Maharashtra News LIVE Updates 25th March : देश-विदेशातील महत्त्वाच्या बातम्या फक्त एका क्लिकवर...
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
पार्श्वभूमी
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये... ...More
Dombivli News : धुळवडनिमित्त आज खासदार श्रीकांत शिंदे यांनी डोंबिवली शिवसेना शहर शाखेला भेट दिली. यावेळी शिवसेना पदाधिकारी आणि कार्यकर्त्यासोबत धुळवड साजरी केली. खासदार शिंदे यांनी पदाधिकारी कार्यकर्त्यांसह नागरिकांना धुळवडच्या शुभेच्छा दिल्या. यावेळी पत्रकारांशी बोलताना खासदार श्रीकांत शिंदे यांनी देशात चारशे पार तर महाराष्ट्रात 45 पार या दोन गोष्टी डोळ्यासमोर ठेवून निवडणुकीला सामोरे जात आहोत. येत्या निवडणुकीत कोणाला मत द्यायचं आहे, हे लोकांनी ठरवलं आहे. महायुतीचे खासदार पुन्हा निवडून येतील आणि पंतप्रधान नरेंद्र मोदी नेतृत्व करतील असा विश्वास खासदार श्रीकांत शिंदे यांनी व्यक्त केला. पुढे बोलताना कल्याणमधील झालेल्या विकास कामांमुळे लोकं समाधानी आहेत. कल्याण बदलतेय कात टाकतेय, मला 2014 मध्ये अडीच लाखांच्या मताधिक्य होतं, 2019 मध्ये साडेतीन लाखांचं मताधिक्य होतं, यंदा विक्रमी मताधिक्याने लोक निवडून देणार असल्याचे खासदार शिंदे यांनी सांगितले. पुढे बोलताना आज वेगवेगळ्या रंगात जरी रंगलेले असलो तरी आमच्या सगळ्यांचा रंग आम्हाला सगळ्यांना एकत्र ठेवण्याचा जो रंग आहे तो भगवा रंग आहे हिंदुत्वाचा रंग आहे बाळासाहेब ठाकरे यांचा रंग आहे आणि त्या भगव्या रंगाला आम्ही पुढे घेऊन जाण्याचे काम करतोय असे सांगितले.
Tuljapue News : केंद्रीय मंत्री नारायण राणे यांनी सपत्नीक तुळजाभवानी मातेचे दर्शन घेतले, देशात मोदीजी यांनी 400 पेक्षा जास्त जागा मिळविण्याचा संकल्प केला असुन त्याला आम्ही साथ देऊन प्रत्येक उमेदवार जिंकून येण्यासाठी प्रयत्न करणार असल्याचे नारायण राणे यांनी तुळजापूर येथे सांगितले.
नंदुरबार : लोकसभेसाठी काँग्रेसचे उमेदवार गोवाल पाडवी यांनी आदिवासींच्या पारंपारिक सण असलेल्या होळी सणानिमित्त नंदुरबार जिल्ह्यातील तीनशे वर्षांपासून साजरा होणाऱ्या होळी उत्सवात सहभाग घेतला असून त्यांनी आदिवासी बांधवांसोबत होळी साजरी केली गुगल पाडवी यांनी पारंपारिक वेशभूषा परिधान करत काठी संस्थांच्या होळी उत्सवात सहभाग नोंदवला यावेळी काँग्रेसचे ज्येष्ठ नेते आणि माजी मंत्री के सी पाडवी हे देखील उपस्थित होते.
Dadar Holi : दादरला वैभवशाली परंपरा आहे. सास्कृतिक वसा आहे. तो जपत ही होळी आपण साजरी करतोय. यंदाची धुळवड ही वेगळी आहे, हिंदुत्वाच्या भगव्या रंगाची ही होळी आहे. विकसित भारताची ही होळी आहे. पंतप्रधानांनी पाहिलेल्या सर्व स्वप्नाच्या पूर्ततेची ही होळी. शिवसेनाही भगव्या हिंदुत्वाची होळी आपण साजरी करतोय. काही जणांची त्यांची वैयक्तिक महत्त्वमक्षा असते. ती त्यानी व्यक्त केलीय. पण आता शिवसेना म्हणून नाही तर आपण महायुती म्हणून लढतोय ते पाळायला हवं. अब की बार शिवसेना के साथ 400 पार हा नारा आम्ही देतोय. त्यामुळे वैयक्तिक महत्त्वकांक्षा व्यक्त करण्यापेक्षा महायुक्ती म्हणून काम करावं. वरिष्ठ पातळीवर चर्चा होतेय दोन दिवसातच जागावाटप जाहीर होईल, असं राहुल शेवाळे यांनी म्हटलं आहे. ते दादरमधील होळी कार्यक्रमात उपस्थित होते.
