![ABP Premium](https://cdn.abplive.com/imagebank/Premium-ad-Icon.png)
Maharashtra News Updates 15 November 2022 : समीर वानखेडे बदनामी प्रकरणी नवाब मलिक यांच्यावर उद्या वाशिममध्ये गुन्हा दाखल होणार
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
![Maharashtra News Updates 15 November 2022 : समीर वानखेडे बदनामी प्रकरणी नवाब मलिक यांच्यावर उद्या वाशिममध्ये गुन्हा दाखल होणार Maharashtra News Updates 15 November 2022 : समीर वानखेडे बदनामी प्रकरणी नवाब मलिक यांच्यावर उद्या वाशिममध्ये गुन्हा दाखल होणार](https://feeds.abplive.com/onecms/images/uploaded-images/2022/11/15/9a0f8ecd65afd667749a956aa59bc01d166847333436288_original.jpg)
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Nagpur Crime : 24 तासात तब्बल तिघांच्या हत्येच्या घटनेने नागपूर (Nagpur) हादरले. नागपूरच्या इमामवाडा भागात दोन मजुरांनी मित्राची हत्या (Murder In Nagpur) केली आणि मृतदेह विहिरीत फेकून दिले. दुसरी घटना पाचपावली भागात तिघांनी मिळून एकाची हत्या केली, तर तिसरी घटना नागपूर शहर जवळच्या बुटीबोरी येथे झाली आहे. पोलीसांच्या खबऱ्या असल्यामुळे दोघांनी सुनील भजे नामक इसमाची हत्या करण्यात आली. यात महत्वाची बाब म्हणजे तीनही प्रकरणातील आरोपींना अटक करण्यात पोलिसांना (Nagpur Police) यश आले आहे.
धनुष्यबाण चिन्ह गोठवण्याच्या प्रक्रिये विरोधात शिवसेना ठाकरे गटाच्या (Uddhav Thackeray) याचिकेवर दिल्ली हायकोर्टात (High Court) उद्या पुन्हा सुनावणी होणार आहे. दोन्ही बाजूंना त्यांची बाजू लिखित स्वरूपात मांडण्याचे कोर्टाने आज आदेश दिले आहेत. तीन पानांमध्ये संक्षिप्तपणे आपला रिप्लाय देण्याचा कोर्टाने आदेश दिले आहेत.
चिन्ह गोठवण्याच्या विरोधात ठाकरे गटाने दिल्ली हायकोर्टात धाव घेतली आहे. या याचिकेवरील सुनावणीत आज ठाकरे गटानं आपल युक्तिवाद केला. "निवडणूक आयोगाने कुठल्याही पद्धतीने नियमांचे पालन केलं नाही. दोन बाजूंमध्ये डिस्प्युट आहे, हे ठरवण्याआधी तो नेमका कशा पद्धतीचा आहे हे विचारात घ्यायला पाहिजे होतं. आमदारांच्या अपात्रतेचा मुद्दा प्रलंबित असताना चिन्हाचा निर्णय कसा काय होऊ शकतो? हा माझा, माझ्या वडिलांनी स्थापन केलेला पक्ष. अपात्रते संदर्भात भविष्यात काही निर्णय विरोधात लागला तर दरम्यानच्या काळात आमचं भरून झालेले नुकसान कसं आणि कोण भरून देणार? पोटनिवडणूक तोंडावर होती म्हणून चिन्ह गोठवण्याचा निर्णय आयोगाने घेतला. समोरचा पक्ष तेव्हा पोटनिवडणूक लढायची आहे असे सांगत होता. पण लढला नाही. आता ही पोटनिवडणूक संपली आहे, ज्या उद्देशाने तात्पुरता निर्णय दिला तो निकाली निघाली. आता निवडणूक आयोगाने स्थिती पूर्ववत करावी, अशी मागणी शिवसेना ठाकरे गटाने दिल्ली हायकोर्टात केली आहे.
