Maharashtra News Updates 02 February 2023 : मुंबई-गोवा महामार्गावरील चिपळूण नजीकच्या परशुराम घाटात दरड मार्गावर आल्याने घाटातील वाहतूक ठप्प
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Nagpur Police : नागपुरातील जरीपटका पोलिस ठाण्यात गार्ड ड्युटीवर असलेल्या पोलिस कर्मचारी आपली रायफल चेक करत असताना रायफलमधून गोळी सुटली. मात्र बॅरेल छताच्या दिशेने असल्याने गोळी छताला लागली असून छताला छिद्र पडला. प्राप्त माहितीनुसार पोलिस ठाण्याच्या आतमध्येच ही गोळी चुकून सुटली असून यात कुठलीही हानी झाली नाही.
Nagpur Police : नागपुरातील जरीपटका पोलिस ठाण्यात पोलिसाच्या बंदूकीतून गोळी झाडल्या गेल्याची प्राथमिक माहिती मिळाली आहे. ही गोळी चुकून चालली असल्याचे पोलिस सूत्रांचे म्हणणे आहे.
RSS : या देशात राहणारे सगळेच हिंदू असून संघ उजव्या विचारांचा नाही तर राष्ट्रवादी विचारांचा असल्याचे प्रतिपादन राष्ट्रीय स्वयंसेवक संघाचे सरकार्यवाह दत्तात्रय होसबळे यांनी म्हटले.
मनोर ग्रामीण रुग्णालयात उपचारादरम्यान सुनिता रोकडे या प्रसूत मातेचा मृत्यू झाल्याची घटना समोर आली आहे. नांदगाव तर्फे मनोर गावच्या हद्दीतील मोहू पाड्याची रहिवासी असलेली सुनीता कोरडा (वय.24) या गरोदर महिलेला प्रसुती काळा येत असल्याने मंगळवारी सकाळी मनोर ग्रामीण रुग्णालयात दाखल करण्यात आले होते. ग्रामीण रुग्णालयातील वैद्यकीय अधिकाऱ्यांनी केलेल्या तपासणी अंती नैसर्गिक बाळंतपण शक्य नसल्याने सिझेरियन शस्त्रक्रिया करण्याचा निर्णय घेण्यात आला होता.मनोर ग्रामीण रुग्णालयात स्त्रीरोगतज्ज्ञ डॉ यादव यांनी मंगळवारी सकाळी सिझेरियन शास्त्रकिया करून बाळाला जन्म दिला होता.त्यानंतर गेले दोन दिवस सुनीता कोरडा हिच्यावर उपचार सुरू होते.दरम्यान तिच्या शरीरात रक्ताची कमतरता आढळल्याने दोन युनिट रक्त चढवण्यात आले होते.मयत सुनीता कोरडा गुरुवारी सकाळी प्रातर्विधी साठी गेली असताना बेशुद्ध पडली,त्यानंतर तात्काळ तिच्यावर उपचार सुरू करण्यात आले होते.मात्र आज सकाळी आठ वाजताच्या सुमारास तिचा मृत्यू झाला.
Pune Crime News: कोयता गँगच्या मुसक्या आवळण्यासाठी पुणे पोलीस अँक्शन मोडमध्ये
बेकायदेशीर रित्या कोयता बाळगल्याप्रकरणी दोघांना सापळा रचून पोलिसांनी केली अटक
मार्केटयार्ड येथील आंबेडकरनगर परिसरात बेकायदेशीर रित्या कोयते बाळगल्याप्रकरणी 2 जणांना अटक केली आहे
त्यांच्याकडून 18 कोयते जप्त करण्यात आले असून मार्केट यार्ड पोलिसात गुन्हा दाखल करण्यात आला आहे
एका रिक्षामधून हे कोयते जप्त करण्यात आले
याप्रकरणी पोलिसांनी भवणसिंग भुरसिंग भादा (35), गणेशसिंग हुमनसिंग टाक (32) अशी अटक करण्यात आलेल्यांची नाव
या प्रकरणी पोलिसांनी दोघांकडून 18 कोयते आणि एक रिक्षा जप्त करण्यात आली आहे. या प्रकरणी अधिक तपास मार्केट यार्ड पोलिस करत आहेत
Nandurbar News : नंदुरबार तालुक्यातील ठाणेपाडा जंगलात गुराख्यांच्या सतर्कतेमुळे चंदन तस्करीचा कट फसला.
जंगलात चंदन तस्कर आल्याची माहिती गुराख्यांनी फोनद्वारे गावकऱ्यांना दिल्यानंतर तस्करांनी केले पलायन....
