Maharashtra News Live Updates : औरंगाबादच्या कपडा मार्केटमध्ये भीषण आग; अग्निशमन दलाच्या सात गाड्या घटनास्थळी दाखल; देश-विदेशातील महत्त्वाच्या बातम्यांचा आढावा एका क्लिकवर...

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

15/01/2023 21:12:55

इंस्टाग्रामवर मैत्री करुन अल्पवयीन मुलीवर अतिप्रसंग, एकाला अटक

इंस्टाग्रामवर एका  15 वर्षीय मुलीशी मैत्री करत तिच्यावर अतिप्रसंग करणाऱ्या 22 वर्षीय तरुणाला कोलशेवाडी पोलिसांनी बेड्या ठोकल्या आहेत. अक्षय गायकवाड असे या तरुणाचे नाव आहे. अक्षयने पीडित तरुणी बरोबर इंस्टाग्रामवर ओळख वाढवत मैत्री केली. त्यानंतर तिच्यासोबत शारीरिक संबंध ठेवले. यात पीडिता गर्भवती राहिली. गेल्या एक वर्षापासून तो पीडितेवर अतिप्रसंग करीत होता. अखेर पीडितीने या प्रकरणी कोलशेवाडी पोलिस ठाण्यात तक्रार नोंदवली असून या तक्रारीनुसार पोलिसांनी अक्षय विरोधात गुन्हा दखल करत त्याला बेड्या ठोकल्या. 

15/01/2023 18:10:52

डॉ. सुधीर तांबे यांच्यावर पक्षाची कारवाई

डॉ. सुधीर तांबे यांच्यावर पक्षाची कारवाई

15/01/2023 14:57:32

Mumbai News : मुंबई मॅरेथॉनमध्ये 55 हजारांहून अधिक धावपटू सहभागी

Mumbai News : मुंबई मॅरेथाॅनमध्ये 55 हजारांहून अधिक धावपटू सहभागी झाले होते. यात मुंबईसोबतच देशातील अनेक शहरांमधील लोकं सहभागी झाले होते. पुण्यातून देखील काही धावपटू पूर्ण मॅरेथाॅन पळताना बघायला मिळाले. 

15/01/2023 14:08:03

Amravati : अमरावतीच्या तळेगाव दशासरचा शंकरपटला सुरुवात

अमरावती जिल्ह्यातील तळेगाव दशासर येथे कृषक सुधार मंडळाद्वारे आजपासून चार दिवसीय शंकरपट आयोजित करण्यात आला आहे. आज रविवारी दो-दाणी, सोमवार, आणि मंगळवारी एकदानी आणि बुधवारी महिलांचा शंकरपट होणार आहे. 

स्वातंत्र्यपूर्व काळापासून येथील शंकरपटाला सुरुवात झाली. 20 एकर जागेत हा पट आणि यात्रा भरते. राज्यभरातून अनेक बैलजोड्या याठिकाणी दाखल झाल्या असून यात 50 हुन अधिक पट गाजवणाऱ्या अनेक बैलजोड्यांचे आगमन झाले आहे.

15/01/2023 14:05:36

Beed Dharur : धारूर तालुक्यातल्या मोरफळी गावात दोन दिवसापासून गूढ आवाजाने नागरिकांमध्ये भीतीच वातावरण

बीडच्या धारूर तालुक्यातील मोरफळी गावांमध्ये गेल्या दोन दिवसापासून जमिनीमधून गूढ आवाज येत असल्याने गावकऱ्यांमध्ये भीतीचं वातावरण निर्माण झाल आहे. डोंगर दऱ्यामध्ये वसलेल्या मोरफळी गावामध्ये मध्यरात्री आणि आज सकाळी अचानक जमिनीतून गुढ आवाज झाल्यानंतर जमीन हादरल्याने नागरिकांनी गुढ आवाज कशामुळे येतो याची तात्काळ तज्ञांनी तपासणी करावी अशी मागणी केली आहे. जमिनीतून अचानक हा आवाज आल्यानं गावातील घरांच्या भिंती हालतात तर अनेक घरातील भांडे हे जमिनीवर पडल्याने गावकऱ्यांमध्ये भीतीच वातावरण निर्माण झाल आहे.

15/01/2023 14:02:27

Mumbai Air Quality : मुंबईची हवा आज दिल्लीपेक्षाही वाईट स्थितीत

मुंबईची हवा आज दिल्लीपेक्षाही वाईट स्थिती गेल्याचं बघायला मिळालं. त्यामुळे हवा प्रदूषणात वाढ झाल्याचं बघायलामिळालं. मुंबईतील तापमानात घट झाल्यानंतर शहरातील हवा गुणवत्ता पातळी कमालीची खालवली आहे. त्यामुळे आरोग्याच्या समस्यापुन्हा एकदा डोकं वर काढू शकतात. 

15/01/2023 13:51:44

Nepal Aircraft Crash: नेपाळमध्ये विमान कोसळलं, 32 जणांचा मृत्यू, मृतांची संख्या वाढण्याची शक्यता, बचावकार्य सुरु

Nepal Plane Crash: नेपाळच्या यति  एअरलाईन्सचं विमान कोसळलं आहे. मिळालेल्या माहितीनुसार, पोखरा परिसराजवळ विमान दुर्घटना घडली आहे. या दुर्घटनाग्रस्त विमानात 72 जण होते. 68 प्रवासी आणि चार क्रू मेंबरचा यामध्ये समावेश आहे. विमान अपघातामध्ये आतापपर्यंत 32 जणांचा मृत्यू झाल्याचं वृत्त आहे. दुर्घटनेनंतर बचावकार्य सुरू करण्यात आलं आहे. या घटनेचे व्हिडीओ आणि फोटो सोशल मीडियावर व्हायरल झाले आहेत. 

