Maharashtra News Updates : अदानी समुहाच्या घोटाळ्याविरोधातील काँग्रेसचा मोर्चा पोलिसांनी अडवला, नेत्यांना घेतलं ताब्यात

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

13 March Headlines : काँग्रेस प्रदेशाध्यक्ष नाना पटोले यांच्या नेतृत्वाखाली आज दुपारी तीन वाजता गिरगाव चौपाटी ते राजभवन असा मोर्चा काढून राजभवनला घेराव घातला जाणार आहे.  राज्य विधिमंडळ अधिवेशनाचा तिसरा आठवडा आजपासून सुरू होत आहे.   

राज्य विधिमंडळ अधिवेशनाचा तिसरा आठवडा  

राज्य विधिमंडळ अधिवेशनाचा तिसरा आठवडा आजपासून सुरू होत आहे.  गेल्या आठवड्यात अर्थसंकल्प मांडल्यानंतर त्यावर चर्चा सुरू होणार आहे. आज विरोधक शेतकऱ्यांच्या प्रश्नावरून आक्रमक होण्याची शक्यता आहे. आजपासून अर्थसंकल्पावर चर्चा सुरू होणार आहे. यावेळी विरोधक आक्रमक होतील.  अवकळी पावसाने शेतकऱ्यांचं मोठ्या प्रमाणावरती नुकसान झालय. त्यांना मदत करावी, कांद्याला प्रती क्विंटल पाचशे रुपयांचे अनुदान द्यावा अशी मागणी विरोधी पक्षाने केली आहे.

 जुन्या पेन्शनसंदर्भात बैठक  

 जुन्या पेन्शन योजनेबाबत तोडगा न निघाल्यास 14 मार्चपासून सरकारी कर्मचाऱ्यांनी संपाचा इशारा दिलाय. आरोग्य कर्मचारीही संपात सहभागी होणार आहेत. यावर आज मुख्य सचिवांनी बैठक बोलावली आहे. यात कर्मचारी, शिक्षक संघटनांचा सहभाग असणार आहे.  या बैठकीत मुख्यमंत्री आणि उपमुख्यमंत्री सहभागी होणार आहेत.

काँग्रेसचा राजभवनाला घेराव मोर्चा

काँग्रेस प्रदेशाध्यक्ष नाना पटोले यांच्या नेतृत्वाखाली आज दुपारी तीन वाजता गिरगाव चौपाटी ते राजभवन असा मोर्चा काढून राजभवनला घेराव घातला जाणार आहे. या मोर्चात विधिमंडळ काँग्रेस पक्षाचे नेते बाळासाहेब थोरात, माजी मुख्यमंत्री अशोक चव्हाण, पृथ्वीराज चव्हाण, प्रदेश कार्याध्यक्ष माजी मंत्री नसीम खान, चंद्रकांत हंडोरे, बस्वराज पाटील, आमदार प्रणिती शिंदे, आमदार कुणाल पाटील यांच्यासह काँग्रेस पक्षाचे ज्येष्ठ नेते, माजी मंत्री, आमदार, खासदार, प्रमुख पदाधिकारी, सर्व सेल व फ्रंटलचे अध्यक्ष तसेच काँग्रेस कार्यकर्ते मोठ्या संख्येने सहभागी होणार आहेत.

समलौंगिक विवाहाला कायदेशीर मान्यता देण्याच्या याचिकेवर सुनावणी

समलौंगिक विवाहाला कायदेशीर मान्यता देण्याच्या याचिकेवर आज सुनावणी होणार आहे. याला केंद्र सरकारने विरोध केला आहे.  

हसन मुश्रीफांना समन्स

राष्ट्रवादी कॉग्रेसचे ज्येष्ठ नेते हसन मुश्रीफ यांना ईडीने आज चौकशीसाठी बोलवलं आहे. या प्रकरणात ईडीने अनेक ठिकाणी छापे मारी केली आहे. भाजपचे माजी खासदार किरीट सोमय्या यांनी 2021 साली आरोप केले होते.  
 