घटनास्थळावर सापडलेले चंदन लाकूड दिले वन विभागाच्या ताब्यात
Kolhapur News : कोल्हापुरातील शिवाजी विद्यापीठाच्या आजच्या सर्व परीक्षा स्थगित
शिक्षकेत्तर कर्मचारी आंदोलनाचा परिणाम
विविध मागण्यांसाठी आजपासून कर्मचाऱ्यांचे काम बंद आंदोलन
परीक्षेची पुढील तारीख आणि माहिती संकेस्थळावर कळवली जाईल - विद्यापीठ
Mumbai News: गोवरचा मुंबईमध्ये उद्रेक झाल्यानंतर मुंबई महानगरपालिकेकडून प्रभागांमध्ये लसीकरण केंद्र सुरू करण्यात आली होती
मात्र मागील काही दिवसांपासून गोवरची रुग्णसंख्या आटोक्यात येत असल्याने केंद्र सरकारच्या निर्देशानुसार ज्या भागामध्ये उद्रेक नाही, त्या प्रभागातील लसीकरण केंद्र बंद करण्याचा निर्णय घेण्यात आला आहे
त्यानुसार मुंबईतील 6 आरोग्य केंद्र बंद करण्यात आली आहेत
केंद्र सरकारच्या निर्देशानुसार शेवटच्या ताप व पुरळ आलेला रुग्ण सापडल्यानंतर पुढील 28 दिवसांमध्ये एकही ताप व पुरळ रुग्ण सर्वेक्षणात आढळून आलेला नाही
अशा भागातील गोवरचा उद्रेक आटोक्यात आल्याचे समजण्यात येते. त्यामुळे मुंबईतील अप्पापाडा, शांतीनगर, सर्वोदय, पांजरपोळ, हिमालया, नेहरू नगर येथील आरोग्य केंद्रे मुंबई महानगरपालिकेने बंद करण्याचा निर्णय घेण्यात आला आहे
Mumbai Pollution Update: जानेवारी महिन्यात मुंबई आणि आजूबाजूच्या उपनगरातील प्रदूषणात वाढ
MLC Election Result: विधानपरिषद निवडूणकीचा आज निकाल, त्यापूर्वी उमेदवारांचं देवदर्शन
नागपूर मतदारसंघातील महाविकास आघाडीचे उमेदवार सकाळीच साईचरणी
निकालाच्या दिवशी साईंचा आशिर्वाद मिळावा म्हणून सुधाकर आडबाले साईंच्या दर्शनाला
Nanded News: आर्ट ऑफ लिव्हिंगचे अध्यात्मिक गुरू श्री श्री रविशंकर यांच्या महासत्संग कार्यक्रमाला मराठवाडा,विदर्भासह परराज्यातील अनुयायांचीही तुफान गर्दी झाली होती. नांदेड शहरातील कौठा परिसरात संध्याकाळी 10 वाजता अध्यात्मिक गुरू श्री श्री रविशंकर यांचा महासत्संग सोहळा संपन्न झालाय. या महासत्संगात लाखों साधक आणि अनुयायांचा जनसागर उसळलाय. आर्ट ऑफ लिव्हिंगचे अध्यात्मिक गुरू कार्यक्रम स्थळी येताच भक्तांनी टाळ्यांच्या गजरात त्यांचे स्वागत केले. त्या दरम्यान गुरू रविशंकर यांनी भक्तांवर पुष्पवृष्टी केलीय. तसेच भक्तांनी दिलेले विविध वस्तू, पुष्पगुच्छ, पुष्पहार रविशंकर यांनी स्विकारले. यावेळी स्वागताध्यक्ष असलेले अशोक चव्हाण आणि गुरुद्वाराचे बाबा बलविंदर सिंग यांनी रविशंकर यांचे सत्कार केलाय. महासत्संग सोहळ्याला मराठवाडा, विदर्भातील एक लाखाच्यावर भक्त उपस्थित होते.
Govind Pansare Murder Case: कॉम्रेड गोविंद पानसरे (Comrade Govind Pansare) यांच्या हत्येचा खटला (Govind Pansare Murder Case News) जलदगतीनं चालवण्याची मागणी करण्याचा अधिकार आरोपींना आहे. मात्र, तपासाला विरोध करण्याचा त्यांना कोणताही अधिकार नाही, असं स्पष्ट करत हायकोर्टानं (Bombay High Court) याप्रकरणातील आरोपींनी दाखल केलेल्या याचिकेवर सुनावणीस नकार दिला आहे.
पार्श्वभूमी
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
विधान परिषदेच्या पाच जागांसाठी 30 जानेवारीला मतदान झालय. त्याचा निकाल आज लागणार आहे. यात तीन शिक्षक तर दोन पद्वीधर मतदार संघाचा समावेश आहे. पाचही ठिकाणी सकाळी 8 वाजता मतमोजणी सुरू होणार आहे. शिवाय सत्ताधारी भाजप आणि शिवसेना शिंदे गटाच्या स्वतंत्र दोन बैठका होणार आहेत.