15/01/2023 13:02:14

दुचाकी अपघातात दोन ठार, एक जखमी, मृता मध्ये जवानाचा समावेश

 सेनगाव तालुक्यातील गोरेगाव ते सवना रस्त्यावर आज पहाटे चार वाजल्या सुमारास अपघात झाला आहे.या अपघात दुचाकी वरील दोघे ठार झाले असून एक जण गंभीर जखमी झाला आहे. वळण रस्त्यावर दुचाकी दुभाजकाला धडकून हा अपघात झाल्याची माहिती आहे.मृतांमध्ये विशाल भारत नायक वय 34 वर्ष रा.सवना तालुका सेनगाव व सुनील लक्ष्मण चौधरी वय 27 राहणार बोरी. तालुका जिंतूर यांचा समावेश आहे. मयत सुनील चौधरी हा जम्मू येथे सैन्य दलात कार्यरत असल्याची माहिती आहे.तर संदीप बालाजी शिंदे हा गंभीर जखमी झाल्याने त्याच्यावर हिंगोली येथील रुग्णालयात उपचार सुरू आहेत.मकर संक्रांत दिवशी झालेल्या या अपघातामुळे सवणा व बोरी गावावर शोककळा पसरली असून सर्वत्र हळहळ व्यक्त केली जात आहे.

15/01/2023 13:50:24

Beed Ambajogai : बनावट दारूचा अड्ड्यावर पोलिसांचा छापा

अंबाजोगाईमध्ये वान नदीच्या पात्रात दोन ठिकाणी पोलिसांनी छापा मारून बनावट दारूचा अड्डा नष्ट केला आहे यामध्ये तब्बल 81 हजार रुपयांचा मुद्देमाल पोलिसांनी हस्तगत केला असून मोठ्या प्रमाणात बनावट दारू नष्ट केली आहे.. या पोलिसांच्या कारवाईदरम्यान आरोपी शफिक करीम हा फरार झाला असून पोलीस त्याचा शोध घेत आहेत

15/01/2023 12:32:02

DCM Devendra Fadnvis : राज्याचे उपमुख्यमंत्री शिर्डीहून बीडकडे रवाना...

राज्याचे उपमुख्यमंत्री शिर्डीहून बीडकडे रवाना...
शिर्डी विमानतळावर महसूल मंत्री राधाकृष्ण विखे यांनी घेतली भेट..
विमानतळावर दोघांमध्येही खाजगी चर्चा..
तिळगुळ देऊन दिल्या संक्रांतीच्या शुभेच्छा...

15/01/2023 12:29:27

Ambernath News : अंबरनाथमध्ये शिंदे गट आणि प्रहार पक्षाचे नेते भिडले, बॅनर लावण्यावरून दोन राजकीय नेत्यांमध्ये वाद

अंबरनाथमध्ये शिंदे गट आणि प्रहार जनशक्ती पक्षाचे दोन नेते बॅनर लावण्यावरून आपसात भिडल्याचं पाहायला मिळालं. अंबरनाथ गावात झालेल्या या वादाचा व्हिडीओ सोशल मीडियावर चांगलाच व्हायरल झाला आहे.

15/01/2023 12:28:29

Beed Accident : दुचाकी अपघातात दोन ठार, एक जखमी, मृता मध्ये जवानाचा समावेश

सेनगाव तालुक्यातील गोरेगाव ते सवना रस्त्यावर आज पहाटे चार वाजल्या सुमारास अपघात झाला आहे.या अपघात दुचाकी वरील दोघे ठार झाले असून एक जण गंभीर जखमी झाला आहे. वळण रस्त्यावर दुचाकी दुभाजकाला धडकून हा अपघात झाल्याची माहिती आहे.मृतांमध्ये विशाल भारत नायक वय 34 वर्ष रा.सवना तालुका सेनगाव व सुनील लक्ष्मण चौधरी वय 27 राहणार बोरी. तालुका जिंतूर यांचा समावेश आहे. मयत सुनील चौधरी हा जम्मू येथे सैन्य दलात कार्यरत असल्याची माहिती आहे.तर संदीप बालाजी शिंदे हा गंभीर जखमी झाल्याने त्याच्यावर हिंगोली येथील रुग्णालयात उपचार सुरू आहेत.मकर संक्रांत दिवशी झालेल्या या अपघातामुळे सवणा व बोरी गावावर शोककळा पसरली असून सर्वत्र हळहळ व्यक्त केली जात आहे.

15/01/2023 12:25:44

Beed Crime : डॉक्टरची दोन कोटीची फसवणूक करणाऱ्या दोन आरोपीला गुजरात मधून अटक

परळीतील डॉक्टरांची दोन कोटी रुपयांची फसवणूक करणाऱ्या आरोपीला बीड पोलिसांनी गुजरात येथून अटक केली आहे. दिलावर कक्कल आणि इस्माईलशा शेख अशी आरोपींची नाव असून त्यांनी परळी येथील डॉक्टर रविंद्र गायकवाड यांची दोन कोटी रुपयाची फसवणूक केली होती. या प्रकरणाचा तपास बीडच्या स्थानिक गुन्हे शाखेकडे आल्यानंतर स्थानिक गुन्हे शाखेच्या पोलिसांनी गुजरातमध्ये जाऊन या दोन आरोपींना अटक केली आहे. डॉक्टर रविंद्र गायकवाड यांना रुग्णालयाच्या विस्तारासाठी कर्ज मिळून देतो यासाठी 20 कोटी रुपयांची मागणी या दोन आरोपीने त्यांच्याकडे केली होती आणि त्यामध्ये दोन कोटी रुपये दिल्यानंतर आपली फसवणूक झाल्याचं डॉक्टरांच्या लक्षात आलं आणि त्यांनी याप्रकरणी पोलिसात तक्रार केली होती.

 

15/01/2023 12:03:03

Beed Ustod :

ऊसतोड मजुरांचा जिल्हा अशी ओळख असलेल्या बीड जिल्ह्यामध्ये पाच लाखांच्यावर ऊसतोड मजूर असून फक्त दहा हजार ऊसतोड मजुरांची नोंदणी करण्यात करण्यात आली असून, फक्त साडेपाच हजार मजुरांनाच ओळखपत्रांच वाटप करण्यात आल आहे. गोपीनाथ मुंडे ऊसतोड मजूर महामंडळाच्या माध्यमातून या मजुरांची नोंदणी करण्यात येत असून वर्षभरात फक्त दहा हजार मजुरांची नोंदणी करण्यात आली आहे, तर दुसरीकडे उत्सव मजुरांच्या मुलांसाठी अद्यापही वस्तीग्रह सुरू झाले नसल्याने महामंडळाच्या अनेक योजनांचा लाभ या मजुरांना मिळालेला नाही.