महसूल विभागातील सर्व नायब तहसीलदार आणि इतर राजपत्रित अधिकाऱ्यांची  सामूहिक रजा आंदोलन 

महसूल विभागातील नायब तहसीलदार या पदाला इतर विभागातील समकक्ष पदापेक्षा मिळणाऱ्या कमी वेतनासाठी आज महसूल विभागाचे सर्व नायब तहसीलदार आणि इतर राजपत्रित अधिकारी एक दिवसाचे सामूहिक रजा आंदोलन करणार आहेत. नागपूरच्या विभागीय आयुक्त कार्यालयात नागपूरसह नागपूर विभागातील सर्व जिल्ह्यातील अधिकारी एकत्रित येऊन आंदोलन करणार आहेत.

लॉस एंजिल्स पुरस्कार सोहळा

आज 95 वा ऑस्कर पुरस्कार सोहळा होणार आहे. हा सोहळा भारतासाठी खास आहे. आरआरआर चित्रपटातील नाटू नाटू गाण्यासह भारतीय डॉक्यूमेंट्री 'ऑल दॅट ब्रीथ्स' आणि 'द एलीफॅट व्हिस्परर्स' ऑस्कर पुरस्कासाठी शार्टलिस्ट करण्यात आलेत. भारतीय वेळेनुसार पहाटे 5.30 वाजता, हॉलीवूडच्या डॉल्बी थिएटर मध्ये सोहळा पार पडणार आहे.

अहमदनगरमध्ये बंद 

छत्रपती शिवाजी महाराज यांच्याबाबत अवमानकारक मॅसेज प्रसारित करणाऱ्या समाजकंटकांच्या निषेधार्ह आज पूर्णवेळ शेवगाव शहर बंद ठेवण्यात येणार आहे. शेवगाव शहरातील एका युवकाने छत्रपती शिवाजी महाराजांबद्दल आक्षेपार्ह स्टेट्स ठेवले होते, या घटनेचा निषेध नोंदविण्यासाठी सकाळी 10 वाजता शहरातील भारतरत्न डॉ. बाबासाहेब आंबेडकर चौकात निषेध नोंदवला जाणार आहे. यावेळी शहरातून मोर्चा काढला जाणार आहे.  

 भारत आणि ऑस्ट्रेलियामधील चौथ्या आणि शेवटच्या कसोटी सामन्याचा  शेवटचा दिवस  

 भारत आणि ऑस्ट्रेलिया दरम्यान सुरू असलेल्या चौथ्या आणि शेवटच्या कसोटी सामन्याचा आज शेवटचा दिवस आहे. चौथ्या दिवसाअखेर भारताने 91 धावांची आघाडी मिळवली आहे. सामना सकाळी 9.30 वाजता खेळवला जाणार आहे.

हनुमान चालीसा पठण प्रकरणी मुंबई सत्र न्यायालयात सुनावणी

माजी मुख्यमंत्री उद्धव ठाकरे यांच्या खासगी मातोश्री बाहेरील हनुमान चालीसा पठण प्रकरणी मुंबई सत्र न्यायालयात सुनावणी होणार आहे. यात खासदार नवनीत राणा आणि आमदार रवी राणा आरोपी आहेत. याप्रकरणी खार पोलीस ठाण्यात दाखल झालेल्या प्रकरणातून दोषमुक्तीसाठी राणांनी दाखल केलेल्या याचिकेवर सुनावणी होईल.  

23:28 PM (IST)  •  13 Mar 2023

समृद्धी महामार्गावर आता चोरट्यांची दहशत

आत्तापर्यंत अपघातांमुळे चर्चेत आलेला समृद्धी महामार्गावर आता चोरट्यांची दहशत पाहायला मिळत आहे. छत्रपती संभाजी नगरच्या जांबरगाव जवळ समृद्धी महामार्गावर चोरट्यांनी चारचाकी वाहनांवर दगडफेक केल्याची घटना समोर आली आहे . धक्कादायक म्हणजे या दगडफेकीत एक महिला प्रवासी जखमी झाली आहे. तर या दगडफेकीत चार चाकी कारच्या काचाही फुटल्याचं समोर आला आहे.

