Maharashtra News Updates 6th May 2023 : देश-विदेशातील महत्त्वाच्या बातम्या फक्त एका क्लिकवर...

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

Background

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

6th May In History: सामाजिक क्रांतीचे प्रणेते राजर्षी शाहू महाराजांचे निधन, मुंबई हल्ल्यातील अजमल कसाबला फाशी; आज इतिहासात

6th May In History: आजचा दिवस हा देशासाठी अत्यंत महत्त्वाच्या दिवसांपैकी एक आहे. सामाजिक क्रांतीचे प्रणेते राजर्षी शाहू महाराज यांचे आजच्याच दिवशी निधन झालं होतं. तर 26 नोव्हेंबर 2011 सालच्या मुंबई हल्ल्यातील जिवंत सापडलेला एकमेव दहशतवादी अजमल कसाबलाही आजच्याच दिवशीस फाशी देण्यात आली होती. जाणून घेऊया आजच्या दिवशीच्या इतिहासातील महत्त्वाच्या घडामोडी.

1856 : आधुनिक मानसशास्त्राचे जनक सिग्मंड फ्रॉइड यांचा जन्म

सिग्मंड फ्रॉइड (Sigmund Freud) हे प्रख्यात ऑस्ट्रियन मानसशास्त्रज्ञ, वैद्य आणि मनोविश्लेषणाचे प्रणेते होते. सिग्मंड फ्रॉइड यांनी विश्लेषणात्मक मानसशास्त्रात पायाभूत संशोधन केले. विसाव्या शतकातील एक थोर विचारवंत म्हणून फ्रॉइड यांचे स्थान आहे. त्यांनी मानवी मनाबाबत मांडलेल्या संकल्पनांमुळे मानवी स्वभावाबाबतच्या पारंपारिक कल्पनांमध्ये फार मोठी उलथापालथ झाली. 

1857 : ब्रिटिशांनी उठाव करणारी 34 वी रेजिमेंट बरखास्त केली

ब्रिटिशांनी आणलेल्या नव्या एन्फिल्ड बंदुकीच्या काडतुसांना गायीची आणि डुकराची चरबी लावली असल्याचा आरोप होता. त्याविरोधात मंगल पांडे यांने सैन्यात उठाव केला. त्यानंतर बंगाल नेटिव्ह इन्फन्ट्रीची 34 वी रेजिमेंट बरखास्त करण्यात आली. नंतरच्या काळात बंगालमध्ये 1857 च्या उठावाला सुरुवात झाली आणि त्याचा प्रसार संपूर्ण देशभर झाला. 

Horoscope Today 6 May 2023 : आज 'या' राशींवर असेल शनिदेवाची कृपा; मेष ते मीन राशीचे जाणून घ्या आजचे राशीभविष्य

Horoscope Today 6 May 2023 : आज शनिवार हा महत्त्वाचा दिवस आहे. कन्या राशीचे लोक जे घरापासून दूर नोकरी करत आहेत त्यांच्या कुटुंबीयांना भेटायला येतील. मित्रांचे सहकार्य मिळेल. कसा असेल शनिवारचा दिवस मेष ते मीन, काय सांगतात तुमच्या नशिबाचे तारे? जाणून घ्या आजचं राशीभविष्य. वाचा सविस्तर 

11:54 AM (IST)  •  06 May 2023

Beed News: केजमध्ये चंदनाची चोरी करणाऱ्या आरोपीला अटक, गावठी कट्टा आणि आठ जिवंत काडतूसं पोलिसांकडून जप्त

Beed News: बीडच्या केज तालुक्यातील होळ येथे चंदनाची चोरी करून त्याची विक्री करणाऱ्या एका आरोपीला पोलिसांनी अटक केली असून त्याच्याकडून एक गावठी कट्टा जिवंत आठ काडतुस आणि काही धारदार शस्त्र पोलिसांनी जप्त केले आहेत. हनुमंत घुगे असे आरोपीचे नाव असून तो चंदन विक्रीसाठी घेऊन जात असताना पोलिसांनी त्यांना रंगी हातात केली असून त्याने लपवून ठेवलेल 45 किलो चंदन देखील पोलिसांनी जप्त केल आहे.

10:57 AM (IST)  •  06 May 2023

Hingoli News: हिंगोलीतील गांजाची शेती करणाऱ्या शेतकऱ्यावर गुन्हा

Hingoli News: हिंगोली जिल्ह्यातील बासंबा शेत शिवारामध्ये एका शेतकऱ्याने शेतामध्ये गांजाची लागवड केली असल्याची गोपनीय सूत्रांची माहिती हिंगोली च्या स्थानिक गुन्हे शाखेला मिळाली होती. त्यावरून हिंगोली पोलिसांनी काल सापळा रचत कारवाई केली आहे या कारवाईमध्ये शेतामध्ये उपटून ठेवलेला त्याबरोबर काही वाळवून ठेवलेला असा गांजा आढळून आला या कार्यवाहीमध्ये पोलिसांनी दोन लाख रुपये किमतीचा गांजा जप्त केला आहे तर दोन आरोपीच्या विरोधामध्ये बासंबा पोलीस स्टेशनमध्ये गुन्हा दाखल करण्यात आला आहे. 