 

15/01/2023 12:02:16

Yavatmal Crime : सरपंचाच्या पतीचा उपसरपंचावर कुन्हाडीने हल्ला

यवतमाळच्या बाभूळगाव तालुक्यातील दाभापहुर येथे संतापाच्या भरात सरपंचाच्या पतीने उपसरपंचावर कुन्हाडीने हल्ला केल्याची धक्कादायक घटना घडली आहे. रक्तबंबाळ झालेल्या उपसरपंचाला तत्काळ यवतमाळ येथे हलविण्यात आले. प्रकाश गुल्हाने, असे जखमी उपसरपंचाचे नाव आहे. त्यांच्यावर संदीप पुराम (45) रा. पहूर याने हल्ला केला.

15/01/2023 11:48:10

Nandurbar Cold Weather : सातपुड्याच्या डोंगर रांगांमध्ये तापमान चार अंश सेल्सिअसच्या खाली, दवबिंदू गोठले

नंदुरबार जिल्ह्यातल्या सातपुडा पर्वत रांगामधील वालंबा, डाब आणि तोरणमाळ परिसरात तापमानात मोठी घट झाल्याने थेट दवबिंदु गोठल्याचा प्रकार समोर आला आहे. दवबिंदु गोठल्याने गवतांवर बर्फाची चादर पसरल्याचे चित्र दिसुन आले.  गेल्या काही वर्षापासून या भागात तापमानात मोठ्या प्रमाणात घट होत असल्याने अशा पद्धतीने दवबिंदु गोठुन बर्फाची चादर होत असल्याचे चित्र वारंवार दिसून आले आहे. मात्र या भागात हवामान विभागाचे कुठलेही तापमान मापक यंत्र नसल्याने नेमक तापमान किती याबाबत नोंदच होत नाही. अशातच कडाक्याच्या थंडीने सातपुडा पर्वत रांगामध्ये सकाळी उशीरापर्यत शेकोट्या पेटत असल्याचे चित्र आहे. गेल्या 48 तासात नंदुरबार मधल्या सपाटी भागतच तापमानात 8 अंश सेल्सिअसपर्यंत घट झाली. अशातच सातपुड्याच्या पर्वत रागांमध्ये सपाटीभागापेक्षा तापमान चार ते पाच अंशानी कमी असते.

15/01/2023 11:44:51

Sangli miraj Fire : मिरजमध्ये प्लॅस्टिक कारखान्याला भीषण आग, 5 तासांच्या प्रयत्नांनंतर आग आटोक्यात

Sangli miraj Fire : मिरज औद्योगिक वसाहती  मध्ये आज पहाटेच्या सुमारास  गंगा प्लॅस्टिक या प्लास्टिक कारखान्याला  अचानक भीषण आग लागली.  प्लास्टिकचा कारखाना असल्याने आग अधिकच भडकत गेली.  सदर आगीची माहिती प्राप्त होताच सांगली अग्निशमन दलाच्या 4, MIDC अग्निशमन दलाची 1, कोल्हापूर मनपाची 1 आणि तासगाव नगर परिषदेची एक अशा एकूण 6 अग्निशमन दलाच्या वाहनांनी 22 खेपा पाण्याचा मारा करून आगीवर नियंत्रण मिळविले. सदरची आग विझविण्यासाठी पाच तासाचा कालावधी लागला. या कामगिरीवर मुख्य अग्निशमन अधिकारी विजय पवार ड्रायव्हर सतीश वाघमारे,सुरेश आलगुर, दत्ता माने, शशिकांत चव्हाण, इक्बाल मुल्ला, लिंगाप्पा कांबळे, फायरमन रोहित घोरपडे, प्रसाद माने, विशाल रसाळ, चंद्रकांत झेंडे, अविनाश चाळके, रोहित निकम हे हजर होते.

15/01/2023 11:42:09

Odisha Stampede : मकर संक्रातीच्या जत्रेत चेंगराचेंगरी; एका महिलेचा मृत्यू तर अनेकजण जखमी, जमावबंदी लागू

Odisha Makar Sankranti Mela Stampede : मकर संक्रांतीच्या (Makar Sankranti 2023) उत्साहावर विरजण घालणारी बातमी ओदिशामधून समोर येत आहे. मकर संक्रातीच्या जत्रेत चेंगराचेंगरी होऊन दुर्घटना घडली आहे. या दुर्घटनेत एका महिलेचा मृत्यू झाला असून अनेक जण जखमी झाले आहेत. या पार्श्वभूमीवर परिसरात जमावबंदी लागू करण्यात आली आहे. ओडिशामधील कटक येथील सिंहनाथ मंदिर परिसरात (Singhnath Temple) मकर संक्रांतीच्या जत्रेवेळी शनिवारी (14 जानेवारी) चेंगराचेंगरी झाली. यानंतर मंदिर परिसरात कलम 144 अंतर्गत लागू करण्यात आलं आहे. मुख्यमंत्री नवीन पटनायक (Naveen Patnaik) यांनी या दुर्घटनेवर शोक व्यक्त केला आहे.

15/01/2023 11:21:06

Pandharpur Vitthal Rukhmini Temple : विठ्ठल-रुक्मिणी मंदिराला 30 प्रकारच्या भोगीच्या भाज्यांची अनोखी सजावट

नवीन वर्षातील पहिला सण म्हणून ओळखला जाणारा आजचा मकर संक्रांत. या दिवशी तीळगुळासोबत महिलांसाठी सौभाग्याचा आणि कुटुंबाच्या भरभराटीचा सण म्हणून मकर संक्रांतीची ओळख आहे. या दिवशी भोगी करणे, वाण- वसा, या सारख्या रिती, परंपरा आजही जोपासल्या जातात. त्यासाठीच राज्यभरातून हजारो महिला सध्या पंढरपूरमध्ये आपल्या शेतात पिकलेले नवंधान्य अर्पण करण्यासाठी दाखल झाल्या आहेत. भल्या पहाटेपासून मंदिर परिसर महिलांच्या गर्दीने फुलून गेले आहे. संक्रांतीमुळे आज दर्शनाची रांग थेट चंद्रभागेच्या तीरावरून पुढे गेली असून महिलांसोबत गैरप्रकार घडू नयेत म्हणून पोलिसांचा मोठा फौजफाटा तैनात करण्यात आला आहे. विठ्ठल-रुक्मिणी मंदिराला 30 प्रकारच्या भोगीच्या भाज्यांची अनोखी सजावट करण्यात आली आहे.

