Maharashtra News Updates : आठवडाभरात बुलढाणा जिल्ह्यात कोरोनाचे 28 रुग्ण
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News Live Updates : राहुल गांधी यांच्या समर्थनात आणि मोदी-अदानींच्या हितसंबंधाच्या मुद्यावरून आजपासून देशभरात काँग्रेसचे जय भारत सत्याग्रह सुरू होणार आहे. तर, आज मुंबईत राष्ट्रवादी युवक काँग्रेसच्या शिबिराला शरद पवार संबोधित करणार आहेत.
- स्थानिक स्वराज्य संस्था निवडणुकीच्या प्रकरणात सुप्रीम कोर्टामध्ये आज सकाळी प्रकरण मेन्शन केलं जाण्याची शक्यता. त्यानंतर सुनावणीची नवी तारीख निश्चित होईल. 92 नगरपालिकांमधील ओबीसी आरक्षण तसेच स्थानिक स्वराज्य संस्थांच्या प्रलंबित निवडणुका या संदर्भात ही सुनावणी होणार आहे. गेल्या आठ महिन्यांपासून या प्रकरणावर सर्वोच्च न्यायालयात सुनावणी झालीच नाही
- राहुल गांधींच्या समर्थनार्थ आणि देशाची लूट थांबवण्यासाठी मोदी अदानी हितसंबंधांबाबत निर्भीडपणे प्रश्न विचारण्यासाठी काँग्रेसचा जय भारत सत्याग्रह आजपासून सुरू होणार आहे. 8 एप्रिल पर्यंत देशभरात काँग्रेस वेगवेगळे राबवणार आहे.
- पालघरमधील 2 साधू आणि ड्रायव्हर हत्याप्रकरणाची चौकशी CBI ला देण्याच्या मागणीच्या याचिकेवर सुप्रीम कोर्टात सुनावणी
चंद्रपूर
- अयोध्या येथील निर्माणाधीन राममंदिरासाठी महाराष्ट्रातून जाणाऱ्या सागवनाचे आज बल्लारपूर येथे काष्टपूजन कार्यक्रम होणार आहे. त्यानंतर शोभायात्रेच्या स्वरूपात सागवानाची लाकडे चंद्रपुरात आणली जाणार.
शिर्डी
- आजपासून शिर्डीत तीन दिवसीय रामनवमी उत्सवाला होणार प्रारंभ होणार आहे. पहाटे काकड आरती आणि ग्रंथ मिरवणुकीने प्रारंभ होणार आहे.
पुणे
- शिवसेना ठाकरे गटाच्या उपनेत्या सुषमा अंधारे शिवसेना शिंदे गटाचे आमदार संजय शिरसाठ यांच्या विरोधात आज पोलीस तक्रार करण्याची शक्यता आहे.
मुंबई
- राष्ट्रवादी काँग्रेसचे अध्यक्ष शरद पवार यांची मुंबईतील चेंबुरमध्ये सायंकाळी जाहीर सभा होणार आहे. राष्ट्रवादीच्यावतीने चेंबूरमध्ये युवा मंथन शिबिराचे आयोजन करण्यात आले आहे. यावेळी उपस्थित तरुणांना राष्ट्रवादीचे अध्यक्ष शरद पवार मार्गदर्शन करणार आहेत.
- भाजपचे माजी खासदार किरीट सोमय्य एन एम जोशी मार्ग, वरळी पोलिस स्थानकात दुपारी 3 वाजता जाणार आहेत. यावेळी किशोरी पेडणेकर कुटुंबियांसंबंधित असलेली किश कॉर्पोरेट कंपनीने बेस्ट ड्रायव्हर/ कामगारांचा पगार आणि पीएफ बुडविला असा भाजप नेते किरीट सोमय्यांचा आरोप आहे
- महाविकास आघाडी सरकारच्या काळात झालेल्या एसआरए घोटाळा प्रकरणी दाखल याचिकेवर हायकोर्टात सुनावणी होणार आहे.
- पत्राचाळ घोटाळा प्रकरणी संजय राऊतांचा जामीन रद्द करण्यासाठी ईडीनं हायकोर्टात दाखल केलेल्या याचिकेवर आज सुनावणी होणार आहे.
नागपूर
- काँग्रेस प्रदेशाध्यक्ष नाना पाटोले यांच्या नेतृत्वात आज व्हेरायटी चौक येथील गांधी चौक ते संविधान चौक दरम्यान काँग्रेस पक्षाचा लॉंग मार्च निघणार आहे. काँग्रेस नेते राहुल गांधी यांच्या विरोधात न्यायालयाचा निर्णय आल्यानंतर त्यांचे लोकसभा सदस्यत्व ज्या पद्धतीने रद्द करण्यात आले त्या विरोधात हा मोर्चा काढण्यात आला आहे.
सिंधुदुर्ग
- भाजप आमदार नितेश राणे यांची कणकवली प्रहार भवन येथे दुपारी 1 वाजता पत्रकार परिषद होणार आहे. शिवसेना ( शिंदे गट) आणि भाजप यांची संयुक्त पत्रकार परिषद असणार आहे.