10:57 AM (IST)  •  06 May 2023

Hingoli News: हिंगोलीतील गांजाची शेती करणाऱ्या शेतकऱ्यावर गुन्हा

Hingoli News: हिंगोली जिल्ह्यातील बासंबा शेत शिवारामध्ये एका शेतकऱ्याने शेतामध्ये गांजाची लागवड केली असल्याची गोपनीय सूत्रांची माहिती हिंगोली च्या स्थानिक गुन्हे शाखेला मिळाली होती. त्यावरून हिंगोली पोलिसांनी काल सापळा रचत कारवाई केली आहे या कारवाईमध्ये शेतामध्ये उपटून ठेवलेला त्याबरोबर काही वाळवून ठेवलेला असा गांजा आढळून आला या कार्यवाहीमध्ये पोलिसांनी दोन लाख रुपये किमतीचा गांजा जप्त केला आहे तर दोन आरोपीच्या विरोधामध्ये बासंबा पोलीस स्टेशनमध्ये गुन्हा दाखल करण्यात आला आहे. 

10:45 AM (IST)  •  06 May 2023

Beed News: बीड मधील सव्वा लाख शेतकऱ्यांनी KYC ची प्रक्रिया पूर्ण न केल्याने प्रधानमंत्री किसान सन्मान योजनेचा लाभ मिळण्यास अडचणी

Beed News:  प्रधानमंत्री किसान सन्मान निधी योजना अंतर्गत पात्र शेतकरी कुटुंबांना सहा हजार रुपये प्रति वर्षी लाभ देण्यात येतो बीड जिल्ह्यामध्ये मात्र सव्वा लाख शेतकऱ्यांनी अद्यापही केवायसीची प्रक्रिया पूर्ण न केल्याने त्यांना या लाभापासून वंचित राहावे लागणार आहे..याच योजनेच्या अंतर्गत 14 व्या हप्त्याचा लाभ मे महिन्याच्या अखेर पर्यंत मिळणार असून बीड जिल्ह्यातील सुमारे सव्वा लाख शेतकऱ्यांनी अद्यापही ही केवायसी न केल्याने या योजनेअंतर्गत मिळणाऱ्या लाभ या शेतकऱ्यांना घेता येनार नाही. त्यामुळे 15 मे पर्यंत गाव पातळीवर केवायसी प्रक्रिया पूर्ण करून घेण्यासाठी शेतकऱ्यांना सुविधा उपलब्ध करून देण्यात आले आहेत.

10:44 AM (IST)  •  06 May 2023

Maharashtra Political News: चर्मकार मेळावा सुरू असतानाच अवकाळी पावसाची हजेरी

Maharashtra Political News: जळगावातील धरणगावातील चर्मकार समाजाच्या मेळावा सुरू असताना अचानक अवकाळी पावसाने हजेरी लावली. या पावसात बसूनच नागरिकांनी मंत्री गुलाबराव पाटील, आणि माजी मंत्री बबनराव घोलप यांची भाषण ऐकल्याच पाहायला मिळालं.

गेल्या काही दिवसांपासून जळगाव जिल्ह्यात अवकाळी पावसाने थैमान घातले आहे. अवेळी पडणाऱ्या पावसामुळे जिल्ह्यात ठिकठिकाणी मोठ नुकसान सुद्धा झालं आहे. शुक्रवारीही रात्री धरणगाव सह जळगाव जिल्ह्यात ठिकठिकाणी अवकाळी पाऊस झाला.

 

जळगावातील धरणगाव येथे चर्मकार समाजाचा मेळावा सुरू असताना अचानक अवकाळी पाऊस सुरू झाला. यात सुरुवातीला काही मान्यवरांची भाषणे झाली. मात्र अवकाळी पावसामुळे इतरांची भाषणे थांबवून कार्यक्रम आटोपता घेण्यात आला. शेवटी केवळ प्रमुख अतिथी असलेले माजी मंत्री बबनराव घोलप आणि मंत्री गुलाबराव पाटील यांचीच भाषणे झाली. पाऊस सुरू असताना ही नागरिकांनी जागेवरच बसून या दोन्ही नेत्यांची भाषणे ऐकली. यावेळी नेत्यांनीही पावसामुळे भाषण थोडक्यात आटोपले.  मंत्री गुलाबराव पाटील यांनी मनोगतात अवकाळी पावसावर भाष्य करत पावसात बसून भाषण ऐकणाऱ्या नागरिकांचे आभार सुद्धा मानल्याच पाहायला मिळालं.