15/01/2023 11:03:59

Nagpur Temple Theft : नागपूरच्या अत्यंत पुरातन पोद्दारेश्वर मंदिरात चोरी

नागपूरच्या अत्यंत पुरातन पोद्दारेश्वर मंदिरात चोरीची घटना घडली आहे. रात्री एकच्या सुमारास चोरट्यानी दानपेटी फोडली मात्र, मंदिरात असलेल्या सेवकांना जाग आल्यामुळे चोरटे दानपेटी तिथेच टाकून त्यातील काही रक्कम घेऊन पळून गेले... विशेष म्हणजे पोद्दारेश्वर राम मंदिर शहरातील अत्यंत गजबजलेल्या परिसरात इंदिरा गांधी शासकीय मेडिकल रुग्णालयाच्या समोर आहे..  रात्री एकच्या सुमारास मंदिर परिसरातील सभा मंडपात ठेवण्यात आलेली दानपेटी चोरट्यांनी फोडली.. अचानक आवाज झाल्याने मंदिरात असलेल्या सेवकाला जाग आल्यानंतर चोरट्याने पळ काढला.. रात्रीच घटनेची माहिती पोलिसाना देण्यात आली होती.. दरम्यान या घटनेत चोरी गेलेली रकम किती आहे हे अद्याप स्पष्ट झालेले नाही.

15/01/2023 11:03:01

Nandurbar Patang Mahotsav : नंदुरबारमध्ये पतंग महोत्सवाची धूम, रंगीबेरंगी पतंगांची आकाशात गर्दी...

नंदुरबार जिल्हा गुजरात राज्याच्या सीमावर्ती भागात असल्याने जिल्ह्यातही मोठ्या प्रमाणात संक्रांतीच्या दिवशी पतंग महोत्सव साजरा केला जातो.आज सकाळपासूनच नंदुरबार शहरात मोठ्या प्रमाणात पतंग महोत्सवाची धूम पाहण्यास मिळत आहे. घराच्या गच्चीवर उंच इमारतींवर डीजे लावून पतंग महोत्सव साजरा केला जातो. विविध रंगाच्या आणि आकाराच्या पतंग आकाशात दिसून येत आहेत. आकाशात पतंगांची जुगलबंदी दिसून येत असून काट रे चा आवाज पतंग काट झाल्यावर दिला जातो. एकूणच पतंग महोत्सव साजरा करताना सुरक्षेची काळजी घेणेही महत्त्वाचे आहे. पतंगांच्या घातक मांजामुळे अनेक पक्षी जायबंदी होत असतात, त्यामुळे त्याचेही काळजी घेतली गेली पाहिजे अशी अपेक्षा व्यक्त केली जात आहे. एकूणच आज दिवसभर नंदुरबार शहरात पतंग महोत्सवाचे धूम पाहण्यास मिळणार आहे.

15/01/2023 11:01:48

Chiplun Leopeard : बिबट्याच्या दर्शनाने विद्यार्थी रोमांचित..

चिपळूण : पश्चिम घाटातील कोयना व्याघ्र प्रकल्पातील बफर झोन अंतर्गत येणाऱ्या रामबाण ट्रेल आणि जैवविविधता आणि कोयना जलविद्युत प्रकल्प दर्शन निसर्ग अभ्यास सहलीत जिल्हा परिषद शाळा 'उक्ताड ' तालुका चिपळूण चे विद्यार्थी हरवून गेले होते. सायंकाळी झालेल्या परतीच्या प्रवासात गाडीतून झालेल्या बिबट्याच्या दर्शनाने सारे रोमांचित झाले आणि ही सहल अविस्मरणीय ठरली.

15/01/2023 11:00:54

बिबट्याच्या दर्शनाने विद्यार्थी रोमांचित..चिपळूण

चिपळूण: पश्चिम घाटातील कोयना व्याघ्र प्रकल्पातील बफर झोन अंतर्गत येणाऱ्या रामबाण ट्रेल आणि जैवविविधता व कोयना जलविद्युत प्रकल्प दर्शन निसर्ग अभ्यास सहलीत जिल्हा परिषद शाळा 'उक्ताड ' तालुका चिपळूण चे विद्यार्थी हरवून गेले होते. सायंकाळी झालेल्या परतीच्या प्रवासात गाडीतून झालेल्या बिबट्याच्या दर्शनाने सारे रोमांचित झाले आणि ही सहल अविस्मरणीय ठरली. युनेस्को च्या जागतिक वारसा स्थळांच्या यादीत समावेश असलेल्या पश्चिम घाटातील कोयना व्याघ्र प्रकल्पातील बफर झोन अंतर्गत येणाऱ्या 'रामबाण ट्रेल 'आणि जैवविविधता आणि कोयना विद्युत प्रकल्प दर्शन सहलीचं आयोजन करण्यात आलं होतं.यात पर्यटनाचा आणि अभ्यासाचा जंगल सफारी चा आनंद विद्यार्थ्यांनी मनमुराद लुटला.बिबट्याचे दर्शन विद्यार्थ्यांना लक्षवेधी ठरलं.. 

15/01/2023 11:00:19

Nashik Election : धनराज विसपुते घेणार फडणवीस आणि बावनकुळेंची भेट

नाशिक पदवीधर निवडणुकीसाठी धनराज विसपुते घेणार उपमुख्यमंत्री देवेंद्र फडणवीस आणि प्रदेशाध्यक्ष चंद्रशेखर बावनकुळे यांची भेट...

आज सायंकाळी पाच वाजता घेणार भेट...

गेल्या 30 वर्षांपासून धनराज विसपुते आहेत भाजपाचे सक्रिय कार्यकर्ते...

सायंकाळच्या भेटीनंतर धनराज विसपुते यांना भाजपकडून काय मिळणार आश्वासन याकडे लागले लक्ष....