विधान परिषद मतमोजणी (Legislative Council Counting )
विधान परिषदेच्या पाच जागांसाठी 30 जानेवारीला मतदान झालय. त्याचा निकाल आज लागणार आहे. यात तीन शिक्षक तर दोन पद्वीधर मतदार संघाचा समावेश आहे. पाचही ठिकाणी सकाळी 8 वाजता मतमोजणी सुरू होणार आहे. मतदान प्रक्रिया मतपत्रिकेवर पार पडल्यामुळे निकाल दुपारनंतर येणं अपेक्षित आहे.
सकाळी 8 वाजता मतमोजणीला सुरूवात झाल्यानंतर सर्वात अगोदर पोस्टल मतपत्रिका मोजल्या जातील. त्यानंतर उमेदवारांची पहिल्या पसंतीची मते मोजली जातील. त्यानंतर वैध आणि अवैध मतमोजली जातील. त्यानंतर वैध मतांच्या आधारावर विजयासाठीचा कोटा ठरवला जाईल. पहिल्या पसंती क्रमांकात कोणताही उमेदवार जिंकला नाही तर दुसऱ्या पसंतीची मतमोजली जातील. ही निवडणुक प्रक्रिया पसंती क्रमांकानुसार पार पडली असल्यामुळे दुसरा आणि गरज लागल्यास तिसरा पसंती क्रमांक मोजला जाईल.
सत्ताधारी भाजप आणि शिवसेना शिंदे गटाच्या स्वतंत्र दोन बैठका होणार आहेत. शिंदे गटाची सकाळी 11 वाजता तर भाजपची संध्याकाळी 7 वाजता बैठक होणार आहे. शिंदे गटाच्या बैठकीला सर्व आमदार मंत्री, खासदार आणि पदाधिकारी उपस्थित राहणार आहेत.
मुख्यमंत्री एकनाथ शिंदे जालना दौऱ्यावर
मुख्यमंत्री एकनाथ शिंदे आज जालना जिल्हा दौऱ्यावर आहेत. सकाळी 11 वाजता वाटूर येथे श्री श्री रविशंकर यांच्या उपस्थितीत होणाऱ्या शेतकरी मेळाव्याला ते उपस्थित रहातील.
विरोधी पक्ष नेते अजित पवार आज पुणे आणि पिंपरी-चिंचवड दौऱ्यावर
विरोधी पक्ष नेते अजित पवार आज पुणे आणि पिंपरी-चिंचवड दौऱ्यावर आहेत. पुण्यातील कसबा पेठ आणि चिंचवड विधानसभेच्या पोट निवडणुकीबाबत अजित पवार भुमिका स्पष्ट करतील.
मनसे नेते अमित ठाकरे सांगली दौऱ्यावर
मनसे नेते अमित ठाकरे आज सांगली, तासगाव, विटा भागात दौरा करणार आहेत. विद्यार्थी सेनेचे पदाधिकारी आणि विद्यार्थ्यांबरोबर संवाद साधणार आहेत. संध्याकाळी 6 वाजता विटा येथे डबल महाराष्ट्र केसरी पै. चंद्रहार पाटील यांच्या तालमीला भेट देणार आहेत.
आमदार बच्चू कडू सोलापूर दौऱ्यावर
प्रहार जनशक्ती पक्षाचे प्रमुख आमदार बच्चू कडू आज जिल्हा दौऱ्यावर आहेत. सोलापुरात दुपारी 4 वाजता पत्रकार परिषद घेणार आहेत.
'कृषीगंगा' या राज्यस्तरीय कृषी प्रदर्शनाला सुरुवात
पारनेर कृषी उत्पन्न बाजार समिती मध्ये आजपासून 'कृषीगंगा' या राज्यस्तरीय कृषी प्रदर्शनाला सुरुवात होणार आहे, सकाळी 10 वाजता. माजी मंत्री हसन मुश्रीफ, पद्मश्री पोपटराव पवार यांच्या हस्ते कृषी प्रदर्शनाचे उद्घाटन होणार आहे.
चंद्रकांत पाटील यांच्या विरोधातील भीम आर्मीच्या याचिकेवर सुनावणी
भाजप नेते चंद्रकांत पाटील यांनी वादग्रस्त विधान करून शाहु-फुले आणि आंबेडकरांचा अपमान केल्याबद्दल त्यांच्याविरोधात अँट्रोसिटी अंतर्गत कारवाई करण्याची मागणी करत भीम आर्मीनं दाखल केलेल्या याचिकेवर मुंबई सत्र न्यायालयात सुनावणी होणार आहे.
- - - - - - - - - Advertisement - - - - - - - - -