ठाण्यात शिंदे गट आणि ठाकरे गटात हाणामारी, किसन नगर येथील घटना
ठाण्यातील किसान नगर येथे शिंदे गट आणि ठाकरे गटाचे कार्यकर्ते आमने सामने आले आहेत. ठाकरे गटाकडून ठाण्यात मेळावा घेण्यात आला. यावेळी शिंदे गटाचे कार्यकर्ते योगेश जानकर त्यांच्या कार्यकर्त्यांसोबत मेळाव्याच्या ठिकाणी आल्याने दोन्ही गटात वाद होऊन हाणामारी झाली. यावेळी ठाकरे गटाचे खासदार राजन विचारे देखील घटनास्थळी उपस्थित होते. या घटनेचा व्हिडीओ देखील समोर आला आहे. ज्यामध्ये दोन्ही गटाचे कार्यकर्ते हे हाणामारी करताना दिसत आहेत.
मिळालेल्या माहितीनुसार, आज किसान नगर भागात ठाकरे गटाचा मेळावा आयोजित करण्यात आला होता. ठाण्यातील हा भाग मुख्यमंत्री एकनाथ शिंदे यांच्या मतदारसंघातील भाग मानला जातो. हा भाग शिंदे यांच्यासाठी खूप महत्वाचा आहे. कारण येथूनच त्यांना सर्वाधिक मतदान होतं. याच ठिकाणी ठाकरे गटाने आज मेळावा घेतला. येथील ठाकरे गटाचे उपजिल्हाप्रमुख संजय घाडीगावकर यांनी हा मेळावा आयोजित केला होता. त्याठिकाणी अचानक शिवदे गटाचे काही माजी नगरसेवक आणि त्यांचे कार्यकर्ते आले. यानंतर दोन्ही गटामध्ये शाब्दिक बाचाबाची होऊन वाद झाला. यानंतर या वादाचं रूपांतर हाणामारीत झालं. ज्यावेळी ही हाणामारी होतं होती, त्यावेळी राजन विचारेही घटनास्थळी उपस्थित होते. यासोबतच या ठिकाणी केदार दिघे हे देखील उपस्थित होते. तसेच शिंदे गटाकडून माजी नगरसेवक योगेश जानकर येथे उपस्थित होते.
Nawab Malik: समीर वानखेडे बदनामी प्रकरणी नवाब मलिक यांच्यावर उद्या वाशिममध्ये गुन्हा दाखल होणार
एनसीबीचे मुंबईचे माजी संचालक समीर वानखडे यांच्या कुटुंबियांची बदनामी केल्याप्रकरणी वाशिम सत्र न्यायालयाने राष्ट्रवादीचे नेते नवाब मलिक यांच्या विरुद्ध अॅट्रोसिटी अंतर्गत गुन्हा दाखल करण्याचे निर्देश दिले आहेत. त्यानुसार नवाब मलिक यांच्याविरोधात उद्या वाशिम शहर पोलिसात गुन्हा दाखल करण्यात येणार आहे. 13 डिसेंबर 21 रोजी वाशिम न्यायालयात वानखडे कुटुंबीयांनी यासंबंधित याचिका दाखल केली होती.
Chandrapur : शेतात कापूस वेचत असलेल्या शेतमजूर महिलेचा वाघाच्या हल्ल्यात मृत्यू
शेतात कापूस वेचत असलेल्या शेतमजूर महिलेचा वाघाच्या हल्ल्यात मृत्यू झाला आहे. चंद्रपुरातील मूल तालुक्यातील जानाळा शेतशिवारातील ही घटना आहे. कांतापेठ येथील कल्पना लोनबळे (45) ही महिला कापूस वेचण्यासाठी शेतात गेली होती. दुपारच्या दरम्यान दबा धरून बसलेल्या वाघाने तिच्यावर हल्ला केला. आरडाओरडा ऐकू आल्यानंतर आसपासच्या शेतकऱ्यांनी घटनास्थळी धाव घेतली. या हल्ल्यामुळे परिसरातील शेतकऱ्यांमध्ये भीतीचं वातावरण निर्माण झालं आहे. चंद्रपूर जिल्ह्यात या वर्षी आतापर्यंत 41 जण वाघ आणि बिबट्यांच्या हल्ल्यात बळी पडलेत.