15/01/2023 11:00:09

3 of 60,700 गुहागर समुद्र किनाऱ्यावरून ‘ऑलिव्ह रिडले समुद्राकडे झेपावली

गुहागर वरचापाट येथील समुद्रकिनारी वाळुमध्ये १५ नोव्हेंबर रोजी ऑलिव्ह रिडले या प्रजातीच्या समुद्री कासव मादीने पहीले घरटे तयार करण्यात आले होते.सदर घरटयामध्ये ऑलिव्ह रिडले मादींच्या कासवांची १२३ अंडी सुरक्षित करण्यात आली होती.सुरक्षीत केलेल्या अंडयामधून कासवाची सहा पिल्ले (ऑलिव्ह रिडले) सुरक्षितपणे समुद्रामध्ये सोडण्यात आली.13 जानेवारी रोजी वेळास समुद्री किनाऱ्यावर सुरक्षित केलेल्या १२० अंडयामधून २६ पिल्ले समुद्रामध्ये सोडण्यात आली होती.

 

 गुहागर वरचापाट या ठिकाणी ऑलिव्ह रिडले समुद्री कासव मादीने १२३ अंडी घातलेली आहेत.त्यामधून ६ कासवांची पिल्ले आज बाहेर पडली आहेत. यंदाच्या कासव विणीच्या हंगामास अंडयांचे संवर्धन करणाऱ्या कासवमित्रांची मार्गदर्शनपर कार्यशाळा दापोली व गुहागर येथे पार पडली. यावर्षीपासून कासवमित्र हे घरटयांच्या नोंदी एम टर्टल ॲपमध्ये नोंदवतील.यासंदर्भातील कासवमित्रांना तज्ञांकडून प्रशिक्षण देण्यात आले असुन,यामुळे कासवांच्या घरट्यांची आणि त्यातुन बाहेर पडणाऱ्या पिल्लांच्या संख्येची अचुक नोंद होणार आहे.

15/01/2023 10:59:51

मिरज औद्योगिक वसाहती मध्ये पहाटे प्लॅस्टिक कारखान्याला भीषण आग

मिरज औद्योगिक वसाहती  मध्ये आज पहाटेच्या सुमारास  गंगा प्लॅस्टिक या प्लास्टिक कारखान्याला  अचानक भीषण आग लागली.  प्लास्टिकचा कारखाना असल्याने आग अधिकच भडकत गेली.  सदर आगीची माहिती प्राप्त होताच सांगली अग्निशमन दलाच्या ४, MIDC अग्निशमन दलाची १, कोल्हापूर मनपा ची १ व तासगाव नगर परिषदेची एक अशा एकूण ६ अग्निशमन दलाच्या वाहनांनी २२ खेपा पाण्याचा मारा करून आगीवर नियंत्रण मिळविले. सदरची आग विझविण्यासाठी ५ तासाचा कालावधी लागला. या कामगिरीवर मुख्य अग्निशमन अधिकारी श्री.विजय पवार ड्रायव्हर सतीश वाघमारे,सुरेश आलगुर,दत्ता माने,शशिकांत चव्हाण,इक्बाल मुल्ला,लिंगाप्पा कांबळे फायरमन रोहित घोरपडे,प्रसाद माने,विशाल रसाळ,चंद्रकांत झेंडे,अविनाश चाळके,रोहित निकम हे हजर होते.

15/01/2023 10:58:09

सातपुड्याच्या डोंगर रांगांमध्ये तापमान चार अंश सेल्सिअसच्या खाली...

नंदुरबार जिल्ह्यातल्या सातपुडा पर्वत रांगामधील वालंबा, डाब आणि तोरणमाळ परिसरात तापमानात मोठी घट झाल्याने थेट दवबिंदु गोठल्याचा प्रकार समोर आला आहे.  दवबिंदु गोठल्याने गवतांवर बर्फाची चादर पसरल्याचे चित्र दिसुन आले.  गेल्या काही वर्षापासुन या भागात तापमानात मोठ्य प्रमाणात घट होत असल्याने अशा पद्धतीने दवबिंदु गोठुन बर्फाची चादर होत असल्याचे चित्र वारंवार दिसुन आले आहे. मात्र या भागात हवामान विभागाचे कुठलेही तापमान मापक यंत्र नसल्याने नेमक तापमान किती याबाबत नोंदच होत नाही. अशातच कडाक्याच्या थंडीने सातपुडा पर्वत रांगामध्ये सकाळी उशीरापर्यत शेकोट्या पेटत असल्याचे चित्र आहे. गेल्या ४८ तासात नंदुरबार मधल्या सपाटी भागतच तापमानात ०८ अंश सेल्सिअस पर्यत घट झाल्याचे पहावयास मिळाले होते. अशातच सातपुड्याच्या पर्वत रागांमध्ये सपाटीभागापेक्षा तापमाना चार ते पाच अंशानी कमी असते.

15/01/2023 10:58:03

Solapur Murder : डोक्यात फरशी घालून एकाची हत्या, सोलापूरच्या चिप्पा मार्केट येथील घटना

सोलापुरातील चिप्पा मार्केट येथे एका व्यक्तीची हत्या

डोक्यात फरशी घालून हत्या केल्याचा प्राथमिक अंदाज

रात्रीच्या सुमारास घटना घडली असून मृत व्यक्तीची ओळख पटवण्याचे काम करून 

 घटनास्थळी सोलापुरातला जेल रोड पोलीस ठाण्याचे पथक, श्वान पथक दाखल

15/01/2023 10:55:51

Abdul Sattar : अब्दुल सत्तारांच्या अडचणीत आणखी वाढ? जास्त विद्यार्थी, हॉस्टेल दाखवून शिष्यवृत्ती लाटल्याचा आरोप

Abdul Sattar : शिंदे गटाचे नेते तथा राज्याचे कृषिमंत्री अब्दुल सत्तार (Abdul Sattar) यांच्या अडचणी काही थांबता थांबत नसल्याचे चित्र आहे. टीईटी घोटाळा, महिला खासदारांबद्दल वादग्रस्त विधान, जिल्हाधिकाऱ्यांना दारूची ऑफर, सिल्लोड कृषी प्रदर्शनासाठी पैसे वसूल केल्याचा आरोप, वाशीम गायरान जमीन घोटाळ्याच्या आरोपानंतर सत्तार यांच्यावर आता आणखी एक नवीन आरोप होत आहे. अल्पसंख्याक विद्यार्थ्यांचा आकडा फुगवून जास्त शिष्यवृत्ती लाटणाऱ्या शाळांच्या यादीत अब्दुल सत्तार यांच्या अनेक शाळांचा समावेश असल्याचा आरोप करण्यात आला आहे. विशेष म्हणजे औरंगाबाद जिल्ह्यातील (Aurangabad District) अशा शंभरावर शाळांना जिल्हा परिषदेने नोटिसा बजावल्या असून, संबंधितांकडून जास्त शिष्यवृत्तीची रक्कम तातडीने वसूल करण्याचे आदेश देण्यात आले आहेत.

