांची ओमायक्रॉन चाचणी करण्यात आली असून त्यापैकी 6418 अहवाल प्राप्त झाले आहेत. 187 नमुन्यांचे अहवाल अद्याप प्रलंबित आहेत.
राज्यातील स्थिती
गेल्या 24 तासात राज्यात कोरोनाच्या 24 हजार 948 नव्या रुग्णांची भर पडली असून 103 जणांचा मृत्यू झाला आहे. राज्यात गेल्या 24 तासात 45 हजार 648 रुग्ण कोरोनामुक्त होऊन घरी परतले आहेत. राज्यात आज 103 रुग्णांच्या मृत्यूची नोंद झाली आहे. राज्याचा मृत्यूदर 1.86 टक्के झाला आहे. राज्यात आतापर्यंत 72 लाख 42 हजार 649 रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 94.61 टक्के आहे. सध्या राज्यात 14 लाख 61 हजार 370 व्यक्ती होम क्वॉरंटाईनमध्ये आहेत तर 3200 व्यक्ती संस्थात्मक क्वारंटाईनमध्ये आहेत. राज्यात आजपर्यंत 7 कोटी 41 लाख 63 हजार 858 प्रयोगशाळा तपासण्या करण्यात आल्या आहे.
इतर महत्त्वाच्या बातम्या :
- भारत बायोटेकच्या Intranasal Booster Dose च्या चाचणीला DCGIची मंजुरी
- NeoCov coronavirus: कोरोनाचा नवा व्हेरियंट Neo Cov ने वाढवली चिंता, नेमका काय आहे हा प्रकार? कितपत धोका?
- महाराष्ट्रात मास्कमुक्ती शक्य आहे की नाही?, टास्क फोर्सने एका वाक्यात सांगितलं!
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)