जेजुरी आयएसएमटी कंपनीत अपघात, आठ जण जखमी, चौघांची प्रकृती गंभीर
पुरंदर तालुक्यातील जेजुरी नजीक असणाऱ्या आय एस एम टी कंपनीत लोखंडाचा रस वाहून नेणाऱ्या लॅडलची साखळी ( वायर रोप ) तुटल्याने वितळलेला लोह रस अंगावर पडल्याने आठजण भाजून जखमी झाल्याची घटना घडली आहे. आय एस एम टी ही कंपनी लोखंडी रॉड, सळई बनवण्याचे काम करते. या कंपनीत बॉयलरमध्ये 1650 ते 1800 डिग्री सेल्सिअस ला लोखंड वितळवून लोहरस बनवला जातो. याच लोहरसा पासून वेगवेगळ्या आकाराचे रॉड, वा सळई बनवल्या जातात. काल सकाळी सहा वाजण्याच्या सुमारास हा अपघात झाला असून यात क्रेन चालक जितेंद्र सिंग, सुजित विलास बरकडे, चुनेज भानुदास बरकडे, अरूनकुमार सिन्हा, आकाश यादव दुर्गा यादव, शिवाजी राठोड मनोरंजन दास हे अंगावर वितळत्या लोखंडाचा रस पडल्याने जखमी झाले आहेत. यातील चार जण गंभीर जखमी असून, क्रेन चालक जितेंद्र सिंग याला पुणे येथील खासगी रुग्णालयात हलविण्यात आले आहे तर इतर सात जनावर जेजुरी येथील खासगी रुग्णालयात उपचार सुरू आहेत. काल सकाळी सहा वाजता हा अपघात झाला. अपघातात वरून पडलेल्या लोह रसाने आठ जण जखमी झाले असले तरी सुदैवाने मोठा अनुचित प्रकार झाला नाही. मात्र लोखंडापासून बनवलेल्या लोहरसाने कामगार भाजले आहेत.
मुंबई विद्यापीठ कालिना कॅम्पसच्या परीक्षा भवन मधील इंटरनेट सेवा मागील दहा दिवसापासून बंद
विद्यापीठातील परीक्षा भवनमधील इंटरनेट सेवा बंद असल्यामुळे अनेक विद्यार्थी आणि पालक त्रस्त झाले आहेत,त्याच्याकडून प्राप्त तक्रारींची दखल घेऊन युवासेनेने विद्यापीठ प्रशासनाशी दूरध्वनीवरून संपर्क करुन विद्यार्थ्यांची कैफियत मांडली आणि तातडीने इंटरनेट सेवा सुरू न झाल्यास आंदोलन करण्याचा इशारा दिला आहे
आरबीआयकडून यवतमाळ जिल्ह्यातील बाबाजी दाते महिला सहकारी बॅंकेचे बॅंकिंग लायसन्स रद्द
आरबीआयकडून यवतमाळ जिल्ह्यातील बाबाजी दाते महिला सहकारी बॅंकेचे बॅंकिंग लायसन्स रद्द
११ नोव्हेंबरपासून बॅंकिंग व्यवहार बंद करण्याचे आरबीआयचे आदेश
गेल्या काही महिन्यांपासून बॅंकेत आर्थिक स्थिती अत्यंत बिकट होती, त्यामुळे बॅंकेच्या व्यवहारांवर निर्बंध आणले होते
८ नोव्हेंबर २०२१ रोजी कामकाज बंद झाल्यापासून सहा महिन्यांकरीता निर्बंध लागू केले होते, मात्र मे महिन्यात देखील परिस्थिती न सुधारल्यानं ऑगस्टपर्यंत निर्बंध कायम ठेवले होते
बँकेची आर्थिक परिस्थिती न सुधारल्यामुळे बाबाजी दाते महिला सहकारी बॅंकेवर आरबीआयकडून ६ ऑगस्ट रोजी निर्बंध वाढवण्यात आले होते
मात्र, आर्थिक परिस्थिती न सुधारल्याने अखेर ११ नोव्हेंबर रोजी आरबीआयनं बॅंकेचे लायसन्स रद्द करण्याचा निर्णय घेतला
७९ टक्के ठेवीदारांना त्यांना त्यांचे सर्व पैसे परत मिळणार असल्याचं बॅंकेने आरबीआयला सुपूर्द केलेल्या अहवालात म्हंटलंय
डीआयसीजीसीकडून १६ आॅक्टोबर २०२२ पर्यंत २९४ कोटी रुपये ठेवीदारांना परतवले आहेत
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![चंद्रकांत शिंदे](https://feeds.abplive.com/onecms/images/author/964429cd2a90fc9f23c8736386edb152.jpg?impolicy=abp_cdn&imwidth=70)