15/01/2023 10:53:12

Aurangabad Crime : महिलेची छेड काढल्याप्रकरणी ACP वर गुन्हा दाखल, औरंगाबादमधील धक्कादायक प्रकार

Aurangabad Crime News : औरंगाबाद पोलीस दलात खळबळ उडवून देणारी माहिती समोर येत आहे. औरंगाबाद शहर पोलीस दलातील सहायक पोलीस आयुक्तावरच (ACP - Assistant Commissioner of Police) शहरातील सिटी चौक पोलिसांत गुन्हा दाखल करण्यात आला आहे. नाईट ड्युटीवर असताना या पोलीस अधिकाऱ्याने रात्री 2 वाजेच्या सुमारास एका घरात घुसून महिलेची छेडछाड केल्याच्या प्रकार समोर आला आहे. तर याप्रकरणी शहरातील सिटी चौक पोलिसांत गुन्हा दाखल करण्यात आला आहे. विशाल ढुमे (ACP Vishal Dhume) असे या अधिकाऱ्याचे नाव आहे. 

15/01/2023 10:17:03

Petrol Diesel Price : पेट्रोल-डिझेलच्या दरात दिलासा? पाहा काय आहेत आजचे दर...

Petrol Diesel Price on 15 January 2023 : भारतीय तेल कंपन्याने आजचे पेट्रोल-डिझेलचे दर (Petrol Diesel Price Today) जारी केले आहेत. आंतरराष्ट्रीय बाजारातील कच्च्या तेलाच्या किमतीच्या आधारावर इंधन दर ठरवले जातात. आंतरराष्ट्रीय बाजारात कच्च्या तेलाच्या किंमतीत आज कोणतीही वाढ झालेली नाही आहे. ब्रेंट क्रूड तेल प्रति बॅरल 85.28 डॉलरवर आहे. तसेच, WTI कच्च्या तेलाची किंमत प्रति बॅरल 79.86 डॉलरवर पोहोचली आहे. ब्रेंट आणि डब्ल्यूटीआय या दोन्ही कच्च्या तेलाच्या किंमतीत शनिवारी वाढ झाली होती. मात्र, याचा आज पेट्रोल आणि डिझेलच्या दरावर कोणताही परिणाम झालेला नाही.

सविस्तर बातमी वाचण्यासाठी येथे क्लिक करा.

15/01/2023 09:30:00

Dial 112 : डायल 112 मध्ये आता व्हॉट्सअ‍ॅप, ट्विटर, फेसबुक, ईमेल तक्रारींचाही समावेश

Maharashtra Dial 112 : प्राथमिक आणि द्वितीय संपर्क केंद्र डायल-112 या कार्यप्रणालीत आता व्हॉट्सअ‍ॅप, ट्विटर, फेसबुक, ईमेल इत्यादी माध्यमातून प्राप्त होणाऱ्या तक्रारींचाही समावेश करण्यात आला आहे. या एकत्रित प्रणालीचे लोकार्पण आज राज्याचे उपमुख्यमंत्री आणि गृहमंत्री देवेंद्र फडणवीस यांच्या हस्ते पुणे येथे करण्यात आले.

सविस्तर बातमी वाचण्यासाठी येथे क्लिक करा.

15/01/2023 08:55:50

आज मध्य आणि हार्बर मार्गांवर मेगाब्लॉक

Mumbai Local Train Mega Block 15 January : मुंबईकरांनो (Mumbai) रविवारी घराबाहेर पडणार असाल आणि लोकल ट्रेनने प्रवास करणार असाल, तर तुमच्यासाठी महत्त्वाची बातमी आहे. 15 जानेवारी रोजी रविवारी देखभालीच्या कामांसाठी मुंबई लोकल रेल्वे मार्गावर मेगाब्लॉक (Local Train Mega Block) घेण्यात येणार आहे. आज मुंबई उपनगरीय रेल्वेच्या (Mumbai Local Mega Block) मध्य आणि हार्बर मार्गांवर मेगाब्लॉक घेण्यात येणार आहे. त्यामुळे विकेंडला घराबाहेर पडताना  रेल्वेचं बदललेलं वेळापत्रक जाणून घ्या आणि नंतरच प्रवास करा. 

सविस्तर बातमी : Mega Block : मुंबईकरांनो, मध्य आणि हार्बर मार्गांवर मेगाब्लॉक; घराबाहेर पडण्याआधी लोकलचं वेळापत्रक तपासा

15/01/2023 08:21:31

Army Day 2023 : आज 75 वा भारतीय 'सैन्य दिवस', जाणून घ्या आजच्या दिवसाचा इतिहास

Army Day 2023 : देशात दरवर्षी 15 जानेवारीला भारतीय 'सैन्य दिवस' (Army Day 2023) साजरा केला जातो. आज 75 वा सैन्य दिवस आहे. हा दिवस साजरा करण्यामागे खास कारण आहे. 15 जानेवारी 1949 रोजी भारतीय सैन्याची ब्रिटिशांपासून मुक्तता झाली होती. त्यानंतर याच दिवशी जनरल के एम करियप्पा (General K. M. Cariappa) यांना भारतीय लष्कराचा कमांडर इन चीफ म्हणून घोषित करण्यात आलं होतं. तेव्हापासून दरवर्षी 15 जानेवारीला सैन्य दिवस साजरा केला जातो. पंतप्रधान नरेंद्र मोदी यांनी ट्वीट करत आजच्या या सैन्य दिनाच्या शुभेच्छा दिल्या आहेत. 

