Maharashtra News LIVE Updates : सोलापुरात भाजपची डोकेदुखी वाढणार, पाणी प्रश्नावर मंगळवेढा तालुक्यातील 24 गावे टाकणार बहिष्कार
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये..
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये..
Washim News : टोल कर्मचाऱ्यांचे आंदोलन, दोन महिन्यापासून वेतन थांबल्याने कर्मचारी आक्रमक
वाशिम : नागपूर-मुंबई समृद्धी महामार्गावर वाशिमच्या कारंजा लाड येथे गेल्या दोन महिन्यापासून वेतन थांबल्याने येथील टोल वसुली करणाऱ्या कर्मचाऱ्यांनी आंदोलन सुरू केल आहे. गेल्या दोन तासापासून एकाही वाहनाकडून टोल वसुली न करता वाहन सोडून हे आंदोलन सुरू करण्यात आलं आहे. यापूर्वीही अनेक वेळा समृद्धी महामार्गावर टोल वसुली करतात ठेवण्यात आलेल्या कर्मचाऱ्यांना पगार न दिल्यामुळे यापूर्वी आंदोलन करण्यात आले होते. मात्र, इतका मोठा महामार्ग आणि सर्वाधिक टोल असलेला महामार्ग असं सर्व असतानाही वेतन देण्यासाठी अनाकानी का केला जात आहे असा प्रश्न आता यावेळी उपस्थित होत आहे. पगार नियमित देण्यात यावा ही मागणी घेऊन हे आंदोलन सुरू करत असल्याचं सांगण्यात आलं आहे.
Sindhudurg Accident : मुंबई-गोवा राष्ट्रीय महामार्गावर कुडाळ आणि कणकवलीत कार अपघातात 1 ठार, 4 जण गंभीर जखमी
Sindhudurg News : मुंबई गोवा राष्ट्रीय महामार्गावर सिंधुदुर्गात दोन अपघातात एक ठार तर चार गंभीर जखमी झाला आहेत. कुडाळ मागील राष्ट्रिय महामार्गावर ओव्हर ब्रिजवर कारचा भीषण अपघात झाला. या अपघातात कारमधील एकाचा मृत्यू झाला तर अन्य तिघे गंभीर जखमी आहेत. जखमींना गोवा येथे उपचारासाठी हलविण्यात आले. या अपघातात कारचा चेंदामेंदा झाला असून यावरून अपघाताची भीषणता दिसून येते. तर दुसरीकडे मुंबई गोवा महामार्गावर कणकवली मध्ये बोलेरो कार पलटी होऊन अपघात झाला. यामध्ये चालक अक्षय ज्ञानदेव केळकेंद्र गंभीर जखमी झाला आहे.
Ratnagiri Turtle : कासव संवर्धनात गुहागर तालुका राज्यात अव्वल
Ratnagiri News : कासव संवर्धन कार्यक्रम, कासव प्रेमींसाठी आणि रत्नागिरी जिल्हावासियांसाठी आनंदाची बातमी... यंदा कासव संवर्धनात रत्नागिरी जिल्ह्यातील गुहागर तालुका राज्यात अव्वल ठरला आहे. राज्याचा विचार करता गुहागर तालुक्यात तब्बल 23 हजार 198 अंड्याचे संवर्धन करण्यात आलं आहे. फेब्रुवारी महिन्याचा विचार केला, तर एकूण 1318 कासवांची पिल्ले समुद्रात सोडली आहेत. 2012 मध्ये 9 घरट्यांपासून सुरू झालेला प्रवास 2023 अखेर साधारण 300 घरट्यांपर्यंत पोहोचला आहे. मागील दहा वर्षात आतापर्यंत एकूण 53 हजार हून अधिक अंडी संवर्धित करून त्यातून जन्माला येणारे पिल्ले समुद्रात सोडण्यास वनविभाग आणि स्थानिक कासवप्रेमी यांना यश आलं आहे.
Anil Desai : चौकशीला पूर्णपणे सहकार्य करू : अनिल देसाई
Maharashtra News : चौकशीला पूर्णपणे सहकार्य करू, असं अनिल देसाई यांनी म्हटलं आहे. या चौकशीमुळे कुठल्याही प्रकारचा प्रेशर पक्षावर येणार नाही. हा पार्टी फंड आहे, त्याचा वापर पक्षाच्या कार्यासाठी केला जातो. त्यांना जर या संबंधी चौकशी करायची असेल तर सगळी माहिती आम्ही देऊ. तुम्ही म्हणत आहात आणि जनतेला कळत आहे. लोकसभा निवडणुका जवळ आलेले आहेत आणि अनुषंगाने ही कारवाई होती आहे. जी तक्रार दाखल केली आहे, पक्षाच्या निधी संदर्भात आहे आणि त्यावर आम्ही सगळी माहिती देऊ, असं देसाई यांनी सांगितलं आहे.
Bhandara-Gondia News : भंडारा - गोंदिया लोकसभेवर राष्ट्रवादी काँग्रेसचा दाव्यानं भाजपात संभ्रम
Bhandara-Gondia Lok Sabha News : राष्ट्रवादी काँग्रेसचे नेते खासादर प्रफुल्ल पटेल यांची राज्यसभेवर निवड झाल्यानंतर भंडारा-गोंदिया लोकसभा निवडणुकीत भाजपाचा मार्ग सुकर झाल्याचं बोललं जातं होतं. पण, भंडारा इथं राष्ट्रवादी काँग्रेस पार्टीच्या विस्तारीत सभेत राष्ट्रवादी काँग्रेस पार्टीनंचं लढावी, असा ठराव घेवून या क्षेत्रावर दावा केला आहे. भंडारा जिल्हा राष्ट्रवादी काँग्रेसच्या या भूमिकेमुळं भाजपकडून इच्छुक असलेले नेते मात्र संभ्रमात पडलेत. 7 मार्चला गोंदिया जिल्ह्यातील सडक अर्जुनी इथं अजित पवार यांची सभा होत आहे. या सभेच्या तयारीसाठी भंडाऱ्यात राष्ट्रवादी काँग्रेसच्या कार्यकर्ता आणि पदाधिकाऱ्यांची बैठक बोलाविली होती, त्यात हा ठराव घेण्यात आला आहे. भंडाऱ्यात घेण्यात आलेल्या कार्यकर्त्यांच्या भावनांचा हा ठराव आज मुंबईत राष्ट्रवादी काँग्रेसच्या प्रदेश कार्यकारिणीच्या बैठकीत सादर केला जाणार आहे. त्यामुळं आता भाजपसह अन्य पक्षांच्या नजरा राष्ट्रवादी काँग्रेसच्या निर्णयाकडे लागल्या आहेत.
महत्त्वाच्या बातम्या
ट्रेंडिंग न्यूज