नाशिक
- राष्ट्रवादी काँग्रेसचे अध्यक्ष जयंत पाटील नाशिक दौऱ्यावर असून ते पदाधिकाऱ्यांसोबत बैठक घेणार आहेत. कांदा उत्पादक शेतकरीची भेट घेण्याची शक्यता आहे.
वाशिम
- पोहरादेवी इथं आज भारत राष्ट्र समिती पक्षाची विदर्भातील पहिली सभा होणार आहे. त्यामध्ये तेलंगाना राज्यातील एक-दोन मंत्री उपस्थित राहण्याची दाट शक्यता आहे. अनेक पक्ष बदलून BRS मध्ये प्रवेश घेतलेले माजी खासदार हरिभाऊ राठोड यांच्या उपस्थितीत ही सभा होणार आहे.
आठवडाभरात बुलढाणा जिल्ह्यात कोरोनाचे 28 रुग्ण
Corona : आठवडाभरात बुलढाणा जिल्ह्यात कोरोनाचे 28 रुग्ण आढळले आहेत. तर जिल्ह्यात H3N2 चे पाच संशयित रुग्ण आढळले हेत. आज सायंकाळपर्यंत त्यांचे अहवाल येण्याची शक्यता आहे. राज्यात फक्त बुलढाणा सामान्य रुग्णालयात प्रत्येक संशयित रुग्णाच्या पाच टेस्ट केल्या जात आहेत. यामध्ये एन्फ्लूएंझा A आणि B, स्वाईन फ्ल्यू आणि कोवीड.
सुसंस्कृत लोकप्रतिनिधी म्हणून गिरीषजी कायम स्मरणात राहतील : नितीन गडकरी
Girish Bapat passes away : गिरीषजी बापट यांच्या निधनाचे वृत्त ऐकून अतिशय दु:ख झाले. जनसंघाच्या काळापासून पुणे शहरात गेली पाच दशके सक्रिय राजकारणात असणारे, पूर्वीपासून विधिमंडळात व आता लोकसभेतील माझे जीवलग सहकारी, पुण्यामध्ये भाजपच्या जडणघडणीतील एक प्रमुख व क्रियाशील नेतृत्व होते अशा शब्दात मंत्री नितीन गडकरी यांनी गिरीष बापट यांना श्रद्धांजली अर्पण केली.
राजकीयदृष्ट्या भाजपला अतिशय प्रतिकूल काळ असताना पुण्यात भाजपला वाढवण्यात, मजबूत करण्यात गिरीषजींचे मोठे योगदान राहिले आहे. एक मृदुभाषी, संवेदनशील आणि लोकांसाठी झटणारा सुसंस्कृत लोकप्रतिनिधी म्हणून गिरीषजी कायम स्मरणात राहतील.
महाराष्ट्रात विधिमंडळात अनेक वर्षे आम्ही सोबत काम केले. ते माझे अत्यंत जवळचे आणि कौटुंबिक मित्र होते. त्यांच्या निधनाने निर्माण झालेली ही पोकळी कधीही न भरुन येणारी आहे. ईश्वर दिवंगत आत्म्यास शांती देवो आणि त्यांच्या कुटुंबीयांना या कठीण काळात सावरण्याची शक्ती देवो. ॐ शांती.
गिरीश बापटांनी नेहमीच सर्वसमावेशक भूमिका घेतली, निधनाचे वृत्त दुःखद : शरद पवार
Girish Bapat passes away : पुणे लोकसभा मतदारसंघाचे खासदार गिरीश बापट यांच्या निधनाचे वृत्त अत्यंत दुःखद आहे. चार दशकांच्या प्रदीर्घ कारकीर्दीत गिरीश बापट यांनी नेहमीच सर्वसमावेशक भूमिका घेत राजकीय प्रवास केल्याची भावना राष्ट्रवादी काँग्रेसचे अध्यक्ष शरद पवार यांनी व्यक्त केली.
पुण्याचे भाजपचे खासदार गिरीश बापट यांचे निधन
Girish Bapat passes away : पुण्याचे भाजपचे खासदार गिरीश बापट यांचे निधन झाले आहे. याबाबतची माहिती पुणे भाजपचे अध्यक्ष जगदीश मुळीक यांनी दिली.
काही वेळापूर्वीच बापट यांचे निधन झाले आहे.
जितेंद्र आव्हाड यांचा तत्कालीन बॉडीगार्ड वैभव कदमची आत्महत्या
राष्ट्रवादीचे आमदार जितेंद्र आव्हाड यांचा तत्कालीन बॉडीगार्ड वैभव कदम याने आत्महत्या केल्याची घटना घडली. अनंत करमुसे प्रकरणाच्या वेळी तो आव्हाड यांचा बॉडीगार्ड होता. त्याला देखील करमुसे प्रकरणात आरोपी करण्यात आले होते. सध्या ठाणे पोलिसांकडून त्याची चौकशी सुरु होती अशी सूत्रांची माहित आहे.
आत्महत्येचे कारण अस्पष्ट, मात्र दबावामुळे केल्याची शक्यता वर्तवण्यात येत आहे.
महत्त्वाच्या बातम्या
ट्रेंडिंग न्यूज