सविस्तर बातमी वाचण्यासाठी येथे क्लिक करा.

15/01/2023 08:20:37

Buldhana : स्वामी विवेकानंद यांचा 160 वा जन्मोत्सव साजरा

बुलढाणा जिल्ह्यातील हिवरा येथील स्वामी विवेकानंद आश्रमात स्वामी विवेकानंद यांचा 160 वा जन्मोत्सव साजरा करण्यात आला. गेल्या तीन दिवसांपासून हा उत्सव सुरू असून शनिवारी या उत्सवाची सांगता झाली. यावेळी महाप्रसाद आयोजित करण्यात आला होता. यावेळी दीड लाख भाविकांना एकाच वेळी, एकाच पंगतीत हा महामप्रसाद वितरित करण्यात आला, 100 ट्रॅक्टर, 3000 स्वयंसेवक यांच्या मदतीने जवळपास 60 एकर शेतात या महाप्रसादाचे वाटप करण्यात आले

15/01/2023 08:09:20

Maharashtra Kesari 2023: कुस्तीत राज्याचा गौरव वाढवणाऱ्या पैलवानांसाठी उपमुख्यमंत्र्यांची मोठी घोषणा; मानधनात भरीव वाढ

Devendra Fadnavis on Maharashtra Kesari : आंतरराष्ट्रीय आणि राष्ट्रीय कुस्ती स्पर्धेत राज्याचा गौरव वाढविणाऱ्या पैलवानांच्या मानधनात भरीव वाढ करण्यात येईल, अशी घोषणा राज्याचे उपमुख्यमंत्री देवेंद फडणवीस यांनी केली आहे. 65 व्या महाराष्ट्र केसरी स्पर्धेच्या पारितोषिक वितरण सोहळ्यात  बोलत होते. फडणवीस यांच्या हस्ते 'महाराष्ट्र केसरी' विजेता पैलवान शिवराज राक्षे (Shivraj Rakshe) याला मानाची गदा प्रदान करण्यात आली. 

15/01/2023 08:07:32

Tata Marathon 2023 : मुंबई 'पळाली'! दोन वर्षांनंतर टाटा मॅरेथॉन स्पर्धेचं आयोजन, मोठ्या संख्येने नागरिकांचा सहभाग

Tata Mumbai Marathon 2023 : मुंबईत टाटा मॅरेथॉन स्पर्धेला सुरुवात झाली आहे. दोना वर्षानंतर या स्पर्धेचं आयोजन करण्यात आलं आहे. आज पहाटे 5 वाजून 15 मिनीटांनी टाटा मॅरेथॉन स्पर्धेला सुरूवात झाली आहे. या मॅरेथॉन स्पर्धेत नागरिकांनी मोठ्या संख्येनं सहभाग घेतल्याचे पाहायला मिळत आहे. टाटा मॅरेथॉनमध्ये सुमारे 55,000 स्पर्धक सहभागी झाले आहेत.

पाहा फोटो

 

15/01/2023 07:45:53

Terrorist Arrested : 26 जानेवारी पूर्वी दहशतवादी हल्ल्याचा मोठा कट उधळला, ISI साठी काम करणाऱ्या दोघांना अटक

Delhi Police Arrested Two Terrorist : 26 जानेवारी पूर्वी दिल्ली पोलिसांनी (Delhi Police) दहशतवादी हल्ल्याचा (Terrorist Attack) मोठा कट उधळून लावला आहे. दिल्ली पोलिसांनी जहांगीरपुरी (Jahangirpuri) येथून दोन दहशतवाद्यांना अटक केली होती. हे दोघे ISI साठी काम करत असल्याचं चौकशीमध्ये समोर आले आहे. त्यामुळे दिल्ली पोलिसांच्या स्पेशल सेलने प्रजासत्ताक दिनापूर्वी दहशतवादी हल्ल्याचा मोठा कट उघडकीस आणला आहे. जहांगीरपुरी येथून अटक करण्यात आलेल्या संशयितांची चौकशी केल्यानंतर दिल्ली पोलिसांनी हरकत उल अन्सार आणि खलिस्तान टायगर फोर्स यांचे संबंध असल्याचा खुलासा केला आहे. हे दोन्ही दहशतवादी गट पाकिस्तानची गुप्तचर संस्था ISI च्या आश्रयाखाली तयार करण्यात आली आहे, ज्याचा उद्देश भारतात दहशत पसरवणे आहे, असेही दिल्ली पोलिसांच्य स्पेशल सेलने सांगितलं आहे.

15/01/2023 07:25:43

Tata Half Marathon Winner : हाफ मॅरेथॉनचे महिला विजेते

Tata Half Marathon Winner : हाफ मॅरेथॉनचे महिला विजेते (21 कि.मी.)

पहिली - पारूल चौधरी

दुसरी - नंदिनी गुप्ता

तिसरी - पुनम सोनावणे

15/01/2023 07:25:19

Tata Mumbai Marathon : मुंबई टाटा मॅरेथॉन स्पर्धा हाफ मॅरेथॉनचे विजेते

Tata Half Marathon Winner : हाफ मॅरेथॉनचे विजेते (21 कि.मी.)

पहिला - मुरली गावित

दुसरा - अंकित देसवाल

तिसरा - दिपक कुंभार

15/01/2023 07:18:46

Tata Mumbai Marathon : मॅरेथॉन स्पर्धेच्या वाहतुकीत काही बदल

Tata Marathon 2023 : आजच्या टाटा मॅरेथॉन स्पर्धेत सहभागी होण्यासाठी गाड्यांची व्यवस्था देखील करण्यात आली होती. बोरीवलीहून पहाटे 3 वाजून 45 मिनिटांनी लोकल सुटली.  दरम्यान, या स्पर्धेत कोणताही अडथळा येऊ नये म्हणून या मार्गावरील वाहतुकीत काही बदल करण्यात आले आहेत. वाहतूक पर्यायी मार्गानं वळवण्यात आली आहे. आज पहाटे तीन ते 1 वाजून 15 मिनीटांपर्यंत वाहतुकीत हे बदल करण्यात आले आहेत. 