Rang Barse Holi Celebration : दादरमध्ये पार्क क्लब जवळ सी बजकडून धुळवळीचं सेलिब्रेशन आयोजित करण्यात आलंय. त्या सेलिब्रेशनमध्ये सेलिब्रिटीसोबत मोठ्या संख्येने तरुणाई धुळवड सेलिब्रेशन साठी सहभागी झाली होती. एकीकडे रंगांची उधळण तर दुसरीकडे ढोल ताशा त्यासोबतच म्युझिक आणि रेन डान्स यामध्ये तरुणाईचा उत्साह आजच्या दिवशी दादर भागात पाहायला मिळाला.
धाराशिव : धाराशिव लोकसभेबाबत येत्या 2-3 दिवसात निर्णय स्पष्ट होईल
भाजप पक्षाने सुचना दिल्यास मी निश्चितपणे लोकसभा लढविणार
सनदी अधिकारी प्रवीणसिंह परदेशी यांचे मोठे वक्तव्य
परदेशी यांनी बंजारा समाजा सोबत होळी साजरी करताना केले वक्तव्य
पुणे : हर्षवर्धन पाटील, अजित पवार आणि देवेंद्र फडणवीस यांच्यात झालेल्या बैठकीनंतर देवेंद्र फडणवीस पुढच्या आठवड्यात इंदापुरातील शिष्टमंडळाची भेट घेणार आहेत. पुढच्या आठवड्यात देवेंद्र फडणवीस मुंबईत इंदापूरच्या शिष्टमंडळाची भेट घेणार असून त्याच्या पुढच्या आठवड्यात देवेंद्र फडणवीस इंदापूरचा दौरा करून कार्यकर्ता मेळावा घेणार आहेत.
Amravati News : धुलिवंदन निमित्ताने आमदार बच्चू कडू यांचा शेतकऱ्यांच्या मुद्द्यावर 'प्रहार'
निवडणूक आली मुद्यावर बोला उपक्रम
बच्चू कडू यांनी लिहिलं भिंतीवर ज्वलंत मुद्दे
बच्चू कडू यांच्या कुरळ पूर्णा येथील घराच्या भिंतीवर मांडण्यात आले शेतकरी, शेतमजूर, दिव्यांगाचे प्रश्न
1) स्वामीनाथन आयोग पूर्णता स्वीकारावा 50% नफा धरून भाव काढणे किंवा पेरणी ते कापणी पर्यंत सर्व मजुरीची कामे मनरेगा मधून घ्यावे
2) युवा धोरण - पेपर फुटीचा कायदा तातडीने मंजूर करावा
3) शेतमजूर व प्रकल्पग्रस्त साठी वित्तीय महामंडळ निर्माण करावा
4) दिव्यांग बांधवांना 3000 रुपये मानधन व 5% निधी केंद्र व राज्याचे बजेट मधून खर्च करावा
असा मजकूर भिंतींवर लिहण्यात आला आहे.
पुणे : पुण्यात भोई प्रतिष्ठानच्या वतीने अनोख्या होळी आणि रंग महोत्सवां आयोजन
पुण्यात भोई प्रतिष्ठानच्या वतीने रंग बरसे या होळी महोत्सवाचे आयोजन
पुण्यात 1000 विशेष लहान मुलांसोबत साजरी करण्यात येणार सार्वजनिक धुळवड
भोई प्रतिष्ठानच्या या होळीचा यंदाचं 28 वं वर्ष
शहरातील अनेक संस्थेमधील 1000 विशेष बालक रंग मोहोत्स कार्यक्रमात सहभागी
बीड : आज सगळीकडे धुळवड साजरी होत आहे. मात्र बीड जिल्ह्यातील केज तालुक्यातील विडा या गावी अनोखी धुळवड साजरी होत असते प्रथेप्रमाणे आजही एका जावयाला गाढवावर बसून गावभर त्याची मिरवणूक काढण्यात आली. थट्टा मस्करीमध्ये सुरू झालेली ही परंपरा मागच्या अनेक वर्षापासून पाळली जाते आणि म्हणून गावांमधून जावई धुळवड आली की, पळून जातात मात्र गावकरी एखादा जावई शोधून त्याला गाढवावर बसवतात. विड्या गावातील जावई संतोष जाधव यांनाही कालच गावकऱ्यांनी पकडून ठेवलं, मात्र अचानक ते पळून गेले पुन्हा त्यांना शोधून काढले आणि अखेर आज त्यांना गाढवावर बसून त्यांची मिरवणूक करण्यात आली. यावेळी डीजे वाजून अख्खे गाव या मिरवणुकीमध्ये सहभागी झाले होते, आभार वृद्ध रंग खेळत ही अनोखी परंपरा जपताना पाहायला मिळतात.