23:25 PM (IST)  •  13 Mar 2023

खांडबारा परिसरात जोरदार अवकाळी पावसाची सुरूवात; शेतकऱ्यांची मोठी धावपळ

नवापूर तालुक्यात होळी दिवशी अवकाळी पावसाने पहिल्यांदा हजेरी लावली त्यानंतर पुन्हा दुसऱ्यांदा आज अवकाळी पाऊस नवापूर तालुक्यात जोरदार हजेरी लावली आहे. या अस्मानी संकटाने शेतकरी हवालदिल झाला आहे नवापूर तालुक्यातील अनेक शेतकऱ्यांची पीकही काढणीला आली असून पीकमाल शेतात पडलेला आहे.यामध्ये मका,तूर,गहू, कपास आधीचा समावेश आहे तसेच फळबागांना देखील याचा धोका निर्माण झाला आहे.

 

अवकाळी पावसाचा ग्रामीण भागाला मोठा फटका बसला असून शेतपिकं, फळबागांचे अतोनात नुकसान होण्याची शक्यता आहे.त्यामुळे भाजीपाला आणि फळभाज्यांच्या पुरवठ्यावर परिणाम होऊन दरवाढीचे संकट उभे ठाकले आहे. राज्यात पुढील दोन ते तीन दिवस मेघगर्जनेसह पाऊस कोसळण्याची शक्यता हवामान खात्याने वर्तवली आहे.

अवकाळी पावसामुळे नवापूर तालुक्यात दाणदाण उडाल्याचं चित्र आहे. नवापूर तालुक्यातील खांडबारा परिसरामध्ये सहा वाजून 45 मिनिटांनी वादळी वाऱ्यासह विजेचा कडकडाटाने अवकाळी पावसाला जोरदार सुरुवात झाली. ग्रामीण भागातील विद्युत पुरवठा देखील काही भागात खंडित करण्यात आला आहे.

 

 

सकाळपासूनच संपूर्ण आभाळ भरून आलेले असून ढगाळ वातावरणा नुसार जोरदार पाऊस पडण्याची शक्यता ही निर्माण झाली आहे. खांडबारा परिसरात जोरदार अवकाळी पावसाने परिसरातील 15 ते 20 खेडेगावातील ग्रामस्थ व शेतकऱ्यांचे प्रचंड हाल झाले शेतात पडलेला पीक माल आवरण्यासाठी मोठी धावपळ करावी लागली.

20:40 PM (IST)  •  13 Mar 2023

मुंबईच्या मालाड पूर्वेच्या आगीत एकाचा मृत्यू

मुंबईच्या मालाड पूर्वेला आप्पा पाडाचा झोपडपट्टीमध्ये लागलेल्या आगीत एकाचा मृत्यू झालाय. 15 ते 20 सिलेंडरचा स्फोट झाला असून 800 ते एक हजार झोपडपट्ट्यांना या आगीचा फटका बसला आहे.  

20:30 PM (IST)  •  13 Mar 2023

Ratnagiri News : रत्नागिरी जिल्ह्यातील 15 हजार कर्मचारी संपावर; अत्यावश्यक सेवेसाठी प्रशासन सज्ज

Ratnagiri News :  रत्नागिरी जिल्ह्यातील 15 हजार कर्मचारी संपावर जाणार आहेत. अत्यावश्यक सेवेसाठी प्रशासन सज्ज असून पोलिस, होमगार्डची मदत घेतली जाणार आहे. संपाच्या परिणामी सर्व शासकीय कार्यालयामध्ये शुकशुकाट असण्याची शक्यता आहे.  जिल्ह्यातील नगरपरिषद आणि नगरपालिका कर्मचाऱ्यांच्या संपात सहभागी होण्याचा निर्णय उद्या होणार असल्याची माहिती आहे.

20:30 PM (IST)  •  13 Mar 2023

Ratnagiri News : रत्नागिरी जिल्ह्यातील 15 हजार कर्मचारी संपावर; अत्यावश्यक सेवेसाठी प्रशासन सज्ज

Ratnagiri News :  रत्नागिरी जिल्ह्यातील 15 हजार कर्मचारी संपावर जाणार आहेत. अत्यावश्यक सेवेसाठी प्रशासन सज्ज असून पोलिस, होमगार्डची मदत घेतली जाणार आहे. संपाच्या परिणामी सर्व शासकीय कार्यालयामध्ये शुकशुकाट असण्याची शक्यता आहे.  जिल्ह्यातील नगरपरिषद आणि नगरपालिका कर्मचाऱ्यांच्या संपात सहभागी होण्याचा निर्णय उद्या होणार असल्याची माहिती आहे.