15/01/2023 06:26:59

Tata Mumbai Marathon : तब्बल दोन वर्षांनंतर मुंबईत टाटा मॅरेथॉन स्पर्धेला सुरुवात, मोठ्या संख्येनं नागरिकांचा सहभाग

Tata Mumbai Marathon : कोरोनानंतर तब्बल दोन वर्षांनी मुंबईत टाटा मॅरेथॉन स्पर्धेचं आयोजन करण्यात आलं आहे. आज पहाटे 5 वाजून15 मिनीटांनी टाटा मॅरेथॉन स्पर्धेला सुरूवात झाली आहे. या मॅरेथॉनला नागरिकांचा मोठा सहभाग असल्याचे पाहायला मिळत आहे. या मॅरेथॉनला राज्याचे मुख्यमंत्री एकनाथ शिंदे उपमुख्यमंत्री देवेंद्र फडणवीस यांच्यासह अनेक सेलिब्रिटी उपस्थित रहाणार आहेत.

पार्श्वभूमी

ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो.

आज राज्यभर मकर संक्रांतीच्या सणाचा उत्साह असरणार आहे. देशासह राज्यातही अनेक ठिकाणी सामुहिक पतंगबाजी होणार आहेत. मकर संक्रांतीच्या निमित्ताने रामकुंडावर स्नान करण्याला विशेष महत्व असल्याने भाविकांची गर्दी राहणार आहे. याबरोबरच पंतप्रधान नरेंद्र मोदी आज सिकंदराबादला विशाखापट्टनवरून जोडणाऱ्या वंदे भारत एक्सप्रेसला हिरवा झेंडा दाखवणार आहेत.   

राज्यभर मकर संक्रांतीच्या सणाचा उत्साह
आज राज्यभर मकर संक्रांतीच्या सणाचा उत्साह असरणार आहे. देशासह राज्यातही अनेक ठिकाणी सामुहिक पतंगबाजी होणार आहेत. मकर संक्रांतीच्या निमित्ताने रामकुंडावर स्नान करण्याला विशेष महत्व असल्याने भाविकांची गर्दी राहणार आहे.  

मुंबईत टाटा मॅरेथॉन स्पर्धा

कोरोना नंतर तब्बल दोन वर्षांनी मुंबईत टाटा मॅरेथॉन स्पर्धेचं आयोजन करण्यात आलंय. आज पहाटे 5.15 वाजल्यापासून मॅरेथॉनला सुरूवात होणार आहे. मॅरेथॉनला पोहचण्यासाठी विशेष लोकल बोरीवलीहून पहाटे 3.45 वाजता सुटणार आहे. मॅरेथॉनला सिलीब्रिटी, मुख्यमंत्री एकनाथ शिंदे आणि उपमुख्यमंत्री देवेंद्र फडणवीस उपस्थित रहाणार आहेत.  

बीडच्या गहिनीनाथ गडावर संत वामन भाऊ यांच्या 47 व्या पुण्यतिथी निमित्त कार्यक्रम
संत वामन भाऊ यांच्या 47 व्या पुण्यतिथी निमित्त पाटोदा तालुक्यातील गहिनीनाथ गडावर कार्यक्रम होणार आहे.. या कार्यक्रमाला मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यासोबत पंकजा मुंडेही उपस्थिती लावणार आहेत. 

रत्नागिरीत कल्याण विधी सोहळा 

आज प्रसिद्ध अशा मार्लेश्वर या ठिकाणी कल्याण विधी सोहळा अर्थात देवाचं लग्न सकाळी 10 नंतर संपन्न होणार आहे. राज्यातील ही अनोखी प्रथा शेकडो वर्षांपासून चालत आलेली असून आजही तितक्याच भक्तिभावाने जपली गेली आणि साजरी केली जातेय. 

अमरावतीत आजपासून शंकरपटाला सुरूवात
विदर्भात सर्वात प्रसिध्द असलेला शंकरपट रविवारपासून सुरू होतोय. तळेगाव दशासर येथे कृषक सुधार मंडळाद्वारे चार दिवसीय शंकरपटाच आयोजन करण्यात आलंय. रविवारी दो-दाणी, सोमवार - मंगळवारी एकदानी आणि बुधवारी महिलांचा शंकरपट होणार आहे.  

पंतप्रधान नरेंद्र मोदी वंदे भारत एक्सप्रेसला हिरवा झेंडा दाखवणार
 
पंतप्रधान नरेंद्र मोदी आज सिकंदराबादला विशाखापट्टनवरून जोडणाऱ्या वंदे भारत एक्सप्रेसला हिरवा झेंडा दाखवणार आहेत.  

सोलापूरच्या श्री सिद्धेश्वर महाराजांची यात्रा 

 सोलापूरचे ग्रामदैवत श्री सिद्धेश्वर महाराजांची यात्रा मोठ्या उत्साहात सुरु आहे. सिद्धरामेश्वर महाराजांच्या योगदंडाशी कुंभार कन्येचा विवाह शनिवारी पार पडला. त्यानंतर आज संध्याकाळी यात्रेतील होम प्रदीपन सोहळा संपन्न होणार आहे. त्यानंतर भाकणूक कार्यक्रम पार पडेल. बाजरीच्या पाच पेंड्यांना साडी, चोळी, खण आणि मंगल चिन्हाचा वापर करुन कुंभार कन्येचे रुप देण्यात येते. त्यानंतर मानकरी हिरेहब्बू यांच्या हस्ते पुजा करुन हा होमप्रदीपन विधी पार पडतो. तर होम विधी सोहळ्यानंतर भाकणुकीचा कार्यक्रम होईल. आगामी वर्ष कसा असेल या संदर्भात सिद्धरामेश्वरांच्या यात्रेत भाकनुक केली जाते. संध्याकाळी 5 नंतर या सोहळ्याला सुरुवात होईल. 

भारत श्रीलंका दरम्यान अंतिम सामना

भारत आणि श्रीलंका दरम्यान अंतिम सामना दुपारी 1.30 वाजता तिरूअनंतपुरम येथे होणार आहे.