Lok Sabha Election 2024 : चंद्रपूर लोकसभा मतदारसंघासाठी काँग्रेसची उमेदवारी मिळवल्यानंतर प्रतिभा धानोरकर यांचं आज नागपुरात आगमन होत आहे. गेले अनेक दिवस उमेदवारीसाठी दिल्लीत तळ ठोकून पक्षांतर्गत स्पर्धकांशी संघर्ष करणाऱ्या प्रतिभा धानोरकर यांचा स्वागत करण्यासाठी चंद्रपुरातून त्यांचे काही निवडक कार्यकर्ते ही नागपूर विमानतळावर दाखल झाले आहेत. 2019 च्या लोकसभा निवडणुकीत चंद्रपूर लोकसभा मतदारसंघातून प्रतिभा धानोरकर यांचे दिवंगत पती बाळू धानोरकर यांनी विजय मिळवला होता. त्या निवडणुकीत पूर्ण महाराष्ट्रातून बाळू धानोरकर हेच एकमेव काँग्रेस खासदार निवडून आले होते. बाळू धानोरकरांच्या निधनानंतर चंद्रपूर लोकसभा मतदारसंघात पोटनिवडणूक झाली नव्हती. तेव्हापासूनच चंद्रपूरची जागा रिकामी होती. बाळू धानोरकरांचा वारसा पुढे नेण्यासाठीच प्रतिभा धानोरकरांनी चंद्रपूरातून उमेदवारी मागितली होती. आता त्यांचा सामना भाजपचे दिग्गज नेते तसेच वन आणि सांस्कृतिक कार्यमंत्री सुधीर मुनगंटीवार यांच्याशी होईल.
धाराशिव : मराठवाड्यात गेल्यावर्षी काही जिल्ह्यात चांगला पाऊस झाला, मात्र धाराशिव जिल्ह्यात कमी पाऊस झाल्याने सध्या दुष्काळ सदृश्य परिस्थिती निर्माण झाली आहे. विहिरींनी तळ गाठलाय, बहुतांशी प्रकल्पातील पाणी कमी झाल्याचा फटका शेतकऱ्यांना बसताना दिसतोय. धाराशिव जिल्ह्यातील सास्तुर गावातील युनूस केळगावे, या शेतकऱ्याने आपल्या शेतातील पाणी आटल्याने साडेतीन एकर उभ्या उसाच्या फडात चरण्यासाठी जनावरे सोडून दिली आहेत. कारण आपल्या शेतात तीन बोअरवेल्ससाठी साडेतीन लाख रुपये खर्च करून देखील तिन्ही बोअरवेल्स कोरड्या पडल्याने पाण्याअभावी ऊस वाळून चाललाय, म्हणून वैतागलेल्या शेतकऱ्याने उभा ऊस जनावरांच्या स्वाधीन केलाय.
Hingoli News : हिंगोली जिल्ह्यातील वसमत शहरालगत असलेल्या साई ऍग्रो कंपनीच्या गोदामाला रात्री तीन वाजताच्या सुमारास आग लागली आहे. या आगीमध्ये गोडाऊनमध्ये असलेले हळद आणि हळद पावडर पूर्णपणे जळून खाक झाले आहे. रात्री तीन वाजता ही आग लागली असून आगीचे रौद्ररूप अद्यापही कायम आहे. ही आग विझवण्यासाठी जिल्हाभरातील तब्बल सहा अग्निशामक दलाच्या गाड्या या ठिकाणी दाखल झाल्या असून मागील तीन ते चार तासापासून ही आग विझवण्याचा प्रयत्न केला जातोय, परंतु अद्यापही आगीवर नियंत्रण मिळवता आलेले नाही. यामध्ये लाखो रुपयांची हळद आणि हळद पावडर जळून खाक झाली आहे, त्यामुळे मोठ्या प्रमाणात आर्थिक नुकसान आहे.
Buldhana Crime : बुलढाणा जिल्ह्याच्या मेहकर तालुक्यातील विठ्ठलवाडी येथे होळी दहनाच्या कार्यक्रमात दोन गटात वाद होऊन तुफान हाणामारी झाल्याची घटना घडली होती, यामध्ये वीस जण जखमी झाले आहेत, त्यानंतर डोनगाव पोलीस ठाण्यात दिलेल्या परस्परविरोधी तक्रारीवरून 35 ते 37 जणांवर गुन्हे दाखल करण्यात आले आहेत, तर 10 जणांना अटक करण्यात आल्याची माहिती ठाणेदार अमरनाथ नागरे यांनी दिली आहे.
Nanded News : जगभरात आज रंगपंचमीचा उत्साह पाहायला मिळत आहे. यात राजकीय नेते सुद्धा रंगपंचमी साजरी करण्यात मागे नाही आहे. आज सकाळपासून नांदेड लोकसभेचे खासदार प्रताप पाटील चिखलीकर यांनी आपल्या निवास्थानी कुटुंबासह महायुतीच्या पदाधिकाऱ्यांसोबत रंग खेळण्याचा आनंद लुटला. विजयाचा गुलाल सतत आपल्या लागला आहे, पंतप्रधान नरेंद्र मोदी यांचा आशीर्वादाने पुन्हा गुलाल लागेल यात काही शंका नाही, असा विश्वास चिखलीकर यांनी व्यक्त केला आहे.
अमरावती : शेतकऱ्यांना देशोधडीला लावणाऱ्या जुलमी सरकारच्या जनतेवरील अन्यायाची काँग्रेसकडून होळी करण्यात आली आहे. अमरावती जिल्ह्यातील तिवसा, अमरावती शहर, मोर्शी, परतवाडा तसेच इतर काही तालुक्यांमध्ये युवक कॉंग्रेस तथा तालुका कॉंग्रेस कमिटीच्या वतीने केंद्र आणि राज्य सरकारच्या अन्यायकारी धोरणांमुळे वाढलेली महागाई, इलेक्टॉरल बॉंडच्या नावाखाली केलेला भ्रष्टाचार आणि सर्वसामान्यांची स्वप्ने उध्वस्त करणाऱ्या, शेतकऱ्यांना देशोधडीला लावणाऱ्या जुलमी सरकारच्या जनतेवरील अन्यायाची ही होळी आहे. आगामी लोकसभा निवडणुकांमध्ये जनतेला न्याय मिळवून देण्यासाठी पेटवलेला हा अंगार आहे.. संविधान रक्षणासाठी पुकारलेला एल्गार आहे, अशी प्रतिक्रिया काँग्रेस पदाधिकारी यांनी दिली.
MVA Seat Sharing : महाविकास आघाडीच्या बैठकीला आज शरद पवार मातोश्री येथे पाच वाजता राहणार उपस्थित.
शरद पवार हे आज उद्धव ठाकरेंसोबत जागावाटपसंदर्भात चर्चा करणार असल्याची माहिती
जागा वाटपाचा बद्दल आज फायनल बैठक ठरू शकते...
या बैठकीला महाविकास आघाडीचे नेते असणार उपस्थित
उद्या शिवसेनाच्या 15-16 जागा बद्दल शिवसेना करणार घोषणा..
संजय राऊत यांची माहिती...
शिवसेनेचा मुखपृष्ठ असलेल्या सामना मधून होणार अधिकृत घोषणा...
आज मातोश्री येथे होणाऱ्या बैठकीत शरद पवार यांना दाखवली जाणार शिवसेनेच्या 15 जागांची यादी
वसई : वसई भाईंदर दरम्यानच्या रो-रो सेवेच्या ‘आरोही’ नावाच्या बोटीत मद्याची पार्टी झाल्याचे उघडकिस आले आहे. बोट मालकानेच ठेकेदाराला वाढदिवस मेजवानीसाठी परवानगी दिल्याचे महाराष्ट्र सागरी मंडळाने सांगितले आहे. रोरो सेवेच्या बोटीतील मद्यमेजवानीची चित्रफीत सध्या समाजमाध्यमावर प्रसारित झाली आहे.
छत्रपती संभाजीनगर : वैजापूर तालुक्यातील आंचलगाव येथे कौटुंबिक वादातून रात्री एका महिलेने अंगावर पेट्रोल ओतून पेटवून घेतल्यानंतर तिला वाचविण्यासाठी आलेला पती आणि पेटलेल्या आईकडे धावलेल्या दोन चिमुकल्याही गंभीर होरपळल्या. यात एका सात महिन्यांच्या चिमुकलीचा जागेवरच दुर्दैवी मृत्यू झाला तर सहा वर्षांच्या कल्याणी या दुसऱ्या मुलीचा उपचार सुरू असताना रात्री घाटीत मृत्यू झाला. ही घटना ऐन होळी सणाच्या दिवशी घडली आहे. गंभीर भाजलेल्या दाम्पत्यावर छत्रपती संभाजीनगर येथील घाटीत उपचार सुरू आहे. सणाच्या दिवशी घडलेल्या या घटनेमुळे परिसरामध्ये हळहळ व्यक्त होत आहे.
- मुख्यपृष्ठ
- बातम्या
- महाराष्ट्र
- Maharashtra News LIVE Updates 25th March : देश-विदेशातील महत्त्वाच्या बातम्या फक्त एका क्लिकवर...